| Maddə 154. İddia ərizəsinə etiraz etmə və ya mülahizə təqdim etmə
154.1. İşdə iştirak edən şəxs iddiaya qarşı etirazını və mülahizəsini onlara əlavə olunmuş sənədlərlə birlikdə, iqtisadi mübahisələr üzrə isə mülahizənin digər tərəfə göndərilməsi barədə sübutları işə baxılana kimi, ona qarşı izahat verilə bilən müddətdə məhkəməyə təqdim etməyə haqlıdır.
154.2. Etirazda və ya mülahizədə göstərilir:
154.2.1. mülahizənin göndərildiyi məhkəmənin adı;
154.2.2. iddiaçının adı və işin nömrəsi;
154.2.3. iddia tələbi rədd edildikdə etirazın əsaslandırıldığı sübutlara istinad etməklə, iddiaçının tələbinin tam və ya qismən rədd edilməsinin motivləri;
154.2.4. etiraza və ya mülahizəyə əlavə edilən sənədlərin siyahısı.
154.3. Etirazda və ya mülahizədə digər məlumatlar, həmçinin cavabdehdə olan vəsatətlər də göstərilə bilər.
154.4. Mülahizə işdə iştirak edən şəxs və ya onun nümayəndəsi tərəfindən imzalanır. Nümayəndənin imzaladığı mülahizəyə onun işi aparmağa səlahiyyətini təsdiq edən etibarnamə əlavə edilir.
Dostları ilə paylaş: | 
