Raqamli iqtisodiyot va tadbirkorlik

Markazlashtirilgan shakl (sentralizatsiya shakli)ning afzalliklari va kamchiliklari

Afzalliklari	Kamchiliklari
Hisob va hisobot yaxlit siyosat asosida yuritiladi; Zamonaviy qimmat turadigan texnik vositalardan samarali foydalaniladi; Progressiv metod va usullardan keng va tez foydalanish imkoni bo‘ladi; Intellektual raqobatbordoshlik kuchayadi; Strategik boshqaruv yaxshi yo‘lga qo‘yiladi; Mehnatni ilmiy tashkil etishga ko‘proq imkoniyatlar mavjud bo‘ladi	Hujjatlar aylanishi va ularni arxivlash murakkablashadi; Administrativ-buyruqbozchilik kuchayadi; Operativ qarorlar qabul qilish susayadi; Joriy nazorat ma’lum darajada susayadi; Buxgalterlar sonini asossiz qisqartirishga olib keladi va ularning mehnat yuki keragidan ortiq bo‘lishi mumkin; Ish hajmi ko‘p bo‘lganligi tufayli hisobotlarni jamlash va taqdim etish muddatlari kechikishi mumkin.

Markazlashtirilmagan shakl (detsentralizatsiya shakli) respublikamizda mustaqil balansga ega bo‘lgan barcha maqomdagi va mulk shaklidagi korxonalarda, chunonchi, aksiyadorlik jamiyatlarida, MChJlarda, xususiy korxonalarda, davlat unitar korxonalarida qo‘llanilmoqda.
Markazlashtirilmagan shakl (detsentralizatsiya shakli)ning afzalliklari va kamchiliklari

Afzalliklari	Kamchiliklari
Hujjatlar aylanishi va ularni arxivlash osonlashadi; Administrativ-buyruqbozchilikka yo‘l qo‘yilmaydi Operativ qarorlar qabul qilish imkoniyati ko‘proq bo‘ladi; Joriy nazorat kuchayadi; Buxgalterlar mehnat yuki optimal bo‘ladi; Hisobotlarni tuzi shva taqdim etishda kechikishlar kam bo‘ladi Buxgalterlar faqat o‘z rahbariga bo‘ysinadi; Tepadan tazyiqlar kam bo‘ladi.	Hisob va hisobot yaxlit siyosat asosida yuritilmasligiga olib kelishi mumkin; Zamonaviy qimmat turadigan texnik vositalardan samarasiz foydalanishga olib keladi; Progressiv metod va usullardan keng va tez foydalanilmaydi; Intellektual raqobatbordoshlik muhiti bo‘lmaydi; Strategik boshqaruv yaxshi yo‘lga qo‘yilmasligi mumkin; Mehnatni ilmiy tashkil etish imkoniyatlaridan to‘liq foydalanilmaydi

Respublikamizning buxgalteriya hisobi to‘g‘risida qonuniga (7-modda)ga ko‘ra markazlashtirilmagan shaklda (detsentralizatsiya shaklida) korxona rahbari buxgalteriya hisobi va hisobotini quyidagi to‘rtta usullardan birida tashkil etish huquqiga ega.