Nöqtələr
Ayədə cihad deyərkən təkcə düşmənlərlə qılınc savaşı yox, istənilən bir təlaş nəzərdə tutulur. İnsanın özünütərbiyə yolunda təlaşları, başqa sözlə, nəfslə cihad, şeytan vəsvəsələri ilə mübarizə, xarici düşmənlə savaş bu qəbildəndir.
Bildirişlər
1. Allah bizim təlaşlarımıza möhtac deyil.
Allah yaratmadı fayda götürə,
Yaratdı insanı haqqa yetirə.
2. İnsanları müsbət təlaşlara sövq etmək üçün onların daxili meyillərindən, eləcə də özünə məhəbbətindən istifadə edək. (İnsan fitrətən fayda sorağındadır.)
3. Allahın ehtiyacsızlığı həqiqi və qətidir. (İnsanın ehtiyacsız olduğunu bildirməsi isə özü bir ehtiyacdır.)
4. Allah həm insanlardan, həm mələklərdən, həm də digər mövcudlardan ehtiyacsızdır.
Ayə 7:
﴿وَالَّذِينَ آمَنُوا وَعَمِلُوا الصَّالِحَاتِ لَنُكَفِّرَنَّ عَنْهُمْ سَيِّئَاتِهِمْ وَلَنَجْزِيَنَّهُمْ أَحْسَنَ الَّذِي كَانُوا يَعْمَلُونَ﴾
“İman gətirib saleh işlər görənlərin büdrəmələrini hökmən örtərik. Şübhəsiz, onlara gördükləri işdən üstün mükafat verərik.”
Dostları ilə paylaş: |
