Mehmanxanalarda (yataqxanalarda) yaşayanlar üçün yanğın təhlükəsizlik qaydaları haqqında yaddaş kitabçası Hörmətli qonaqlar! Sizdən xahiş edirik yanğın təhlükəsizliyi qaydalarına riayət edəsiniz:
nömrədə elektrik qızdırıcı cihazlarından istifadə etməyin (ütü, qəhvədan, su qaynadan);
nəzərinizə çatdırırıq ki, qoşulmuş torşerlərin və stolüstü lampaların yanar materialdan olan əşyalar ilə üstünü örtmək təhlükəlidir;
ümid edirik ki, çarpayıda uzananda siqaret çəkməyəcəksiniz və söndürülməmiş siqaret saxlamayacaqsınız. Bu təhlükəlidir;
liftin kabinəsinə söndürülməmiş siqaretlə daxil olmaq və siqaret çəkmək qadağandır.
Xahiş edirik, siqareti kağız üçün nəzərdə tutulmuş səbətə atmayın, bunun üçün külqabıdan istifadə edin.
Nömrədə yanğın təhlükəli maddələr və materiallar gətirib saxlamaq qadağandır.
MÜDİRİYYƏT Qoşma 4
Mehmanxanalarda yaşayanlar üçün nümunəvi plan-yaddaş kitabçasının nümunəvi mətni Əgər siz mehmanxanaya birinci dəfə gəlmisinizsə, çıxışların və pilləkənlərin yerləşdiyi yerləri yadınızda saxlayın. Sizin nömrənizdə yanğın baş verərsə;
Tez bu telefon ilə _______________________________________________________________________
(telefon nömrəsi göstərilir) yanğın təhlükəsizliyi xidmətinə xəbər verin.
Yanğın haqqında mütləq dəhliz növbətçisinə və müdiriyyətin nümayəndəsinə xəbər verin;
Təhlükə zamanı nömrəni tərk edin və müdiriyyətin və ya yanğından mühafizənin göstərişi ilə hərəkət edin;
Sizin nömrənizdən kənarda yanğın baş veribsə onda bu telefon ilə:
______________________________________________________________________________________
(telefon nömrəsi göstərilir) yanğın təhlükəsizliyi xidmətinə xəbər verin,qapı və pəncərələri bağlayandan sonra nömrənizi tərk edin.
Əgər dəhlizlər və pilləkən qəfəsələri kəskin tüstülənibsə və otağı tərk etməyə imkan yoxdursa, pəncərələri açarkən öz nömrənizdə qalın, bağlı və yaxşı kipləşdirilmiş qapı sizi uzun müddət təhlükəli temperaturdan qoruya bilər. Tüstü ilə zəhərlənmədən yayınmaq üçün yarıqları və ventilyasiya nəfəsliklərini su ilə isladılmış dəsmal və ya yataq ləvazimatı ilə bağlayın. Telefon vasitəsi ilə müdiriyyətə yerləşdiyiniz yer haqqında xəbər verməyə çalışın.
Yanğınsöndürənlər hadisə yerinə gəldikdə, pəncərəyə yaxınlaşın və sizə kömək edilməsi üçün işarə verin. Köçürmə zamanı liftdən istifadə etmək məsləhət görülmür. Yanğının axırını eyvanda və ya lodjiyada, eyvanın qapısını bağlayaraq gözləmək olar.
