Sidiqova roxlaning

O’zbekiston Respublikasi xalq ta’limi vazirligi



Urgut tuman xalq ta'limi bo’limiga qarashli

3-sonli umumiy o’rta ta’lim maktabi

Boshlang’ich sinf o’qituvchisi

SIDIQOVA ROXLANING

3-SINFDA O‘QISH FANIDAN YOZGAN

Mavzu: KUZ

Darsning texnologik xaritasi

Darsning mavzusi:	Kuz. Yo‘ldosh Sulaymon
Mavzuning qisqacha mazmuni: Darslikda berilgan “Kuz” she’ri orqali o‘quvchilarga kuzgi mevalar, kuz fasli, kuz tabiati haqida bilimlar berish.
O`quv jarayonini amalga oshirish texnologiyasi: Dars uslubi: interfaol, muammoli izlanish, ko‘rgazmalilik, savol-javob, suhbat, amaliy ish, tushuntirish. “Kimning shari ko‘p”, “Tarmoqlash” usullari. Dars turi: Noana`naviy- kichik guruhda ishlash Dars jihozi: Darslik, mavzuga oid rangli rasmlar, texnologik jadvallar. Baholash: Rag`bat kartochkalari va 5 ballik reyting tizimida baholash, kundaliklariga qo‘yish.
Darsning maqsadlari: Ta`limiy maqsad: “Kuz” she’ri orqali o‘quvchilarga kuzgi mevalar, kuz fasli, kuz tabiati haqida bilimlar berish Tarbiyaviy maqsad: O‘quvchilarga o‘simliklar, gullar, mevalar, daraxtlarni asrab-avaylashga o‘rgatish. Ularning inson hayotidagi o‘rnini tushuntirish. Rivojlantiruvchi maqsad: O`quvchilarning og`zaki va yozma nutqini o`stirish. Tabiat haqidagi bilimlarini rivojlantirish.
Kutilayotgan natija. O`qituvchi: Mavzuni qisqa vaqt ichida barcha o`quvchilar tomonidan o`zlashtirilishiga erishadi. O`quvchi faolligini oshiradi. O`quvchilarda o‘qish faniga nisbatan qiziqish uyg`otadi. O`quvchilarni mustaqil o`rganish va uni xotirada saqlash, savol berish va savollarga javob berishga o`rgatadi. O`quvchi: Yangi bilimlarni egallaydi. Mustaqil ijodiy ishlashni o`rganadilar, nutqi rivojlanadi. Darslikda berilgan “Kuz” she’ri orqali o‘quvchilarga kuz tabiati haqida bilimlari rivojlanadi.

Dars jarayoni

Ish bosqichlari va mazmuni	Faoliyat mazmuni:
	O‘qituvchining	O‘quvchi ning
1-bosqich. Tashkiliy qism	Salomlashish, o`quvchilar davomatini aniqlash, O‘quvchilarni guruhlarga bo‘lib olish. Rag‘bat kartochkalarini tushuntirish. Ma’naviyat daqiqasi.	Savollarga javob beradilar.
2-bosqich. O‘tgan mavzuni so‘rash	O‘tilgan “Olma” mavzu yuzasidan savol-javob qilish. “Kimning shari ko‘p” usuli orqali o‘tilgan mavzuni so‘rab, uy ishlarini tekshirish.	Yozib oladilar. Amaliy topshiriqlarni bajaradilar.
3-bosqich. O‘tgan mavzuni mustah kamlash	1. O‘tilgan “Olma” mavzuni rejasi asosida xulosa qilib, eng muhim ma’lumotlarga o‘quvchilarning diqqati jalb qilinadi. 2. “Tarmoqlash” usuli 3. Mustaqil ishlashlari uchun vazifa beriladi.	Savollarga javob berishadi, yozib oladilar.
4-bosqich. Yangi mavzu bayoni	Darslikda berilgan “Kuz” she’ri orqali o‘quvchilarga kuz mevalari, kuz tabiati haqida bilimlar berish. Lug‘at ishi, “Ifodali o‘qish” mashqi.	Savollarga javob berishadi, yozib oladilar.
5-bosqich. Yangi mavzuni mustahkamlash	Kuzgi mevalar, gullar, o‘simliklar nomlarini xattaxtada yozib, darsni ona tili darsiga ham bog‘lash.	Tinglashadi, savollar berishadi, yozib oladilar.
6-bosqich. Dars yakuni.	Baholash va uyga vazifa berish. Faol o‘quvchilarni rag‘batlantirish.	Baholanadi lar

Dars taqsimoti.

1	Tashkiliy qism	5 daqiqa
2	O‘tgan mavzuni so‘rash	5 daqiqa
3	O‘tgan mavzuni mustahkamlash	5 daqiqa
4	Yangi mavzu bayoni	20 daqiqa
5	Yangi mavzuni mustahkamlash	5 daqiqa
6	Dars yakuni. Baholash va uyga vazifa berish	5 daqiqa

Darsning borishi:

I. Tashkiliy qism:

O‘qituvchi: Assalomu alaykum bolajonlar, hamma darsga tayyormi?

O‘quvchilar salomlashadilar, navbatchi o‘quvchi ma’lumot beradi.

O‘qituvchi: Bolajonlar, bugungi darsimizda sayohatga chiqamiz, kichik guruhlarda ishlaymiz. Eng avvalo 4 ta guruhga bo‘linib olamiz.

1-guruh - “Lola”

2-guruh - “Binafsha”

3-guruh - “Boychechak”

4-guruh - “Chuchmoma”

Savolga to‘g‘ri javob bergan o‘quvchilarga quyidagicha rag‘bat kartochkalari beriladi.

Quyoshbobo

Bolajonlar quyoshsiz hayotni tasavvur qilib bo‘lmaydi. Insonlar yashashi uchun quyosh juda kerak, shuning uchun Quyoshbobo bilan sizlarni rag‘batlantirmoqchiman.

Ma’naviyat daqiqasi:

1) Biz qaysi davlatda yashaymiz?

2) Respublikamizda nechta viloyat bor?

3) Davlatimiz prezidenti kim?

4) Mustaqillik bayramini qachon nishonlaymiz?

II. O‘tgan mavzuni so‘rash.

O‘qituvchi: o‘tgan darsda qaysi mavzuni o‘rgangan edik?

O‘quvchi: “Olma” hikoyasi.

O‘qituvchi: Bolajonlar o‘tilgan mavzuni “Kimning shari ko‘p” o‘yini orqali so‘rayman. Guruhlarga quyidagicha tarqatma varaqalar tarqatiladi.

Olma hikoyasini kim yozgan?

Bolalar bog’da kimni uchratishdi?

Hikoya sizga yoqdimi?

Hikoyadan qanday xulosa chiqordingiz?

Matn yana bir marta o‘quvchilarga o‘qitiladi.

Olma

Kuz. Yakshanba kuni edi. Uchinchi sinf o`quvchilari olmazorga borishdi. Olmazor yonidagi tokzorda Qudrat ota toklarni chilpib yurgan ekan. “Kelinglar!” deb bolalarni xursand kutib oldi. Bolalar odob bilan otaga salom berishdi.

• 
  Yashanglar, azamatlar, yashanglar. Olmalarga qaranglar, tagi bilan bitta bo`lib to`kilib yotibdi.
  

Bolalar otaning gapiga darrov tushunishdi. Ular qo`llariga bittadan savatcha olishdi-da , olma terishga tushib ketishdi.

Ota o`qtin-o`qtin kelib, bolalardan xabar olib turdi. U so`nggi marta kelganda:

• 
  Yashanglar, azamatlar! – dedi. – Hammasini terib qo`yibsizlar-ku! Rahmat, bolalarim.
  

- Yana bo`lsa teramiz,- dedi Sodiqjon.

- Endi erta o`tib , indinga kelinglar. Aytganday , anavi qoracha o`rtog`inglar kelmadimi? Ismi Kamolmidi?

- Ha. Boshi og`rib qolibdi .

- E, attang! Shamollagandir-da, - dedi Qudrat ota bosh chayqab. So`ng bolalarga :

- Olmadan olinglar, bo`taloqlarim! - dedi.

- Uyimizda ham bor.

- Bor bo`lsa ham olinglar. Mehnating singgani shirinroq bo`ladi, - dedi Qudrat ota. Keyin tanlab- tanlab, har bolaga beshtadan olma berdi.

II

Bolalar uylariga qaytishar ekan, Sodiqjon ularni to`xtatib bittadan olma oldi. O`zi ham bitta olma qo`shib , ularni gazetaga o`radi.

- Hozir buni Kamolga olib boramiz. Agar boshi og`rib qolmaganda, u ham kelgan bo`lardi. Olma terishardi, - dedi.

Bolalar birgalashib Kamolni ko`rib chiqishdi. Kamolning buvisi ham, onasi ham bolalarning bir- biriga g`amxo`rligidan xursand bo`lishdi. Kamol esa o`zini tuzalib qolganday his qildi.

II. O‘tgan mavzuni mustahkamlash.

Daraxtlar haqida kim nima biladi?

1-o‘quvchi – meva beradi.

2-o‘quvchi – soyasida o‘tiramiz.

3-o‘quvchi – changlarni yutadi.

4-o‘quvchi - toza havo beradi.

“Tarmoqlash”

Daraxt

mevasi

bargi

manzarasi

soyasi

shifobaxsh

vitamin

Dam olish daqiqasi.

Kitob

Kitob bilimning boshi,

Aql-u idrok quyoshi.

Kitobda nurli iqbol,

O‘qib topaman kamol.

O‘quvchilar she’rni jismoniy harakatlar bilan aytishadi.

IV. Yangi mavzu:

O‘qituvchi Yo‘ldosh Sulaymonning “Olma” she’rini o‘zi ifodali qilib o‘qib beradi.

Kuz. Yo`ldosh Sulaymon

Marvarid kuz

Qildi ko`z-ko`z

Bisotida borini.

Bog`da hil-hil

Mevalari xil-xil

Sanab bo`lmas borini.

Istasangiz saylab-saylab

Husaynidan uzasiz.

Nok, shaftoli,

Anjir boli

Xuddi qaymoqmi deysiz.

Ko`ngil ochar,

G`ashlik qochar

Oralasang pushtani

Chindan arzir

Ta’riflasan

Kuzdagi nonushtani

Shunday go`zal,

Shunday asal

Ehson tutgan o`zi kim?

Dehqon og`am,

Dehqon tog`am

O`sha dehqon amakim.

Lug‘at ishi o‘tkaziladi.

Marvarid – oppoq munchoqdek.

Bisoti– hamma narsasini

Ehson – sovg‘a

Savollar.

1. Kuzda nimalar mo`l-ko`l bo`ladi?

2. She’rda kuzgi nonushta haqida nimalar deyilgan?

3. Mevalarni kimlar yetishtirar ekan?

“Ifodali o‘qish” mashqi.

Har bir guruhdan o‘quvchilar chiqib, she’rni ifodali o‘qishadi, eng yaxshi o‘qigan guruh a’zolari rag‘batlantirib boriladi.

V. Yangi mavzuni mustahkamlash.

Guruhlarga kuz mevarini nomini yozish topshiriladi. Har bir guruhdan o‘quvchilar chiqib, xattaxtaga gullar nomini yozishadi.

“Lola” guruhi: Olma, anor, anjir, behi.

“Binafsha” guruhi: Shaftoli, xurmo, olma, anor.

“Boychechak” guruhi: Uzum, nok, behi, do`lana.

“Chuchmoma” guruhi: Husayni, behi, anor, murut.

VI. Dars yakuni.

Darsning yakuni: Barcha ballar hisoblanadi va g`olib guruh aniqlanadi. Faol o‘quvchilar rag‘batlantiriladi.

Uyga vazifa: Yo‘ldosh Sulaymonning “Kuz”” she’rini yod olib kelish.


Quyosh

bobo

Quyosh

bobo

Quyosh

bobo