Raqamli mobil aloqa

• “Xendover”ning signal xabarlariga asoslangan kuzatuv.
“Xendo-
ver” jarayonida “uy” eNB mehmon eNB bilan “xendover” haqida 
xabarlar almashadi. O‘z navbatida, AU mehmon eNB ga “xen-
dover” haqida tasdiqlovchi xabar jo‘natadi. Demak, passiv hujum 
qiluvchi AU o‘z sotasini almashtirgani haqida axborot oladi.
• Kanal holati haqida hisobotlarga asoslangan kuzatuv.
 
RRS da-
rajasida AU muayyan ravishda eNB ga radiokanalning holati 
haqidagi hisobot (CQI)larni jo‘natib turadi. Bu hisobotlarni ush-
lagan passiv hujum qiluvchi ancha yuqori aniqlik bilan AUning 
harakatlarini kuzatishi mumkin. 
Bunday turdagi tahdidlarga qarshi turish uchun standartda NAS 
darajasidagi barcha signallarni shifrlash tavsiya etiladi. Agar bun-

---

338
day shifrlash qo‘llanmasa, u holda muqobil choralar sifatida ochiq 
xabarlarni uzatish jarayoni boshlanishidan oldin umumiy kalitlar 
ishlatilishi tavsiya etiladi.
23.3. Majburiy “xendover”
Bu hujum aktiv xarakterga ega va sezilarli oqibatlarga olib ke-
lishi mumkin. Majburiy “xendover” hujumi ham aralashmagan 
LTE tarmoqlari ichida, ham boshqa 3GPP texnologiyalari bi-
lan aralashgan tarmoqlarda amalga oshirilishi mumkin. LTE tar-
mog‘i ichida bunday hujumni amalga oshirish uchun dastlabki 
tayyorgarlik zarur, xususan, hujum qiluvchi eNBning bir yoki bir 
nechta tugunlarining ochilishi hisobiga RRC darajasidagi kalitlar-
ni bilishi kerak. U holda “ochilgan” eNB orqali “xendover” ja-
rayonini o‘tkazish va ma’lum bir abonentni yoki hatto abonent-
lar guruhini o‘ziga ulab, keyinchalik ularni aloqasini uzish ham 
mumkin. Aralash tarmoqlarda hujum qiluvchi yuqori darajada 
himoyalangan tarmoqdan (LTE) pastroq darajada himoyalangan 
tarmoq (masalan, GSM) tomoniga “xendover”ni amalga oshiradi 
va “kuchsiz” tarmoqning TSni “buzib” (“ochib”) AUga turli hu-
jumlar qilishi mumkin. Majburiy “xendover” tahdidlariga qarshi 
turish uchun NAS darajasida signalizatsiyani shifrlash, shuning-
dek umumiy kalitlardan foydalanish mumkin.
Shuningdek, keng miqyosda va ko‘p sonli uzatish xabarlarini 
almashtirish bilan bog‘liq tahdidlar mavjud, lekin bu yerda ular 
haqida atroflicha to‘xtalmagan.