2. Q a c a t (=Q a c a r) Qacar oymağı yuxarı-baş və aşağı-baş olmaq üzərə iki qola ayrılmışdır. İndiki İran şahları bu oymağa mənsubdurlar. Fətəli şah bu oymağın rəisidir. Qacarlar çox da qələbəlik deyillər. Üstün bir mövqeyə çatan igidlər və xoşbəxt insanlar kimi qacarlar da digər oymaqlar və xalq tərəfindən sevilmir. Yuxarıda adları keçən qacarın iki qolu bu obalara ayrılır: qavallu2, dəvəlü, kikyalu, dabanlu, suçanlu, kərlü, izzəddinlü3.
a) Mazandaran və Tehran .........1.800 (nəfər)
b) Xorasanda, Mərvdə ............500 (nəfər)
с) İrəvanda .............500(nəfər)
ç) Gəncədə ..........1.000(nəfər)
cəmisi: 3.800 (nəfər)
Qacarlardan bir qol ana oymaqdan ayrılaraq əfşarlara qatılıb qacar-əfşar adını daşımışdır. Bunlar Mazandaranla İrəvan dolaylarında yaşayırlar.
3. M ü q ə d d ə m Marağada yurd tutmuşdur. Müqəddəmlərin başı Azərbaycan bəylərbəyisi Əhməd xandır. Əhalısi təqribən 5.000 nəfərdir.
4. D ü m b ə l ü1 Azərbaycanın qərbində və Xoy ilə Səlmas yaxınlarında yaşayırlar. Başçıları Cəfərqulu xandır. Bu, əski Xoy valisi idi. 1800-ci ildə Fətəli şaha qarşı etmişdir. Oymağın əhalısi 1.200 ailəyə yaxındır.
5. T ü r k m ə n Əski və yeni adı ilə iki qola ayrılır.
a) əski türkmən2, Azərbaycanda .........8.000 (nəfər)
Həmədan çevrəsində .........3.000 (nəfər)
Farsdakı Kazərunda .........2.000 (nəfər) cəmisi: 13.000 (nəfər)
b) yeni türkmən3 Tehranda və Mazandaranda .........3.000 (nəfər)
İranın bəzi çöl və ovalarında...............................................25.000 (nəfər) cəmisi: 38.000 (nəfər)
6. K ə n g ə r l ü4 Kiçik bir oymaqdır. Araz sahillərində 4.000 və ya 5.000
Qum və dolaylarında.................................................1.000 nəfər qədərdir.
