Ijtimoiy pedagogika – shaxsni ijtimoiylashtirish qonuniyatlarini,
ijtimoiy muammolarni hal qilishga pedagogik yondashish hamda
ijtimoiy pedagogik faoliyatni samarali tashkil etish texnologiyalarini
yaratish masalalarini yoritadi.
Iqtisodiy tarbiya – ijtimoiy tarbiyaning muhim tarkibiy
qismlaridan biri bo‘lib, o‘quvchilarga iqtisodiy bilimlarni berish,
ularda iqtisodiy faoliyat (oila budjetini shakllantirish, oila xo‘jaligini
yuritish, mavjud moddiy boyliklarni asrash, ko‘paytirish, savdo-sotiq
munosabatlarini to‘g‘ri tashkil etish va h.k.)ni tashkil etish ko‘nikma
va malakalarini shakllantirishga yo‘naltiriladi.
122
Individual ta’lim – pedagogik texnologiyalardan biri bo‘lib, shaxs
tomonidan yakka tartibda, mustaqil ravishda zarur bilim, ko‘nikma,
malakalarning o‘zlashtirilishini anglatadi.
Innovatsion ta’lim – pedagogik texnologiyalardan biri bo‘lib,
o‘quvchi, talabada yangi g‘oya, me’yor, qoidalarni yaratish hamda
o‘zga shaxslar tomonidan yaratilgan ilg‘or g‘oyalar, me’yor, qoidalarni
tabiiy qabul qilishga oid sifat hamda malakalarni shakllantirish
imkoniyatini yaratadi.
Intervyu – pedagogik ilmiy-tadqiqot metodlaridan biri bo‘lib,
respondent tomonidan tadqiq etilayotgan muammoning u yoki bu
jihatini yorituvchi hodisaga nisbatan munosabat bildirilishini – bu
ajdodlarga xos biologik belgi va rivojlanish xususiyatlarini keyingi
avlodlarga o‘tish jarayoni.
Interfaol metodlar – ta’lim jarayonida o‘quvchilar hamda
o‘qituvchi o‘rtasida hamkorlikni qaror toptirish, faollikni oshirish
ta’lim oluvchilar tomonidan bilimlarni samarali o‘zlashtirish, ularda
shaxsiy sifatlarni rivojlantirishga xizmat qiladigan metodlar.
Interfaol ta’lim – pedagogik texnologiyalardan biri bo‘lib,
ta’lim jarayonining asosiy ishtirokchilari – o‘qituvchi, o‘quvchi va
o‘quvchilar guruhi o‘rtasida yuzaga keluvchi hamkorlik, qizg‘in
bahs-munozalar, o‘zaro fikr almashish imkoniyatiga egalik asosida
tashkil etiladi.
