Mündəricat Giriş I fəsil. Üsulun əsasını təşkil edən makrosinoptik proseslərin inkişafının əsas anlayışları və qanunauyğunluqları II fəsil. Zonal və meridional sirkulyasiya indekslərinin istifadəsi

Ədəbiyyat ……………………………..…………………………….. 28

GİRİŞ
Son onilliklər dövrü ərzində makrometeorologiyanın inkişafının xarakterik xüsusiyyəti ondan ibarət olmuşdur ki, bu zaman uzunmüddətli hava proqnozlarının bir neçə elmi məktəbləri yarandı. Bizim ölkədə uzunmüddətli hava proqnozlarının iki məktəbi (B.P. Multanovski-S.T. Paqava və Q.Y. Vangengeym-A.A. Qirs) təşəkkül tapmış və inkişaf etmişdir. Qeyd etmək lazımdır ki, uzunmüddətli hava proqnoz üsulunun hazırlanması üzrə sinoptik tədqiqatlara bizim ölkədə 1913-cü ildə Multanovskinin rəhbərliyi ilə “ Baş Geofiziki ” rəsədxanada başlanmışdır. B.P. Multanovski-S.T. Paqava məktəbinin üsulları əsasında ölkə ərazisində və dəniz akvatoriyaları, həmçinin Atlantik və Sakit okeanların şimal əraziləri üçün proqnozlar verilir.

“ V.P. Multanovski – S.T. Paqava uzunmüddətli proqnoz məktəbinin sinoptik metodları ” mövzusunda olan kurs işində müxtəlif məsələlərə baxılacaq:

Birinci fəsildə V.P. Multanovski – S.T. Paqava məktəbinin üsullarının əsasını təşkil edən makrosinoptik proseslərin inkişafının əsas anlayışları və qanunauyğunluqlarına baxılacaq.

İkinci fəsildə isə zonal və meridional sirkulyasiya indekslərindən müxtəlif rayonların əraziləri, hətta bütün yarımkürə üçün necə istifadə olunması aydınlaşdırılacaq.

Nəhayət, üçüncü fəsildə isə Azərbaycanda və müxtəlif ərazilərdə, atmosferin müxtəlif yüksəklik səviyyələrində havanın aylıq, fəsli və 3-10 günlük proqnoz metodlarına baxılacaq.