Nur təFSİRİ

Allahla müamilənin imtiyazları

1. Əgər sağlamlıq, elm, ömür, hörmət, var-dövlət kimi sərmayələrimiz Allah tərəfindəndirsə, elə onunla da müamilə edək. Bəli, əgər övlad atadan aldığı pulla torpaq alıb ev tikərsə və sonradan bu evi satmaq qərarına gələrsə, ağıl və vicdan hökm edir ki, əgər ata özü bu evi almaq istəsə, başqa müştərilərdən imtiyazlıdır. Çünki bütün var-dövləti atanın hesabına əldə etmiş oğulun hazırda evi biganəyə satması alicənablıqdan uzaqdır.

2. Əgər başqaları insanın sərmayəsini yalnız dünyada və müvəqqəti işlənən pula alırsa. Allah aldığının əvəzində əbədi behişt verir.

3. Əgər başqaları azla kifayətlənmirsə, Allah azı da qəbul edir.

4. Allah öz mərhəməti ilə aldığının eybini açıqlamır. Namazın ardınca duada oxuyuruq: “Pərvərdigara! Əgər namazımın rüku və səcdələrində nöqsan varsa, bağışla. Namazımı qəbul et.” Rəcəb ayının duasında oxuyuruq: “Səndən başqasının qapısını döyənlər uduzdu, səndən başqasını soraqlayanlar ziyana düşdü.”³