Har bir javobga muvofiq ravishda baho berish kerak. Javob bergan ham, boshqa talabalar ham javobning to’g’ri yoki noto’g’riligini bilishi kerak. To’g’ri javobni ayrim paytda qaytarish zarur bo’ladi, ayrim paytda so’zmaso’z qaytarish ortiqcha.
To’g’ri javobni e’tirof etish. Javob to’g’riligi e’tirof etilar ekan, doimo bir xilda
«to’g’ri», «juda yaxshi» degan so’zlarni takrorlamaslikka harakat qilish kerak.
Javob yo’q. Talaba savolga javob bera olmasa, boshqa savol berib ko’rish kerak. O’qituvchi bunday paytda sabrtoqatli bo’lishi kerak. Agarda keyingi savolga ham javob bo’lmasa, boshqa talabaga murojaat qilish kerak.
Javob etarli emas. Talaba bergan javob etarlicha to’g’ri bo’lmasa, javobning to’g’ri qismini hisobga olgan holda esga soluvchi, yo’llovchi savollar berish kerak.
Berilgan javob noto’g’ri. Noto’g’ri berilgan javobni oydinlashtirish, uni boshqacharoq tarzda qo’yish yoki auditoriyaga hamma shunaqa fikrdami? Kelinglar, bir o’ylab ko’raylik deya murojaat qilish mumkin.
Javob mujmal bo’lishi mumkin. Qo’yilgan savolga noaniq javob bo’lsa, o’qituvchi darhol «savol boshqa edi» yoki «men boshqa narsani nazarda tutgan edim» demay, keyingi savolni bergani ma’qul.
Noaniq tushunib bo’lmaydigan javob. Unda o’qituvchi talabadan yana qayta o’z fikrini qaytarishni so’rashi kerak. Hamma javobni tushunmadi, yana takrorlang, deb murojaat qilish kerak.
To’g’ri javobni alohida ajratib ko’rsatish. Agar suhbat chog’ida bir necha fikr bildirilgan, turlicha javoblar berilgan bo’lsa, to’g’ri javobni albatta ajratib ko’rsatish, iloji boricha daftarga yozib qo’yish yoki tarqatiladigan materialda bo’lishi kerak.
Takrorlash va munozara uchun savollar:
Dars o’tishda auditoriya oldiga savol qo’yishning qanday ahamiyati bor? Savoljavob eng ko’hna, keng tarqalgan va hech eskirmaydigan metod deb ayta olamizmi?
Nima sababdan har qanday bilish faoliyatining asosida savol yotadi, deymiz?
Dars o’tish jarayonida parta, stolstullar joylashuvining qanday ahamiyati bor?
Savollarni qanday guruhlarga bo’lish mumkin?
Savol berish va unga javobni baholashda o’qituvchi qanday qoidalarga rioya qilishi lozim?
Suhbat metodi qanday metod hisoblanadi? Sizningcha, nima sababdan bu metoddan o’qituvchilar dars jarayonida keng foydalanadilar?
Dostları ilə paylaş: |
