Mühazirə konspektləri Müəllim: b/m Məmmədova Aidə Məhəmmədiyyə qizı Gəncə 2012 Mühazirə 1

J= G(x(t₀),x(t_s),t₀,t_s) + (3)
Bu meyara uyğun optimal idarəetmə məsələsi Bols məsələsi adlanır. İfadələrdə x(t₀)- başlanğıc, x(t_s)-son vəziyyəti göstərir və ümumiyyətlə, həm x, həm də u vektor şəklindədir :
x(t)=[x₁(t),x₂(t),...,x_n(t)] ;

u(t)=[u₁(t),u₂(t),...,u_n(t)] .
Optimal idarəetmə sistemlərində keçid müddətinə nəzərən iki növ məsələ səciyyəvidir.

1. 
   Qeyd edilmiş, yəni məlum zamanda idarəetmə məsələsi. Bu məsələdə t₀ və t_s anları, deməli, sistemin başlanğıc vəziyyətdən son vəziyyətə keçmə müddəti məlum olur.
   
2. 
   Qeyd edilməmiş, yəni ixtiyari zamanda idarəetmə məsələsi. Bu məsələdə t₀ və t_s anlarından biri məlum deyildir və sistemin başlanğıc vəziyyətdən son vəziyyətə keçmə müddəti ixtiyari qiymətə malik ola bilər.
   

Sərhəd şərtlərinə nəzərən optimal idarəetmə məsələləri üç sinfə ayrılır:

1. 
   Ucları bərkidilmiş idarəetmə məsələsi. Belə məsələnin qoyuluşu zamanı başlanğıc və son vəziyyət məlum, yəni x(t₀)=x₀ , x(t_s)=x_s, x_0, x_s verilmiş nöqtələrdir;
   
2. 
   Sağ ucu sərbəst idarəetmə məsələsi. Belə məsələnin qoyuluşunda başlanğıc vəziyyət x(t₀)=x₀ məlum, son vəziyyət isə ixtiyaridir. Bu halda x_s çoxluğu bütün vəziyyət fəzasına uyğun gəlir;
   
3. 
   Ucları hərəkət edən idarəetmə məsələsi. Bu məsələdə x₀ və x_s iki və daha çox nöqtədən ibarətdir, yəni azı iki başlanğıc və iki son vəziyyət mümkündür. Qeyd edək ki, bu məsələnin xüsusi halları sol ucu və sağ hərəkət edən idarəetmə məsələləridir. Sol ucu hərəkətli idarəetmə məsələsində x₀, sağ ucu hərəkət edən idarəetmə məsələsində isə x_s ən azı iki nöqtədən ibarətdir.