Deuterokanonik kitabları Yoxlama versiyası
Yüklə 0,96 Mb. Pdf görüntüsü
|
| Ester mələkə olur
1 Bir müddətdən sonra hirsi soyuyan Axaşveroş Vaştini xatırladı. Onun necə hərəkət etdiyini və ona qarşı görülən tədbirləri yada saldı. 2 Padşahı əyləndirməyə cavabdeh olan xidmətçiləri belə dedilər: «Padşah üçün bakirə gözəllər seçilsin. 3 Padşah ölkənin bütün vilayətlərində məmurlar təyin etsin. Onlar da bütün gözəl, bakirə qızları Şuşan şəhərinə gətirsinlər və padşahın hərəmağasının ixtiyarına verilsin. Qızlara ənlik-kirşan və digər bəzək vasitələri verilsinlər. 4 Padşahın xoşuna gələn qız Vaştinin yerinə mələkə olsun». Bu təklifdən məmnun olan padşah belə də etdi. 5 Şuşan şəhərində Binyamin qəbiləsindən Kiş oğlu Şimi oğlu Yair oğlu Mordokay adında bir Yəhudi yaşayırdı. 6 O, Babil padşahı Navuxodonosorun Yerusəlimdən sürgün etdiyi əsirlərdən biri idi. 7 Mordokay əmisi Aminadavın qızını övladlığa götürüb böyütmüşdü. Onun adı Ester idi. Ester ata-anasını itirmişdi. Esterin həm qaməti, həm də çöhrəsi gözəl idi; ata-anası öləndən sonra Mordokay onu gələcəkdə özünə arvad etmək üçün götürmüşdü. 8 Padşahın fərmanı yayıldıqdan sonra çoxlu gənc qızı Şuşan şəhərinə gətirib Heqaya təslim etdilər. Ester də qadınlara baxan Heqaya təhvil verildi. 9 Heqay Esteri bəyəndi və ona üstünlük verdi. Esteri ənlik-kirşanla, yemək payı ilə təmin etdi. Bundan başqa, padşah sarayından yeddi xidmətçi qızı da onun üçün təyin etdi; hərəmxanada Esterlə xidmətçi qızlara xüsusi qayğı göstərdi. 10 Ester nə nəslini, nə də qohum- əqrəbalarını açıqladı, çünki bu barədə danışmağı Mordokay ona qadağan etmişdi. 11 Mordokay hər gün hərəmxananın həyəti qarşısında vurnuxur, Esterin hansı vəziyyətdə olması və onunla necə davranılması barədə məlumat alırdı. 12 Hər gənc qız on iki aylıq müddət başa çatanda padşah Axaşveroşun hüzuruna çıxmalı idi. Bu müddət ərzində bu işlər tamamlanmalı idi: altı ay qadınlara mirra ilə qarışdırılmış yağ çəkilir, sonrakı altı ay isə ətirlər və ənlik-kirşan istifadə edilirdi. 13 Hər gənc qız padşahın yanına girməmişdən əvvəl hərəmxanadan istədiyi şeyi götürüb saraya apara bilərdi. 14 Axşam Padşahın yanına gedən gənc qız səhər digər hərəmxanaya gedirdi; padşahın bu hərəmxanasının başçısı Şaaşqaz idi. Padşaha görünən qadın bir daha onun yanına girə bilməzdi. Yalnız padşahın adı ilə çağırdığı qız yenidən onun yanına girə bilərdi. 15 Amma Avixayilin qızı olan və Avixayilin qardaşı oğlu Mordokay tərəfindən övladlığa götürülən Esterə padşahın hüzuruna çıxmaq növbəsi gələndə o, qadınlara cavabdeh olan hərəmağanın ona götürmək məsləhət 38 etdiyindən başqa heç bir şey istəmədi. Esteri görən bütün insanlar onu bəyənirdi. 16 Adar adlanan on ikinci ayda, Axaşveroşun hökmranlığının yeddinci ilində Ester padşahın yanına aparıldı. 17 Padşah Esteri sevdi; o biri qızlardan daha çox onu bəyəndi; tacı Esterin başına qoydu. 18 Sonra padşah dostlarına və əyanlara yeddi günlük ziyafət verdi və Esterlə toyunu bayram etdi. Padşahlığının sakinlərinə hədiyyələr etdi. Yüklə 0,96 Mb. Dostları ilə paylaş:
|