Tahriren fil-yevmis-salis vel işrin şehr-i Rebiulevvel sene sitte ve tisin ve tisamie

Ferman vs.

-Akza kuzatil-müslimin evla vulatil-muvahhidin madenil-fazli vel-yakin huccetül-hakk alel-hâlk-ı ecmain darende-i ulumil-enbiya vel-mürselin el-muhtass bi-mezid-i inayet-i melikil-muin Mevlana Haslar Kadısı zidet fezailühü tevki’-i refi’-i hümayun vâsıl olıcak malum ola ki haliya Bab-ı Saadet Ağası olan kıdvetül-havass vel-mukarribin umde-ti eshabül-izz vet-temkin Gazanfer Ağa zide mecduhü Dergah-ı Muallama arz gönderip nâzırı olduğum Küçük Ayasofya Cami-i Şerifinin evkafından kaza-i mezbure tabi Yenice ve --- ve Murad Fakih ve Lazari?- nam vakf karyelerinin üzerine zabt ve a’şâr-ı şeriyye ve rüsum-ı örfiyyesi Defter-i Hakanî ve vakfname mucebince vakf için kabz olunup ahardan kimesne dahl ve taarruz edegelmemiş iken şimdi hilaf-ı defter vel-kanun ve mugayir-i vakfiyye ve emr-i hümayun Haslar Subaşısı ve adamları zikr olunan vakf karyelerin rüsum-ı örfiyelerine dahl ve mezkurdan karyelerin sınırı dahilinde vaki’ olan ------------- ve beytülmal ve mal-ı nükud ve vakfa mahsul kaydolunmuş iken kendiler kabz etmek isterler. Meni babında emr-i şerif ricasına i’lam etmeğin buyurudum kihükm-i şerifim vardıkta bevvabın-i Asitane-i Saadetimden ihraç olunup evkaf-ı mezbure mütevellisi elimizde olan mühürlü sahih ^ve cedid vilayet defterine va vakıfnameye nazar ve min ba’d mucebince amel eyleyip mütevelli-yi evkafın elinde suret-i defter ve vakfnamede mestur ve mukayyed olan zikrolunan vakf karyelerin a’şâr-ı şeriyye ve rusûm-ı örfiyyelerin ve bil-cümle vakfın muayyen ve mümtaz olan sınırı dahilinde vaki olan a’şâr ve rusûmun defter ve vakfiyye mucebince evkaf-ı mezbure zabitine vakf için zabt ettirip defter ve kanun ve vakfname ve emr-i hümayuna muhalif Haslar Subaşı dahl ve taarruz ettirmeyesini şöyle bilesin alamet-i şerife itimad kılasın

Tahriren fil-yevmis-salis vel işrin şehr-i Rebiulevvel sene sitte ve tisin ve tisamie

TS.MA.e 191/22, 23 Ra 996

-Elkab Edirne Kadısı fezailühü ve iftiharul-emacid vel-ekarim Edirne Bostancıbaşısı zide mecduhü tevki’-i refi’-i hümayun vasıl olıcak malum olan?- iftiharul-havass vel-mukarribin Bab-ı Saadetim Ağası Gazanfer dame uluvvuhü dergah-ı muallama arz gönderip nazırı oluduğum Mahmiyye-i İstanbul’da vaki olan Küçük Ayasofya demekle maruf cami-i şerifin Mahmiyye-i edirne’de vaki olan evkafına bundan akdem cabi olan Hüseyin fevt olup makbuzundan zimmetinde yedi bin akçe kalıp emlak ve esbabından tahsil olunmak için merhum Mahmud Paşa evkafının vakf-ı mezbura aid mütenevviamukataa-i zemmiyesinden?- sene sitte ve semanin ve tisamie Şevvali gurresinden sebe seba ve semanin ve tisamie Saferinin gayetine gelince beş33 --- bin dokuz yüz elli akçe olur ve sene seman ve semanin ve tisamie den vacib olan yedi yüz seksen iki akçe mukataayı vakf-ı mezbur cabisi Hasan gaybet etmekle meblağ-ı mezbur tahsil olunmağa imkan olmadığı ecilden vakfda kalıp bu canibe gelip vasıl olmamağın şer-i şerif ve fetva-yı münif mucebince vakf-ı mezburun zabitlerinden veyahut müstecirlerinden tahsil olunmak için hükm-i şerif taleb ederim deyu bildirdi imdi buyurdum ki hükm-i şerifim vardıkta tehir ve tevakkuf etmeyip mezbur müteveffa cabi Hüseyin ve Kenan?- zikrolunan mikdarı akçe kaldığı sabit ve zahir olursa muhallefatından tahsil ettirip ve mukataayı zimmiyye/zimmetinden?- cabi Hasan zamanından kalan bakiye mezbur cabi gaybet etmekle tahsil olunduğu vaki ise cabi-yi mezburu her kande ise buldurması lazım olanlar buldurup getirdip mezkur mukataa emini kabz eylemiş ise kendisinden ve eğer tahsil ve teslim olunmayıp mezbur Mehmed Paşa evkafı zabitleri ellerinden teslim etmesi --- evkaf zabitlerinden ve bil-cümle şer’le ve kanunla ve fetva-yı şerife mucebince müteveccih olanlardan bî-kusur taleb ve tahsil vakf canibinden varan ademlerine zabt ettiresin mal-ı vakfdan kimesne --- akçe ve bir habbe baki kodurmayasın şöyle bilesin alamet-i şerifeme itimat kılasın

El-yevmis-sani vel-işrin şehr-i Safer sene ihda ve tisin ve tisamie

TS.MA.e 191/21, 22 S 992

Tuğra(Üçüncü Mehmed)

(Elkab) İstanbul Kadısı zidet fezailühü tevki’-i refi’-i hümayunum vâsıl olıcak malum ola ki mukaddema Kapı Ağası iken katlolunan Gazanfer’in hemşiresi oğlu olup bilfiil Harem-i Muhteremde Hasoda hizmetinde olan Mehmed zide mecduhü rikab-ı hümayunuma rik’a sunup maktul-i mezburun Mahruse-i İstanbul’da İshakpaşa Mahellesi’nde vâki sâsbıka Bölük Ağası Süleyman Ağa hatunundan alınan evi ve Haslar Kazasına tabi Şamlıha’da?- olan çiftlik ve Üsküdar Kazasına tabi Kadıköy ma karyede vâki iki kıta bağları miri için alınmayıp geri kendiye inayet olunmak ricasına ilam eylediği pây-ı serir-i a’lâya arz olundukta evi ve Şamlıhda olan çiftlik ve Kadıköy’de bağlar verilsin deyu hatt-ı hümayun-ı saadet-makrunum ile ferman-ı âlîşânım sadır olmuştur. Buyurdum ki hükm-i şerifim vardıkta bu babda sadır olan ferman-ı celilül-kadrim mucebince amel edip dahi maktul-i mezburun Mahruse-i mezbure ve mahall-i merkumede vaki Süleyman Ağa hatunundan iştira olunan evi müşarünileyh Mehmed zide mecdühünün vekiline zabt ve tasarruf ettirip taraf-ı miriden dahi --- --- dahl ve taarruz ettirmeyesin şöyle bilesin ve bu--- hükm-i hümayunum yerinde icra ettirip alamet-i şerifeme itimat kılasın

Tahriren fil-yevmil-hâmis şehr-i Şabanül-muazzam sene ihda aşera elf

TS.MA.e 887/33, 5 Ş 1011

---- ---- Ahmd Çavuş bendeleri mütevelli iken mazul olup kendi zamanı mahsulünden yerine gelen mütevelli-yi cedid olan --- --- Mehmed Çavuş kulları sene-i mezburede cemii mukataat ve der-anbar bulunan çeltiği furuht edip ceman 109857 akçe kabz edip --- mezburede mütevelli-i sâbık Ahmed Çavuş der-anbar ettiği çeltiği zamanı gelmediği ecilden --- mal zimmetinden ancak 139050 akçe tahsil edip cem’-i vezaifi vakf mühimmatı için sene gayetine gelince tahsil ettiği kifayet etmeyip vakfın lâzimesi için kendi malından 18151 akçe mütevelli-i lahık olan Ahmed Çavuş bendelerinin olup emr-i şerif-i âlîşân sadaka ve inayet buyrulup --- mezbureye kabz olunması için hâk-i pây-i şerife arz olundu baki emr-i ferman sultanımındır.

TS.MA.d 3760/0024, 29 Z 1003

------ ---- bargiran bera-yı hazret-i ağa-yı Babüssaade

Bargir gök =1 fiyat 360

Bargir kula =1 fiyat 360

Bargir--- =1 fiyat 350

Bargir--- =1 fiyat 360

Bargir doru =1 fiyat 300

Diğer Bargir doru =1 fiyat 350

Bargir siyah =1 fiyat 350

Bargir al =1 fiyat 350

Yekun 2780

Zikr olan bargirler --- --- --- alındı

Mühür

TS.MA.d 10614, 13 C 1008

-Vech-i tezkere budur ki

Merhum Kapı Ağası Gazanfer Ağa sarayının/Selanik mukataası bin yirmi iki tarihi Muharreminin iki yüz elli akçe mukataası alınıp canib-i vakfa teslim olunduğuna işbu vesika temessük verildi. Vakt-i hacette ibraz oluna

El-hakir İbrahim Bey

TS.MA.e 875/27, 29 M 1022

Vech-i huruf budur ki Mahmiyye-i İstanbulda İshak Paşa vakfından Gazanfer Ağa yedinde olan hamamın iki bin akçe mukataasın vakf için mütevellisi yedinden alıp kabz eylediğim ecilden yedine bu temessük verilmiştir.

Fi Gurre-i Muharremül-haram sene 1033

TSMA.e 875/28, 1 M 1033

-Vech-i tahrir-i huruf oldur ki işbu hamilül vesika hala atebe-i aliyyede Babüssaade Ağası olup sabıka Kapı Ağası olup fevt olan Gazanfer Ağanın hayr evkafı üzere bil-fiil nazırı olan izzetlü İsmail Ağa Hazretlerinin huzur-ı izzetlerinde şart ve teâhüdüm budur ki. Merhum Gazanfer Ağa’nın kendi sarayına muttasıl İshak Paşa demekle meşhur bir hal hamamı nice müddet harab ve muattal kalmağın bu kulları dahi kaffe-i enama nef’ için kendi malımdan yirmi bin akçe varınca tamir ve termimi için Ağa-yı müşarünileyh hazretlerinin marifet-i şerifleriyle harç ve sarf etmek için nasb-ı nefs ettim. Murad üzre tamir olduğu günden kamil üç seneye varınca harç ve sarf ettiğim yirmi bin akçe hamam-ı mezburun üç seneye varınca kıstına mahsub olup ve bir defa mamur olduktan sonra kamil üç seneye varınca kalil ve kesir tamir ve meremmatı kendi malından olup elhasıl evvel ve ahir su yolundan maada bir defa mamur olduğundan sonra cümle lazım olan harç ve masraf kendi malından olmak şartı üzere kabul-i tâmm-birle kabul eyledim. Bir tarik ile muattal dahi kalır ise bilcümle kendi malımdan harç ve sarf ettiğim yirmi bin akçe feda ve heder ve heba olup asla vakf tarafından ve ahardan matlub olunmaması şartı üzere küstahane işbu temessük ketb olunup ağa-yı müşarünileyh hazretlerinin yed-i şeriflerine vaz olundu.

El-vaki tahriren fi evasıt şehr-i Zilkadetiş-şerife sene 1035

TS.MA.e 875/29, Evasıt Za 1035

Tuğra(III.Murad)

Elkab Mevlana İstanbul Kadısı zide fezailühü tevki-i refi-i hümayunum vasıl olıcak malum ola ki Bab-ı Saadetim Ağası olan (elkab) Gazanfer dame uluvvuhü iki yıldan beri emr-i şerifimle bir medrese yapmağa niyet edip hala İstanbul’da mahalle-i İslamiyye’de vaki olan kenise ref olunmağla bilfiil yeri hali kalıp zikr olan mahalde medresenin buk’ası ve kendinin türbesi bina olunmak babında izn-i hümayunum rica etmeğin buyurdum ki müşarünileyh mahall-i mezburda medresenin bukası ve kendinin türbesin bina eylemeğin istediğin bina ettirip hilaf-ı emr-i şerif kimesneye dahl ve taarruz ettirmeyesin şöyle bilesin alamet-i şerifeye itimat kılasın

Tahriren fi Evahir-i Ramazanül-mübarek sene ihda ve elf minel-hicretinnebi

TS.MA.e 892/37 Evahir N 1001

Tuğra(Üçüncü Mehmed)

(Elkab) İstanbul Kadısı zidet fezailühü tevki’-i refi’-i hümayunum vâsıl olıcak malum ola ki mukaddema Kapı Ağası iken katlolunan Gazanfer’in hemşiresi oğlu olup bilfiil Harem-i Muhteremde Hasoda hizmetinde olan Mehmed zide mecduhü rikab-ı hümayunuma rik’a sunup maktul-i mezburun Mahruse-i İstanbul’da İshakpaşa Mahellesi’nde vâki sâsbıka Bölük Ağası Süleyman Ağa hatunundan alınan evi ve Haslar Kazasına tabi Şamlıha’da?- olan çiftlik ve Üsküdar Kazasına tabi Kadıköy ma karyede vâki iki kıta bağları miri için alınmayıp geri kendiye inayet olunmak ricasına ilam eylediği pây-ı serir-i a’lâya arz olundukta evi ve Şamlıhda olan çiftlik ve Kadıköy’de bağlar verilsin deyu hatt-ı hümayun-ı saadet-makrunum ile ferman-ı âlîşânım sadır olmuştur. Buyurdum ki hükm-i şerifim vardıkta bu babda sadır olan ferman-ı celilül-kadrim mucebince amel edip dahi maktul-i mezburun Mahruse-i mezbure ve mahall-i merkumede vaki Süleyman Ağa hatunundan iştira olunan evi müşarünileyh Mehmed zide mecdühünün vekiline zabt ve tasarruf ettirip taraf-ı miriden dahi --- --- dahl ve taarruz ettirmeyesin şöyle bilesin ve bu--- hükm-i hümayunum yerinde icra ettirip alamet-i şerifeme itimat kılasın

Tahriren fil-yevmil-hâmis şehr-i Şabanül-muazzam sene ihda aşera elf

TS.MA.e 887/33, 5 Ş 1011

-Tuğra(Sultan III.Murad)

(Elkab) Mevlana el-hâkim bi-mahruse-i İstanbul zidet fezailühü tevki’-i refi’-i hümayunum vâsıl olıcak malum ola ki haliya (elkab) Bab-ı saadetim ağası Gazanfer zide mecdühü tarafından ilam lundu ki bundan akdem Asitane-i Saadetimde vefat eden ağaların mahruse-i İstanbul’da vaki olan evkaflarının nezareti Kapı Ağası olanlara meşrut olup evkaf-ı mezbure hıdematının azil ve nasbı nazıra müfevviz iken benim marifetim olmadan bazı ---lar arzıyla cihat verilip mal-ı vakfa gadrederler imiş bu makule cihat mahlul oldukta adât-ı kadime üzere benim arzım ve marifetimle verilip ahar kimesnenin arzıyla cihat verilmemek için emr-i şerifim sadaka buyrulmak ricasına ilam eylemeğin buyurdum ki hükm-i şerifim vardıkta bu babda şart-ı vâkıf üzere amel edip evkaf-ı mezburenin cihâtı mahlul oldukta müstahık olanlara mumaileyhin arz ve marifetiyle tevcih edip ahar kimesnenin arzıyla cihat vermeyip emr-i şerifime muhalif kimesneyi bî-vech ve bilâ-sebeb iş ettirmeyip mal-ı vakfa zarar gelmekten hazer edesiz şöyle bilesiz alamet-i şerife itimat kılasız

El-yevmit-tâsi’ şehr-i Safer sene isna ve tisin ve tisamie

Bi-makam-ı Kostantiniyye el-mahmiyye

TS.MA.e 774/1, 9 S 992

-Mevlana elhâkimül adl bi-kaza-i Selanik zide fezailühü tevki-i refi-i hümayunum vasıl olıcak malumola ki kaza-yı Selanik’e tabi Kesendire nam adayı sabıka Kapı Ağası olan Gazanfer Ağaya babam Hüdavendigar tabe seraha zaman-ı saadetlerinde reayanın cizyeleri ve a’şar ve rüsumları ile --- edip yedine mülkname-i hümayun verip ol-dahi temlik ve tasarruf edip zikrolunan adaya reaya gelip mamur olduktan sonra mahsulatın bir mikdarın --- şerifine vakf eyleyip reayası avarız-ı divaniye ve tekalif-i örfiyeden muaf ve müsellem olmak üzere zevaidin hazine-i amireye şart eyleyip vech-i meşruh üzere muafname-i hümayun verilip bin on dört tarihine gelinceye değin zikrolunan ada içinde olan reayası Gazanfer Ağa canibinden bu vechile zabt ve reayasının mahsulat ve rüsumu kabz olunurken Rumili--- bilfiil hazine-i amiremin baş defterdarı olup hatt-ı hümayun-ı saadet-makrun ile Rumilinde tahsil-i emvale ve tahrir-i ağnama ve cizye ve avarıza ve tashih-i aklama ve ıskah-ı memlekete memur olan emirül-ümerail-kiram Ahmed Paşa damet mealiyehü Selanik’e dahik oldukta vâkıfın vakfiyesinde hazine-i amireye şart olunan zevaidin yüklemek için(elkab) Selanik Kadısı olan Şemseddin damet fezailühüyü merkum adaya irsal eyleyip reayasın mahsulat ve rüsumun gördürüp ber-vech-i adalet defter ettirip reayasının --- ve tahammüllerin malum edindikten sonra memalik-i mahrusemde olan sair evkaf reayası gibi avarızdan ve mukaddema üzerlerine yazılan celeb koyunların ve defter olunan bin altı yüz nefer zimminin yüzer akçe câbî üzere lazım olan bedel-i hamrların ve ziyade-i cizyelerin ve sonra fetve-yı şerife ile vazolunan ziyade-i sairelerin ve cülus-ı hümayun ziyadelerin defterdar müşarünileyh taleb eylediğinde reayası inayet rica edip bizim cümle vergilerimiz hesab olunup ne mikdar akçe ederse mukabelesinde her sal matbah-ı amireye buğday irsal eyleyelim --- sefinesin dahi kendi malımızdan eda eyleyelim dediklerinde müşarünileyh defterdarım hakk ve adl üzre hesab eyleyip buğdaylarının tarhı?- gerek ziyadeye çıksın gerek noksan üzere olsun bu sene buğday ziyade bahaya çıkmıştır deyu dava ve niza olunmamak üzere bin on beş senesinde vaki olan harman zamanından her sal ila inkırazüd-devran matbah-ı amireye İstanbulî on iki bin kile --- buğday gönderip lazım olan navul sefinesin kendi –larından verip matbah-ı amireye teslim eyleyip maliye cenibinden ellerine tuğralı temessük hükmü alıp alakaların kat’ ve buvechile hizmet eylemeği reaya-yı mezbur uhdelerine alıp şol şartla ki icarına?- --- nazarından gayrı kimesne girmeyip şer’le iktiza eylemeden reaya rencide olunmayıp minba’d avarız-ı divaniyeden ve tekalif-i örfiyeden ve koyundan ve bedel-i hamrdan ve beyler ---sından ve arpa ve odun ve bal ve yağ tekalifinden ve oğulları acemi oğlanı bahanesiyle --- --- olunmakdan ve peksimedden ve kemer ve bargir hizmetinden ve --- ve kadırga yapmaktan ve su sığırı iştirasından ve hisar yapmakdan ve --- mezbur sandıklı akçeli ve akçesiz teklifattan muaf ve müsellem olup mademki şart-ı mesfur üzere her sene İstanbulî on iki bin kile a’la buğdayı matbah-ı amireye teslim eyleyeler. Kata tekalifat-ı mezbureden bir nesne teklif olunmamak babında reaya-yı mezbur muafname-i hümayun rica eylemeğin vech-i meşruh üzere amel olunmak emr edip buyurdum ki hükm-i hümayun vasıl oldukta bu babda sadır olan ferman-ı şerifim mucebince amel eyleyip dahi zikrolunan Kesendire reayası şart-ı merkum üzere uhdelerine lazım olan İstanbulî on iki bin kile buğdayı madem ki tarih-i mezburdan her sal vakt-i zamanında gemilere tahmil eyleyip navul sefinesin yanlarından verip bit-tamam matbah-ı amireye teslim eyleyip ellerine temessük hükmü alalar reaya-yı mezburu bir --- rencide ve remide ettirmeyip ve --- mezkur olan teklifattan dahi bir nesne teklif ettirmeyip her birisi tekalif-i merkumeden muaf ve müsellem olup bazı bahane ile ifrad?- ---- dahl ve taarruz ettirmeyesin müşarünileyh defterdarım damet mealiyehü Kesendire reayasının bin on dört tarihinde vaki olan mahsulat-ı mersumlarının hakk ve adl üzere dikkat ve ihtimamla muhasebelerin gördükte şart-ı vâkıf mucebince her sal hazine-i amireye altı yük akçe zevaid zuhur ettirmeyip meblağ-ı merkumu dahi mütevellilerin ve zabitlerin muvafakatları ile sal-be-sal dahil-i karye eyleyip maada vâkıfın şurut-ı vakfiyye-i mamulün biha sı iktizasınca eda olunup şer-i şerife muhalif ve vakfiyeye mugayir hiçbir kimesneye iş ettirmeyesin ve bilcümle teklifat-ı mezbureden reayaya bazı nesne teklif etmek için südde-i saadetim tarafından ve bab-ı devlet-i zafer-şiarım canibinden evamir-i şerife ibraz ve irad olunursa sen ki Mevlana-yı müşarünileysin alıp keseleyip ve mühürleyip Dergah-ı Muallama irsal eyleyip --- --- tekalif-i merkumeden bir nesne teklif ettirmeyesin şöyle bilesin ve ba’del--- bu hükm-i şerifimi sicill-i mahfuza kayd eyledikten sonra reayanın ellerine ifa eyleyip alamet-i şerife itimat kılasın

Tahriren fil-yevmil ihda vel-işrin şehr-i Cemaziyelevvel min şuhur-ı sene erbaa aşera ve elf

-(Elkab) el-hâkimül-adl bi-kaza-i Selanik zidet fezailühü tevki-i refi-i hümayunum vasıl olıcak malum ola ki (elkab) Bab-ı Saadetim Ağası olan Mustafa Ağa dame uluvvuhü haka der-i saadetime arz gönderip mukaddema Kapı Ağası iken vefat eden Gazanfer Ağanın evkafının Selanik’e tabi olup rub’ mahsulü Medine-i Münevvere’ye tayin olunan cezire-i Kesendireye ben nazır olup cezire-i mezbure ahalisi avarız-ı divaniyeden ve sair tekalif-i örfiyenin küllisinden muaf ve müsellem olmak üzere her sal cezire-i mezbure avayidinden Hazine-i Amire’ye beş yük akçe verilir iken bir yük akçe dahi ziyade olduğundan gayrı bilfiil vezaret ile Hazine-i Amire’nin başdefterdarı olan (elkab) vezir Ahmed Paşa edamallahü iclalühü geçen sene tahsil-i mal için Selanik’e dakil oldukta cezire-i mezbure ahalisini yoklayıp ahvallarinden tamam-ı sıhhat üzre malum edindikten sonra zevayid-i mezbureden maada her sal Matbah-ı Amire’ye İstanbulî on iki bin kile buğday vermeği taahhüd eyleyip ve üslub-ı sabık üzere muafiyetleri için ellerine muafname-i hümayun verilip zikrolunan muafname-i hümayun rikab-ı hümayuna arz olundukta mucebiyle amel olunmak için hatt-ı hümayun-ı saadet-makrun sadır olup velakin reaya-yı mezburun her sal ol-mikdar buğday vermeye tahammülleri olmayıp ve birkaç seneden beri korsan gemileri yanaşıp reayadan nicesin alıp nicesin dahi tekalif-i mezbureden perakende ve perişan oldukları ecilden zikrolunan on iki bin kilenin üç bin kilesi --- olmak babında inayet ricasına ilhah eylediklerin ilam eylediği paye-i serir-i a’lâya arz olundukta Hazine-i Amire’ye her sene beşer yük akçe zevaid verirler iken bir yük akçe ziyade vermeği müteahhid olup ve birkaç seneden beri küffar-ı hâk-sârın korsan gemileri gelip cezire-i mezbure reayasını rencide etmek ile tahammül edemeyip ekseri perakende ve perişan oldukları ecilden senede üç bin kile İstanbulî buğday aşağı varılıp maada bâkî kalan dokuz bin kile terekeyi mukaddema olan şart ve taahhüdleri mucebince reaya her sal kendiler matbah-ı amireye getirip teslim eyleyeler deyu ferman olunmuştur. Buyurdum ki hükm-i şerifim vusul buldukta bu babda sadır olan ferman-ı saadetim mucebince amel eyleyip dahi mademki cezire-i Kesendire ahalisi her sal vech-i merkum üzere İstanbulî dokuz bin kile buğdayı Matbah-ı Amireye kendileri sal-be-sal teslim eyleyip ----- hükmü alalar mukaddema ellerine verilen muafname-i hümayun mucebince avarız-ı divaniye ve tekalif-i örfiyeden ve gayrıdan ve ---dan ve su --- tekalifinden ve bilcümle akçeli ve akçesiz teklifattan ve yağ ve bal ve şem’-i asel salınmakdan ve şeran lazım gelmeden icarına --- --- muaf ve müsellem olup minba’d Kesendire reayasını bâlâda mezkur olan teklifat ile bir--- ile rencide ve remide ettirmeyesin şöyleki reaya-yı mezkurdan bazı tekalif-i araziyye taleb için bir tarik ile südde-i saadetim tarafından veya serdarlarım caniblerinden mukaddem ve muahhar tarih ile evamir-i şerife irsal olunursa anın gibi evamir-i şerifeyi alıp keseleyip ve mühürleyip südde-i saadetime irsal eyleyip reaya ber-vech-i meşruh üzere olan hizmetleri mukabelesinde bir—rencide ve remide ve taciz ve tazyik ettirmeyesin şöyle bilesin ve ba’de--- bu hükm-i hümayunumu reayanın ellerinde ika eyleyip alamet-i şerife itimat kılasın.

Tahriren fil-yevmit-tasi işrin Muharremül haram sene sitte aşera ve elf

TS.MA.d 1580

Hüccetler

Gazanfer Ağanın satın aldığı emlak

1-

Kadı Mustafa ibn-i --- el-kadı Edirne

1-Sebeb-i tahrir-i --- oldur ki

Mahruse-i Brusa’da medfune olan merhume Gülşirin Hatun’un Mahruse-i Edirne’de vaki evkafına mütevelli olan Dergah-ı Ali bevvablarından fahrul-akran Ahmed Bey ibn-i Abdullah meclis-i şer’-i şerifde iftiharul-havass vel-mukarribin umdeti ashabul-izz vettemkin mutemedül-müluk vesselatin enis-i hazretil aliyyetis-sultaniye celis-i devletis-seniyyetül-hakaniye elmahfuf bi-sunuf-ı avatıfil-melikil-e’la Babüssade Ağası Gazanfer Ağa dame uluvvuhü hazretlerinin vekil-i şer’ileri olup mahruse-i edirne’de bil-fiil Bostancıbaşı olan fahrul-emacid vel-ekarim Süleyman Ağa dame mecduhü mahzarında ikrar edip vakf-ı merkumdan mahmiyye-i mezbure tevabiinden Ada nahiyesinden Sığırcılı nam karye --- vaki indel-ciran malumul-hudud bir mikdar arz-ı hâliyesini bundan akdem merhum İbrahim Paşa vakfı tarafından her sene vakf-ı merkume altı yüz akçe icare verilmek üzere icareye verilip üzerinde sekiz bab değirmen ve bir anbar bina olunduktan sonra nehr-i Tunca tuğyan edip zikrolunan değirmenleri bilkülliye harab edip eser-i binadan nesne kalmayıp ve İbrahim Paşa vakfının dahi tecdid-i bina etmeye --- akçesi olmamağın zikrolunan değirmenlerin yerini mumaileyh ağa hazretlerine tarih-i kitab muharremül-haram gurresinden doksan yıla varınca o? Yüz akd ki, her akd-i mukaddemin intihası akd-i saninin ibtidası olmak üzere her sene vakf-ı merkum tarafına altı yüz akçe icare vermek üzere icare-i tavile ile icare eyledim dedikten sonra mumaileyh Bostancıbaşı dahi bil-vekale mütevelli-i mezkuru ikrar-ı meşruhunda bil-müvacehe tasdik edicel ma-veka’a bit-taleb ketb olunup li-eclit-temessük yed-i talibe vaz olundu

Hurrire zalikettahrir?- filyevmissabi’ vel aşerun fi şehr-i Cumadeluhra lisene ihda ve elf

Şuhudülhal (7 kişi)

TSMA.e 1050/77, 27 C 1001

A.s. Edirne’de olan değirmenlere mütealliktir.

2---El-hakir Feyzullah ibn-i Ahmed el-kadı bi-Edirne-i mahruse afa anhüma

Sebeb-i tahrir-i kitab-ı şerî budur ki

Mahmiyye-i Edirne’de bundan esbak saray-ı atik ağası olup tarik-i hacda vefat eden merhum El-hac Hüsrev Ağa nam sahibül-hayrın evkafına hala meşrutiyet üzere mütevelli olup bilfiil saray-ı atik-i mezkur ağası olan kıdvetül-emacid vel-ekarim üsvetül-eazım vel-efahim el-mahfuf bi-sufuf-ı avtıf-ı melikürrahman Ahmed Ağa ibn-i Abdülmennan hazretleri tarafından atiyüzzikr olan bey’ ve kabz-ı semeni ikrara Dersaadet bevvaplarından Kurd Bey ibn-i Abdullah ve Halil Bey ibn-i Abdullah şehadetleri ile vekaleti sabit olan fahrul-akran Hüseyin Bey ibn-i Abdurrahman el-cündî meclis-i şer’-i hazır?---- tevkirde kıdvetül-havass vel-mukarribin umdeti ashabul-izz vettemkin enis-i hazretil aliyyetis-sultaniye celis-i devletis-seniyyetül-hakaniye emüeyyed bi-teyid-il-melikil-e’la Babüssade Ağası Gazanfer Ağa hazretleri canib-i şerifinden iştira-yı atiyüzzikre vekili olup vekaleti nehc-i şerî üzere sabit olan Fahrul-eşbah Rüstem Bey ibn-i Abdullah el-bevvabüs-sultanî muvacehesinden bil-vekale ikrar ve takrir-i meram edip vakıf-ı müşarünileyh El-hac Hüsrev Ağa mahmiyye-i merkume mahallatından Hızır Ağa mahallesinde vaki indel-ahali vel-ciran malumul-hudud olan mülk menzilini ve mahmiyye-i mezkure nevahisinden Çöke?- nahiyesine tabi Karaca?- nam karye kurbünde cari nehr-i Tunca üzerinde dair?daim altı göz mülk değirmeni ve üç anbarı ve bir ahırı ve zikrolunan değirmen kurbünde vaki bir canibi miri çayır yeri ile ve bir canibi nehr-i mezbur ile ve bir tarafı tarik-i amm ile mahdud olan tahminen iki dönüm Bostanlığını hal-i hayatında hasbeten lillahi teala vakf ve habs edip menzil-i mezburun süknasını ve değirmen-i mezkurun mahsulünü vefat edince nefs-i nefisesine şart edip merkuman menzil ve değirmen izn-i hakim ile bey’ olunup semenleri her ne olur ise mahmiyye-i mezburede merhum ve mağfur Sultan Selim Han aleyhirrahmeti vel-gufran Darul-Kurrasında vaz’ ettiği ecza-i şerife ve sair mesarıf için vakfeylediği iki yüz bin akçeye zamm ve ilhak olunup badel-muameleiş-şeriyye ---dan hasıl olan meblağ vakfiyyesinde mestur olan mesarıfa sarf oluna deyu şart ve tayin edip vakıf-ı mumaileyh vefat ettikten sonra husus-ı merkum Asitane-i Saadete arz olundukta makbul-ü hümayunları olmağın zikrolunan değirmen ve tevabii ve levahıkı ile ber-muceb-i şart-ı vâkıf marifet-i şer’le sûk-ı Sultani’de beynettalibin verrağibin miraran ve kiraran bey-i min-mezid olup rağbât-ı nâs munkati olduktan sonra müşarun ileyh Gazanfer Ağa hazretlerinin vekili merkum Rüstem Bey üzerinde yüz elli iki bin beş yüz akçede hakk-ı karar ile karar edip ahardan bir ferd talib ve rağıb olmamağın zikrolunan değirmeni ve anbarı ve ahırı ve bostanlığımüvekkil mumaileyh Ahmed Ağa tevliiyeti hasebi ile vekil-i mesfur Rüstem Beye yüz elli iki bin beşyüz rayicül-vakt fizza Osmani akçeye bey-i bat-ı sahih ile bey’ edip teslim-i mebi’-i mersum ve semeni olan meblağ-ı merkumu bittamam vakf-ı mezbura zamm ve ilhak için ahz ve kabz etti. Deyu bil-vekale ikrar ve itiraf olundukta mukırr-ı mezkurun ikrar-ı meşruhunu mezbur Rüstem Bey vicahen tasdik ve şifahen tahkik edicek ma hüvel-vâki’ gabbüt-taleb ketb ve imla olundu. Tahriren fi evasıt şehr-i --- sene seba ve elf

Şuhudül-hal 6 kişi