Namangan davlat universiteti

O‘ZBEKISTON RESPUBLIKASI
OLIY TA’LIM, FAN VA INNOVATSIYALAR VAZIRLIGI
NAMANGAN DAVLAT UNIVERSITETI

“TASDIQLAYMAN” O‘quv ishlari bo‘yicha prorektori _______________ D. Xolmatov “___” ___________ 2023-yil

TOPONIMIKA (ETNOTOPONIMIKA VA ETNONIMIYA)
FANINING
O‘QUV DASTURI
1-kurs uchun

Bilim sohasi:	200000	–	San’at va gumanitar fanlar
Ta’lim sohasi:	230000	–	Tillar
Mutaxassislik:	70230501	–	Etnografiya, etnologiya va antropologiya

Namangan – 2023

Fan/modul kodi MEEA2325		O‘quv yili 2023/2024	Semestr 2	ECTS - Kreditlar 4
Fan/modul turi Tanlov		Ta’lim tili O‘zbek		Haftadagi dars soatlari 1-semestr - 4 soat
1.	Fanning nomi		Auditoriya mashg‘ulotlari (soat)	Mustaqil ta’lim (soat)	Jami yuklama (soat)
	Toponimika (etnotoponimika va etnonimiya)		60	60	120

I. FANNING MAZMUNI Fanni o‘qitishdan maqsad – Toponomika fanining predmeti va vazifalari to‘g‘risida talabalarga umumiy tushuncha berish, fanning rivojlanish tarixi, tadqiqot ko‘lamining o‘sishi, uning bosqichlari, manbalari va ularning madaniy-tarixiy jarayonlarni o‘rganishdagi ahamiyati, tarixiy rivojlanishini bosqichma-bosqich tarixiylik, ilmiylik, xolisona yondashuv negizida o‘rganish, ko‘nikma va malakasini shakllantirishdir. Fanning vazifasi - toponimlar va ularning turlari, nomlanish xususiyatlari, makrotoponimlar, mikrotoponimlar, oykonimlar, urbonimlar, gidronimlar, gidronimlar, oronimlar, agronimlar, zoonimlar, fitonimlar mohiyati va ahamiyati ochib berish. II. ASOSIY NAZARIY QISM (MA’RUZA MASHG‘ULOTLARI) II.1. Fan tarkibiga quyidagi mavzular kiradi: 1-mavzu. Fanning predmeti, tadqiqot doirasi, maqsadi va vazifasi Toponomika fanining mavzusi va vazifalari. Toponomika fanining geografiya, tarix, etnografiya, geologiya, zoologiya, til, adabiyot va boshqa fanlar bilan aloqasi. Toponimlar va ularning turlari, nomlanish xususiyatlari. Makrotoponimlar, mikrotoponimlar. Oykonimlar, urbonimlar, gidronimlar, oronimlar, agronimlar, zoonimlar, fitonimlar va boshqalar. Joy nomlarini o‘rganish O‘rta Osiyo va O‘zbekiston hududida yashab kelgan ota-bobolarimizning tili, tarixi, turmushi, urf-odati, kasb-kori xo‘jalik faoliyatiga oid qator muammolarni oydinlashtirishda muhim ahamiyatga ega ekanligi. 2-mavzu. O‘rta Osiyo va O‘zbekistonning geografik o‘rni va tabiiy sharoiti haqida O‘rta Osiyo va O‘zbekistonning yer usti tuzilishi, iqlimi, suv manbalari, hayvonot dunyosi va o‘simliklar olamining o‘ziga xosligi. Tabiiy sharoiti bilan bog‘liq ravishda fitooykonimlar, zooykonimlar va boshqa turdagi toponimlarning vujudga kelishi. 3-mavzu. Oykonimlar xususiyatlari va tavsifi Oykonimlarni geografik nomlar orasida tutgan o‘rni. Aholi turar joylari va uning ichki bo‘linishlari qishloq, posyolka, mahalla, guzar, ko‘cha nomlari oykonimlar deb atalishi to‘g‘risida. Hudud aholisining o‘tmishdagi etnik tarkibi qaysi urug‘, qabila, qavm, toifaga mansubligi, iqtisodiy turmush sharoiti, qanday kasb xunar bilan shug‘ullanganligi shuningdek, joyning biron kishiga qarashliligini ifodalovchi oykonimlar.