Tahriren fil-yevmis-salis vel işrin şehr-i Rebiulevvel sene sitte ve tisin ve tisamie
Yüklə 0,51 Mb.
|
|
TSMA.e 1051/65, Evasıt R 1007 3-Vech-i tahrir-i hurud budur ki İstanbul’da vaki olan cami-i şerif-i Ayasofya-i kebir evkafından Esir Hanı demekle maruf hanın kapısı haricinde ındel- cîrân malumul- hudud bir kıta arz-ı haliyeyi sabıka mukataa ile alıp tahtâni üç bab dükkan ve fevkani iki bab odayı kendi malı ile bina edip Derviş Çelebi ibn-i Ragîb?- arz-ı mezkurun hakk-ı tasarrufunu tefviz ve binasını kırk beş bin akçeye işbu sahibül-kitab Kıdvetül havass vel-mukarribin umdet-i eshabul-izz vet-temkin mutemedül-müluk ves-selatin Kapı Ağası Gazanfer Ağa ibn-i Abdulmuin hazretlerine bey’ edip bil-fiil İstanbul Kadısı Mevlana Ahmed Efendi imzasıyla hüccet-i şer’i dahi ibraz olunmağın defter-i evkafda arz-ı mevkuf dahi mukataa-i muayyeneyi sabıka ile müşarun ileyh la zale müşarun ileyh hazretlerine kayd olunmak ferman olmağın ber-muceb-i şart-ı vâkıf ve üslub-?- cârî kayd olunduğuna binaen bu vesika tanzim-i tahrir olunup cenab-ı şeriflerine isal olundu. Mademki arz-ı vakf mukabelesinde tayin olunan mukataa sal-be-sal vakf-ı şerif zabıtlarına eda oluna hilaf-ı şer-i şerif--- kimesne dahl eylemeye tahriren fi evahir-i şehr-i Rebiulevvel min şuhur-ı sene 993 İmza Temessük-i mütevelli tabi-i Gazanfer Ağa TSMA.e 1120/68 Evahir Ra 993 4- Vech-i tahrir-i huruf budur ki Mahruse-i Brusa’da medfune olan merhume Gülşirin Hatun tabe seraha evkafından Mahmiyye-i Edirne muzafatından Ada Nahiyesinde Sığırcılı nam karye kurbünde vâkıfe-i mûmâileyhâ intima ile tarifden gani olup Tunca Irmağı ile dâir olan değirmen haraba müşrif olup eser-i bünyaddan nesne kalmayıp ve vakfının dahi binaya müsaadesi olmayıp zikr olunan değirmenin arsasını Kıdvetül havass vel-mukarribin umdet-i eshabul- mekreme mutemedül-müluk ves-selatin enisül-hazretil- aliyyetüs-sultaniye celisül--- hakaniye elmahfuz bi-sıfat-ı avatıfül- melikil- a’la hala Kapı Ağası Gazanfer dame lehül izz vel ali hazretlerine tarih-i kitab Muharremül haramının gurresinden doksan yıl tamamına varınca ukud-ı münakide ile her sene akd-i mukaddemin müntehası akd-ı talinin mübtedası olmak üzere yılda altı yüz akçe mukataaya verip kendi malıyla binaya izin verdim ve husus-ı mezbur için temessük taleb etmeğin bu huruf ketb olunup yedlerine def’ oluna ki ledel- hacet müzekkir-i icra?/ ma-cera- ola Tahriren fi evail-i şehr-i Muharremül- Haram sene ihda ve elf minel-hicreti-nebeviye İmza
TSM.e.1158/5 5-Elemru kema harrera fina harrera el-fakir Mustafa bin Mehmed el-mevali bi- Üsküdar elmahruse---- Sebeb-i hüccet---- --- fi meclis-i şer-i şerif ve mahfelid-dinil- münif el-masun anit-tağyir vet-tarif --- Mehmed Çavuş ibn-i Abdullah el-mahalletül- mamure fi Üsküdar el-Mahruse biennehü gad ba’a an Hafız hazel kitabül müstetab Gülfem Hatun mahallesinde Üç dükkan üç tarafı Gazanfer Ağanın mülkü bir tarafı tarik-i amm 642 dinar kamil ayar Gerektiğinde delil olmak üzere yazılmıştır Harrere min yevmil işrin min Zilkadetüş-Şerife min şuhur-ı Sene sitte ve elf Arka sayfa Üsküdarda Gülfem mahallesinde Mehmed Çavuştan alınan üç bab dükkanların hüccetidir. TSMA.e 1200/98, 20 Za 1006 6- Elemru kema harrera fina harrera el-fakir Muharrem bin --- elmevali elhavas kostantiiniyye-i mahmiye--- Sebeb-i tahrir-i huruf oldur ki?- Bu sahife-i sahiha-i şeriyyetül-fehavi ve vesika-i enife-i meriyyetül metâvî tahrir ve inşasına bâdî ve tasdir ve imlasına dâ’î oldur ki Bundan akdem Sadrazam iken maktul olan merhum Hasan Paşa tabe serahanın cümle muhallefatı zabt ve bey’a ve semenini Hazine-i Amireye isâle hatt-ı hümayun-ı saadet-makrun ile memur olup bilfiil Yeniçeri Ağası olan (elkab) Hasan Ağa bin Abdurrahman edamallahü teala iclalühü hazretleri kıbelinden bey’-i âtîyüz-zikr ---- şerî mahzarında?- vekaleti şer’le sabit olan Yeniçeriler beytül-mali emini olan(elkab) Mehmed Bey ibn-i Cafer zade kadruhül melikül-ekber meclis-işer’-i mutahharada atebe-i aliyye-i sultaniye ağası olan umdetül havass vel-mukarribin mukarrib-i sultanüs-selatin makbul-i kakanil- havakin sahibül-izz vet-temkin elmahfuz bi-avatıf-ı Rabbil alemin Hazreti GAZANFER Ağa bin Abdulmuin canib-i âlîlerinden ikrar-ı atiyüz-zikri tasdike fahrulemasil vel akran Şeyhî Çelebi bin Abdülmennan ve mefharul emasil vel-işbah Ferhad Çavuş ibn Abdullahşehadetleri ile vekaleti sabit olan Mehmed Ağa ibn Abdullah elmüteferrife?- zide kadruhü mahzarında vekalet-imuhikkiyye-i hasbi?- ile ikrar ve itiraf edip merhum müşarun ileyhin muhallefatından medine-i Ebi Eyyubel-Ensari radıyallahü anhül Bârî mahallatından Kiremitçi Süleyman Mahallesinde vaki bir tarafı Leblebici Sinan ve bir tarafı Alime Hatun mülkleri ile ve iki tarafı tarik-i amm ile mahdud bir bab beyt-i ulviyi ve iki göz değirmenini ve ekmek fırınını ve bir bab dükkanı ve üzerinde çardağı ve ahurı havi Ekmekçi Fırını demekle maruf menzili beynimizde ilm-i şeri ilemalum Ekmekçi alatı ile müşarun ileyh ağa hazretlerine YÜZ BİN takdir--- filvakt fizza akçeye vekalet-i hasbi ile bey’-i bât ile bey’ edip kabz-ı semen ve teslim-i müsmin dahi ettim dedikte mumaileyh Mehmed Ağa dahi mukirr-i müşarün ileyhi ikrar meşruhunda vekalete bilmüvacehe tasdik ve bilmüşafehe tahkik ettikten sonra ma-vak’ı bittaleb ketb ve imla --- talibe def’ ve ita olundu ki ledel-hacet müzekkir-i ma-cera ve mübeyyin-i ma-meza ola ---- harrera fil-yevmis-sadisi aşer amin şehri Muharremül-haram sene seba ve elf min hicreti hayrul- halk aleyhissalati ve --- Şahitler 12 tane
Arka sayfa : Hazret-i Eyyüb’de maktul Hasan Paşadan alınan fırın hüccetidir.fi 14 Muharrem sene 1007 TSMA.e 1204/30, 16 M 1007 7-Sebeb-i tahrir-i kitab ve kalem ve mucib-i tastir-i hitab-ı rakam oldur ki Mahmiyye-i İstanbul kurbünde asude olan Hazret-i Ebi Eyyub Ensarî aleyhi rahmetil-bârînin evkaf-ı şerifelerinden Kağıthane’ye giden yolda Yatık Çiftliği derununda sene-be-sene yüz altmış akçe mukataalı karlığı ve buzluğu tevabi’ ve levâhıkının --- erbaasının bir canibi mezbur Yatık Çiftliği ve bir canibi Ahmed Paşa merhumun karlığı --- ve bir canibi Hasan Zarif?- çiftliğine muttasıl --- ile mahdud olan karlığa mutasarrıf olan Fahrül-akran Hassa Topçular Ağası Hacı Mustafa Ağa Hazretleri karlığı mezburdan hüsn-i ihtiyarıyla feragat edip hala Bab-ı Saadet Ağası fahrui-akran vel-ayan Bab-ı Saadet Ağası olan sahib-i saadet Gazanfer Ağa Hazretleri talib olup canib-i saadetlerinden husus-ı mezbur için vekil olan Dergah-ı Ali bevvablarından Mustafa Beye vekalet tefviz olunup mutasarrıf olmalarına canib-i vakfdan?- izin talep buyurduklarında sene-be-sene vaki olan yüz altmış akçe mukataasın vakf-ı şerif zabitlerine eda olunduktan sonra zikrolunan karlığı ve buzluğu mutasarrıf olmalarına temessük buyurduklarında işbu vesika ala ma hüvel-hakika ketb olunup yed-i saadetlerine --- ve def’ olundu ki vakt-i hacette müzekkir-i ma-cera ola Tahriren fi Evail-i Şehr-i Ramazanül-Mübarek sene selase ve elf Ali Ağa
8--Abdullah bin Ömer elmevali elhavass-ı Kostantiniyye-i mahmiyyehala ve afa anhüma?- Haliya Topcubaşı olan kıdvetül emasil vel-ekarim camiul mehamid vel-mekarim Hacı Mustafa Ağa bin Abdülmennan tarafından ikrar-ı atiyüz-zikr Ahmed Bey bin İsa ve Hasan Bey bin Mehmed şehadetleri ile vekaleti sabit olan fahrul-mülazimin İsmail Çelebi bin Mehmed meclis-i şer-i şerifde kıdvetül havass vel-mukarribin umdeti ashabul-izz vet-temkin Gazanfer Ağa ibni Abdulmuin zide kadruhü hazretleri caniblerinden tasdik-i atiyüz-zikrühü?- nehc-i şerî üzere vekaleti sabit olan fahrul-akran Mustafa Bey ibn Mehmed elbevvabus-Sultanî mahzarında takrir-i kelam edip müvekkilim mumaileyh Hacı Mustafa Ağa medine-i Hazret-i Ebi Eyyub el-Ensari aleyhi rahmetil-melikil bari hududu dahiinde Kağıdhane vadisinde vaki bir tarafı merhum Ahmed Paşa karlığı bir tarafı Hamza Bey çiftliği vadisi ve bir tarafı Hasan Zarîf yeri ve bir tarafı Yanık çiftliği ile mahdud her sene merhum Hazreti Eyyub vakfına iki yüz altmış akçe mukataa ile mutasarrıf olduğu Yanık Çiftliği demekle maruf çiftlikden maada karlığı ve buzluğu cümle tevabii ve levahıkı ile müşarun ileyh Ağa Hazretlerine elli bin takdir?--- fil-vakt fizza akçeye bey’-i bat ile bey’ edip teslim-i mebi’ ve kabz-ı semen etti diye ----- hasebiyle ikrar ve i’tiraf ettikde mezkur Mustafa Bey dahi mukırr merkumu kelimat-ı meşruhasında bil-vekale vicahen tasdik ve şifahen tahkik edecek hazel vesika tahrir olunup --- yedine vaz ve def olundukta vakt-i hacette kaşif-i ma-cera ola. Tahriren fi evail-i şehr-i Ramazan ül mübarek sene selase ve elf min hicretinnebeviyye aleyhi efdalüt-tahiyye Şahitler
Ferhad bin Abdullah, ----7 şahit Arka sayfa Hazret-i Eyyübde alınan karlığın hüccetidir. Sene selase ve elf fi Ramazanül- Mübarek TSMA.e 1205/31 Evail N 1003 9-El-emru kema zekera fihi veşşânu ala ma--- nemekahü el-fakirullahi teala İbrahim bin Nureddin el-mevali bi-medine-i Konstantiniyye el- Mahruse hala fehü? Afa anhüma Sebeb-i tahrir-i kitab-ı şerî ve mucib-i tastir-i hitab-ı merî oldur ki Fahrul emasil vel-akran … ekabir vel-ayan zülkadrur-refi’ vel cahül-meni’ Kurd Ağa ibn Abdussemi’ tarafından husus-ı âtîz-zikre hasm-ı şerî mahzarında Hüseyin bin Abdullah ve Yahya bin Abdullah nam kimesneler şehadeti ile vekaleti sabit olan Dergah-ı Âlî çavuşlarından İbrahim Çavuş bin Halil nam kimesne meclis-i şer-i şerife hazır olup umdetil-havass vel-mukarribin sahibül-izze vessaade vet-temkin kaid-i serir-il-izzüş-şafihul?- bünyan âkıd-i meakıdil-mecdir-rasihül-erkan hala Kapı Ağası Gazanfer Ağa bin Abdulmennan canibinden hasm-ı şerî mahzarında Şeyhî bin Hasan el-bevvabüs-sultani ve Mehmed bin Abdullah elbevvabüs-sultanî şehadetleri ile husus-ı atiyüz-zikre vekaleti sabit olan Mehmed bey ibn-i hüseyin es-serracüs-sultani mahzarında takrir-i meram edip Hüdavendigar sancağında Mihaliç kazasına tabi Boyhisar nahiyesinde Ekedli/Eğerli?- kurbünde İğdeli/?- çiftliği içinde Varyemez Değirmeni demekle maruf bir göz değirmeni sahib-i arz marifeti ile on beş bin akçeye müvekkilim mezbur Kurd Ağa müşarun ileyh Gazanfer Ağa Hazretlerine satdı ve meblağ-ı mezburu kabz etti deyu vekalet-i mezbure ile ikrar ettikte mezbur Mehmed Bey vekalet-i muhkiyesi ile ikrarını vicahen tahkik ve şifahen tasdik ettikte olki vaki’-i haldir bittaleb ketb olundu. Tahriren fil-yevmissabi aşera Zilhicce elharam sene erbea ve tisin ve tisamie Şuhud
Kenan bin Hasan, Ahmed bin Mehmed, Veli İsmail, Sadi bin Hızır, Rüstem bin Ramazan Arka sayfa Varyemaz kazasında değirmenlerin hüccetidir TSMA.e 1238/3 17 Z 994 10-Arapça hüccet Sübhanallah ----- hazer-rakkuş-şerî Ve ene eksaru ibadullah Mehmed bin Abdullah El-Mevali Kostantiniye-i Mahmiyye Mustafa Ağa bin Abdulmennan satıcı mukırr Hasan Ağa bin Abdulmübin vekil vekaletine şahit olanlar Mehmed bin Abdulcebbar Hasan bin Abdullah Gazanfer Ağa bin Abdulmuin Kadri Ehad ve sittune elf dirhem fizza kamil ayar Evahir Rebiulahir sene sitte tisin ve tisamie Ve zalike cemiid-dükkaneynil- mülasıkeynel-vakieyn biÜsküdar elhavi ala fırın fihi evani-i nühasiye kadeh isna işrune ukıyye – Turhan Hatun mülkü, ve Mustafa Bey dükkanı Kasım bin Ahmed dükkanı vetarik-i Amm tevabii ve levahıkı ile Elhac Mustafa bin osman vekil Vekaletine şahit olanlar Süleymen Bey ibni Abdullah Ahmed Bey ibni Abdullah Şahitler .. Arka sayfa Üsküdarda olan fırın hüccetidir altmış bir bin akçedir Sene 996
TSMA.e 1238/30 Evahir R 996 11-Kadı Hüseyin bin Mehmed elmevali fi viayet-i Anadolu Altta mühür Sebeb-i tahrir-i kitab-ı sıhhat-nisab budur ki Dergah-ı Ali çavuşlarından bil-fiil Bilecik Madeni Emini olan fahrul-emasil Ahmed Çavuş ibn-i Abdullah mahfel-i şer’î şerife gelip kıdvetül havass vel-mukarribin umdeti ashabul-izz vet-temkin Darüssaade Ağası olan Gazanfer Ağa ibn-i Abdulmuin hazretleri canibinden vekil-i şerileri olupvekaleti dergah- Ali bevvablarından Mehmed bin Ömer ve Hüseyin bin Abdullah şehadetleriyle sabit olan bevvab-ı Sultani el-Hac Mustafa bin Osman mahzarında ikrar-ı şeri ve itiraf-ı merî kılıp İnönü Kazasında Çomaklı nam mevzi kurbünde Karasu Vadisinde vaki bihamletil hudud vel-hukuk müşarun ileyh ağa hazretlerine seksen sekiz bin akçeye bey-i bat-birle bey’ı edip semen-i mezkuru bî-kusûr velâ-küsûr alıp kabzeyledim ve mebi’-i mesfuru teslim eyledim badel-yevm taht-ı tasarrufunda olan mukaddema yüz seksen sekiz bin akçeye bey’ olundu deyu bir tarikle sehven hüccet verilmiştir ol hüccete amel olunmaya bey’imiz seksen sekiz bin akçeyedir dedikte vekil-i mezbur el-Hac Mustafa dahi mukirr-i mezbur Ahmed Çavuşu ikrar-ı meşruhunda vekaleten ve vicahen ve şifahen tasdik eyledikte gabbet-taleb hazel-huruf bir sebil?- temessük ketb olunup yed-i talibe def’ olundu. Tahriren fi Evasıt şehr-i Cumadeluhra sene seba ve tisin ve tisamie Şahitler Arka sayfa değirmenler hüccetidir tabii-i Gazanfer Ağa TSMA.e 1240/77 Evasıt C 997 12-Sebeb-i Mevlana Hüseyin çelebi Efendi ibn-i elmerhum el-mebrur Ali Efendi eşşehir bi Hınnalızade Gazanfer Ağaya Ve zalike Cemiul hamam elvaki bi kasabati Karatok?-bi-vilayet-i Rum ili ahali indinde huuddu malum Ve cemii tahuneteyn-il valıateyn bi-karyeti Bayrak?- min tevabi- kaza-i İstrumca eddaireyn alnnehril maruf bi Turna?- elmüstağni anittahdid Ve cemii tahune elvaki bi-kurbi karye-i Turşin?- min tevabiil-kazail mezbur eddair bimai elkaryetil mezbur el müstağni anittahdid lizalik bihamliyyetil hudud ve kaffetil hukuk Kadruhu hamsun elf dirhem fizza rayih Min kıbeli Mehmed Bey ibn-i Abdullah elbevvabüssultani vicahen elvekil an kıbelişşerî mumaileyhessabit vekaleti indettasdik el mezbur bima hüve tarikissübut şeran cera zalik Ve hurrire fi evahir rebiülevvel sene seman tisin ve tisamie Şuhudülhal A.s. hüccet-i Gazanfer Ağa bi-Kratok TSMA.e 1240/82, Evahir Ra 998 13-El-emru kema hurrire fihi harrarahu efkarul-vera Mustafa bin Mustafa el-Kadı bi-Kostantiniyyetil-Mahmiyye Mühür
Sebeb-i tahrir-i kitab oldur ki Kıdvetül-havass vel-mukarribin umdeti erbabul izz vettemkin zülkadrurrefi veşşanul-meni’ bilfiil Bab-ı Saadet Ağası olan Gazanfer Ağa ibn Abdulmuin canibinden damet mealiyelü canibinden husus-ı atiye Mevlana Abdî Efendi ibn Abdussamed ve Mevlana Esseyyid Hüseyin ibn-i esseyyid Carullah şehadetleri ile vekaleti sabit olan fahrul-cuyuş vel-asakir Ömer Çavuş zide kadruhü mahzarında Fahrunnisa ibnetü Hamza Kethüda nam hatun ikrar-ı sarih-i şerî ve itiraf-ı sahih-i merî kılıp Mahruse-i istanbulda Mirahur Hamamı kurbünde vaki Çakır Ağa mahallesinde iki muhavviteyi havi olup muhavvite dahiliyyesi ik beyt-i süflayı ve üç sofayı( sad-fe-he) ve bir çardağı ve matbahı ve iki kuyuyu ve iki köşkü ve bağçeyi ve iki kenifi(kef-nun-ye-fe) ve kuyu yanında bir odayı müştemil olan hariciyyesi bir selamlığı ve ahırı ve arz-ı haliyyeyi ve kenifi ve ahur içinde bir börekçi ve bir çörekçi fırınlarını müştemil olup bir canibi Alime? Ayn-lam-mim- Hatun ibnetü Abdullah mülküne ve bir tarafı Kuyumcu Muslu mülkine ve bir canibi Hasan nam kimesne mülküne ve tarik-i amme müntehi olan mülk menzili ki mukaddema beytülmal tarafından şira ile temellük eylemiştir cemii hududu ve levahıkı ve amme menafii ve merafıkı ile müvekkil mumaileyh hazretleri için vekil-i merkuma iki yüz elli bin fizza akçeye bey-i bat-ı katî sahih-i şerî ile bey’ edip ol dahi müvekkil mumaileyh maliyle vakaleten iştira eyleyip ve semen-i mezburu yed-i vekilden bittamam velkemal kabz ve istifa/istiğa eyledimmin ba’d menzil-i merkum ağa-yı müşarileyh hazretlerinin mülk-i mahzı ve hakk-ı sırfıdır. Keyfe ma-yeşa mutasarrıf olsunlar benim hak ve alakam kalmadı dedikde mukırre-i mezbureyi vekil-i merkum ikrar meşruhunda tasdik ve cemii kelimatında merkumeyi tahkik eyledikten sonra bayi’a-i merkumenin sadriyye kızı Nesli binti Behram nam Hatun ve Derviş Mehmed ve Aişe Hatun veledi vav-lam-dal-ye- Mustafa nam karındaşları hazirun olup her biri bey-i mezburu kabul ve tasdik edip ve bizim menzil-i merkumda hak ve alakamız ve ona müteallik niza ve husumetimiz yoktur Ağa-yı merkum keyfe-ma-yeşa tasarruf kılsınlar dediklerinde merkumların vech-i meşruh üzere vaki olan ikrarlarını mukırranı merkum dahi bilmüvacehe tasdik ve tahkik ettikten sonra vaki hal bu vesikada kayd olundu ki ledel-hace müzekkir-i ma-cera ola Tahriren fi Sani Ramazan ülmübarek li-sene tisa tisun tisamie Şuhudülhal 18 kişi TSMA.e 1240/85 2 N 999 TSMA.e 1240/93 2 N999 ikisi aynı hüccet farklı yazılarla 14-Elmru ala ma --- Ali bin Abdullah velMevla Kostantiniyye-i Mahmiyye--- Sebeb-i tahrir-i kitab-ı şerî budur ki Fahrul-emasil vel-emacid Piri Bey ibn-i Mustafa canibinden husus-ı âtî?---- vekil olan Ebu Bekr bin Mehmed ve Piri Efendi bin Öehmed nam kimesnelerin çehadetleri ile şeran vekaleti sabit olan oğlu Mustafa Bey nam kimesne meclis-i şer’a şerifde (uzun elkab) bil-fiil Babüssaade Ağası olan Gazanfer Ağa ibn-i Abdulhannan edemallahü teala izzetühü ila ahirid-devran canib-i alilerinden ikrar-ı atiyüzzikri tasdike vekil olup Mustafa Çavuş ibn-i Mehmed ve Mehmed Çavuş ibn-i – şehadetleri ile şeran vekaleti sabit olan Mustafa Çavuş bin Abdulkerim mahzarında bilvekale ikrar-ı sahih-i şerî ve itiraf-ı sarih-i merî kılıp müvekkil-i mezbur Piri Bey Ayasofya-i Kebir kurbünde İshak Bey Mahallesinde vaki hududunun bir tarafı yine müşarünileyh hazretleri mülküne ve bir tarafı Osman bin Abdullah mülküne ve bir tarafı Oruç Bey ibn-i Abdullah mülküne ve bir tarafı tarik-i hasse muttasıl olup muhavvite dahiliyyesi üç bab büyüt-ı ulviyyeyi ve bir fırını ve beyt-i mâî ve kenefi müştemil olup ve muhavvite hariciyesi dört bab ulvi evleri ve altında bir ahırı ve kenefi ve üç bab tahtani odaları müştemil ve havi olan mülk menzilini cemii tevabii ve levahıkı ve kaffe menafi ve taraiki?- ile müşarun ileyh ağa hazretlerine bey-i sahih-i şerî ile dört yüz bin ve elli bin nakit rayih/rayiç fil-vakt akçeye bey’ edip mebi-i mezburu teslim ve semen-i merkumu müşarünileyh ağa hazretleri yedinden bittamam velkemal alıp kabz eyledi min bad menzil-i mezbur mumaileyh ağa hazretlerinin mülk-i müşterasıdır keyfe ma-yeşa mutasarrıf olsun dedikte mezburu minval-i meşruh üzere cari sadır olan cemii ikraratında mumaileyh Mustafa Çavuş dahi bilvekale tasdik ve tahkik ettikte ma hüvel- vaki ala vukuihi gabbut-talep ketb ve imla olunup yed-i talibe def’ olundu cera zalike Ve harrara fil yevmissani vel-işrin min şehr-i Cumadelula lisene hamse ve elf minel-hicretinnebeviyye aleyhi efdaluttahiyye Şuhudülhal 14kişi A.s. Nalıncızade Mustafa efendi’den alınan ev hüccetidir fi22Cemaziyelevvel sene 1005 TSMA.e 1241/40 22 Ca 1005 El-emru--- Ali bin Abdullah vel-Mevla Kostantiniyyetil-mahmiyye --- 15-Sebeb-i tahrir-i kitab-ı şerî budur ki Umdetil-umerail-kiram zübdetil-küberail-fiham zül-kadri vel-ihtişam Ömer Bey ibn-i el-merhum Eş-şeyh İsa tarafından bey’-i atiyüz-zikri ikrara vekil olup fahrul-akran Mustafa Çavuş ve Şeyh Mehmed bin Ali nam kimesneler şehadetleriyle hasm-ı şerî mahzarında vekâleti sabit olan fahrul-miderrisin--- Mevlana Mansur --- ibn-i Abdullatif meclis-i şer’-i şerîfde işbu bâis-i rakam-ı hazer-rakîm umdetil-havass vel-mukarribin zübde-i eshabul-izz vet-temkin mutemedül-müluk ves-selatin enisil-hzretil-aliyyetil-hakaniyye celisis-saadetis-seniyyetis-sermediyye züd-devletir-rasiha vel-izzetüş-şafiha?- el-mahfuf bi-sunuf-ı avatıfül-melikül-mennan Gazanfer Ağa ibn-i Abdul-hannan edamallahü teala izetühü ila ahirud-devran canib-i şeriflerinden tasdike vekil olup Hasan Bey ibn-i Abdullah ve Yusuf Çavuş ibn-i Abdullah şehadetleriyle şeran vekaleti sabit olan fahrul-cuyuş vel-cunûd Mustafa Çavuş muvacehesinde ikrar-ı sahi-işerî ve itiraf-ı sarih-i merî bir-le ikrar ve itiraf edip müvekkilim müşarünileyh Ömer Bey kasaba-i ebi Eyyubel-Ensarî radıyallahü anhül-bârî mahallatından Bali Hoca mahallesinde vaki bir tarafı merhum Bali Hoca mescidi, ve bir tarafı Macar nam hatun mülkü ve iki tarafı Kara Ali bahçesi demekle maruf olan Kara Mustafa Bahçesiyle ve bir tarafı tarik-i amm ile mahdud olup fevkanî üç bâb odayı ve altında bir ahırı ve bir bab odasını ve iki dolap ve iki küçük su kuyusunu ve eşcar-ı müsmire ve gayr-ı müsmireyi müştemil olan mülk bahçesini mumaileyh ağa hazretlerine icab ve kabulü müştemil bey’-i bât-ı sahîh-i şerî ile yüzbeş bin nakid fizza-i Osmani rayiç fil-vakt akçeye bey’ edip kabz-ı semen ve teslim-i mebi’ eyledim dedikte mukırr-ı mezburu vech-i meşruh üzere olan ikrarında merhum Mustafa Çavuş vekalete tasdik edip gabbüt-taleb ma-hüvel-vâki’ ketb ve imla olundu Tahriren fi evasıt-ı şehr-i Zilkadetiş-şerife li-sene hamse ve elf minel-hicretin-nebeviyye Şuhudül-hal 5 kişi ve gayrısı TS.MA.e 1241/41, Evasıt Za 1005 16-Ali bin Abdullah el-Mevla bi-medrese-i Kostantiniyye-i Mahmiyye – Sebeb-i tahrir-i kitab-ı şerî budur ki Hala Çavuşbaşı olan sahibül-izz vel-iclal sahibül-ezyalül-mecd vel- ikbal umdetil-emacid vel-ekarim müstecmiul-meali vel-mekarim zül-kadrul-alî veş-şanül-celî el-mahfuf bi-sunuf-ı avatıfül-melikül-mennan Ömer Ağa ibn-i Ali mahfel-i şer-i şerifde işbu baisül-kitab umdetül-havass vel-mukarribin sahibül-izz vet-temkin mutemedül-mülûk ves-selatin müessis-i bümyanüd-devletil-aliyye müşeyyed-i erkanüs-saadetis-sermediyye el-muhtass bi-mezid-i inayet-i meliküd-deyyan Gazanfer Ağa ibn-i Abdurrahman hazretleri tarafından tasdik-i atiyyül-beyana vekil olup Ferhad Çavuş ibn-i Abdullah ve Abdulkerim Bey ibn-i İlyas el-bevvabüs-sultani şehadetleri ile şeran vekaleti sabit olan fahrul-cuyûş Mustafa çavuş bin Abdulkerim muvacehesinde ikrar ve itiraf edip Mahmiyye-i Kostantiniyyede Çakır Ağa mahallesinde vaki fevkani ve tahtani yirmi dört bab odaları ve bir ekmekçi fırınını ve bir at değirmenini ve su kuyusunu ve kenefi müştemil olup bir tarafı Kuyucu Mustafa Çelebi mülkü ile ve Hüseyin Subaşı ibn-i Abdullah mülkü ve bir tarafı Alime Hatun mülkü ve bir canibi tarik-i amm ile mahdud olan mülk odalarımı cemii tevabi’ ve levahıkı ve tarâik ve merafıkı ile müşarünileyh Gazanfer Ağa hazretlerine dört kere yüz bin fizza Osmani rayicül-vakt akçeye bey’-i bât-ı sahîh ile bey’ edip kabz-ı semen-i merkum ve teslim-i mebi’-i mesfur ettim min ba’d zikrolunan odalara keyfe-ma-yeşâ mutasarrıf olsunlar dedikte mukırr-ı mezburun ber-vech-i meşruh sudur eden ikraratı vekil-i mezbur Mustafa Çavuş dahi vicahen tasdik ve şifahen tahkik ettikde bu vesika ala-ma-hüvel-hakika gabbüt-taleb ves-sual tahrir olundu Tahriren fi gurre-i şehr-i Rebiülahir min şuhur-i sene sitte ve elf Şuhudül-hal 15 kişi vg. TS.MA.e 1241/45, gurre R 1006 17-Abdulhali? Bin Mehmed Kostantiniyye-i Mahmiyye Mühr Sebeb-i tahrir-i kitab-ı sahih-i --- oldur ki Umdetül-muhadderat üsvetül-mavakkırat zatül-alî ves-saadât Ümmühani binti Behram nam hatun canibinden dükkan-ı atiyyül-beyânı bey’a ve kabz-ı semene vekil olup vekaleti nehc-i şerî üzere hasm-ı şer’i-i --- mahzarında sabit olan sadrî oğlu kıdve-ti erbabül-izz vel-iclal umde-ti eshabül-mecd vel-ikbal zül-kadrur-refi’ vel-cahül-meni’ bilfiil Mısr-ı Kahire defterdarı Ahmed ibn-i Ali meclis-i şer-i celî ve mahfel-i din-i nebevide mü’teminis-süddetis-seniyyetis-Sultaniye mutemedül-abdül-aliyyetil-hakaniye zübdetil-havass vel-mukarribin umde-ti eshabul-izz vettemkin sahibül-izz veş-şafih sahib-i ezyalil-celalil-bâzih? El-mahfuf bi-avatıfil-melikil-kerim Gazanfer Ağa ibn-i Abdurrahim vakfına mütevelli olan fahrul-emasil vel-akran Sinan Çavuş ibn-i Abdulmennan mahzarında ikrar veitiraf mahmiyye-i İstanbul’da Bitpazarı kurbünde merhum cennet-mekan Sultan Bayezid Han aleyhirrahmeti vel-gufran vakfı üzerinde bir tarafı mumaileyh ağa hazretlerinin vakfı ve bir canibi benim mülküm ve bir canibi merhum ve mağfurun leh Sultan Bayezid Han anbarı ve bir canibi tarik-i amm ile mahdud olup sal-be-sal merhum mezbur vakfına üç yüz altmış akçe mukataa-i arazi? (Hemze-ra-dad) olan bir bab dükkanı mütevelli mezbur bil-vekale kırk bin fizza rayiç-i Osmanîye bey’-i bâtle bey’ edip teslim-i mebi’ ettim mütevelli-yi merkum dahi mal-ı vakf-ı merkum ile vakf-ı mersum için iştira ve tesellüm ettikde mukırr-ı mezbur Ahmed Efendi’yi ikrar-ı meşruhunda mütevelli mumaileyh Sinan Çavuş vicahen tasdik ve tahkik ettikde ma-vaka’a gabbüt-taleb ketb ve ?- ve yed-i talibe vaz’ ve def’ olundu. Tahriren fil-yevmil-aşera?- min şehr-i Şevval min şuhur-i sene erbea ve elf Şuhudül-hal TS.MA.e 1241/64, 10 L 1004?- 18-El-emru kema fihi namakahü elfakîr Abdurrahman el-memur --- evkâf afa anhü Mühür
Sebeb-i tahrir-i kitab-ı şeri budur ki Dergah-ı âlî dame mahfufen bil-meali müteferrikalarından ba’is-i hazel-kitab Mehmed Ağa ibn-i Abdullah tarafından husus-ı atiyyül-beyana vekil olup bi-ma hüve tariküs-sübut şeran vekaleti sabit olan Hüseyin Bey ibn-i Abdurrahman meclis-i şer-i şerif-i enverde takrir-i kelam edip Mahmiyye-i İstanbul’da vaki merhum Gazanfer Ağa vakfından olup mahmiyye-i mezbure hısnı ebvabından Yeni Kapı haricinde vaki ledel-ahali vel-ciran malumul-hudud olup icare-i muaccele ve yevmi ondört akçe ücret-i müeccele ile müvekkil-i mezburun tasarrufunda olan birbirine mülasık iki bab dükkan mürur-ı eyyamla haraba müşrif olup kâbil-i intifa’ olmamakla müceddeden binaya muhtaç olup canib-i vakfdan müceddeden binaya müsaade olmamağın kıbel-i şer’den üzerine varılıp badel-muayene müvekkil-i mezbur icare-i muaccelesine mahsub olmak üzere kendi malı ile müceddeden binaya izn verilip ve sabıkuz-zikr dükkanların icare-i müecceleleri ecr-i misli mertebesine tenzil olunması matlubumdur dedikte savb-ı şer’den Mevlana Ali efendi irsal olunup ol-dahi hassa mimarlardan üstad Ali –ibn-i Halil ve zeyl-i kitabda isimleri mestur olan müslimin ile üzerine ve erbab-ı muayene ve vakf-ı şerifde bil-fiil mütevelli olan Arslan Ağa tarafından husus-ı atiyyül-beyana vekil olup nehc-i şer’î üzere vekaleti sabit olan vakf-ı mezburun câbîsi Mehmed Bey ibn-i Hasan mahzarında mesaha eylediklerinde bina ziraıyla tulen otuz bir ve arzan on yedi hesab-ı şatrancı?- beş yüz yirmi yedi zira arsa üzerine mebni iki bab dükkanın ebniyesi haraba müşrif olduğundan maada garb?- tarafına bir buçuk zira’ meyl etmekle kat’a kabil-i intifa olmayıp müceddeden binaya muhtaç ve zikr olunan dükkanların icare-i müeccelelerinin ecr-i misli için yevmi sekiz akçedir deyu mimar-ı mezbur ve sair ehl-i vukuf bil-ittifak haber verdiklerinde Mevlana-yı mezbur mahallinde tahrir badehu gelip meclis-i şer’de vukuu üzere inha ve takrir ettikden sonra badet-tahmin?- icare-i muaccelesine mahsub olmak üzere müvekkil-i mezbur kendi malı ile müceddeden binaya izn verilip ve marüz-zikr dükkanların icare-i müeccelesi ecr-i misli olan yevmî sekiz akçeye tenzil olunup ma-hüvel-vâki’ gabbüt-taleb ketb olundu. Fi Evail-i Zilkadetiş-şerife li-sene isneyn ve erbain badel-elf Şuhudül-hal TS.MA.e 1243/8 Evail Za 1042 19-Hasbiyallah Elemru kema rakama fihi harrarahü el-abdul-fakirullah subhanehü Mustafa bin Halil el-mevla bi-Kostantiniyye el-mahmiyye hala—afa anhüma Sebeb-i hüccet-i sahihüş-şerî ve vesika-i sarih-i meriyye budur. Mazmunüha Kostantiniyye mahallelerinden İshak Paşa mahallesindeki merkum Piri mülküne ve Mustafa Çelebi bin Şems mülküne ve iki tarafından Gazanfer Apğa mülküne müntehi, tulen 29 arzan 23 zira olan Arz-ı haliyeyi cemii hududuyla Selasemie elf dirhem fizza rayiç filvakt nısfuhü te’kiden lilasl Mie hamsun elf dirhem(300.000 dirhem aslını tekid için yarısı 150.000 dirhem olan) Gazanfer Ağa ibn-i Abdüsselam’ın satın almaya ve ücretini teslim etmeye ve aşağıda tafsili geçen işlemlere vekili olan Ömer Çavuş ibn-i Ali mahzarında Şehyi Bey bin Hasan bevvab-ı sultani ve Yusuf bin Hasan şehadetiyle satmaya ve ücretini almaya babası Piri tarafından vekil olan Mustafa Çavuş ibn-i Piri Sattığını İkrar ve itiraf etti İcab kabul teslim tesellüm edip bedeleyni ikrar ve itiraf edip bey’ ve iştira bât-ı şerî ile İkrarını Ömer Çavuş da vicahen ve şifahen tasdik etti. 18 Şevval sene elf Şuhudül-hal TS.MA.e 1243/72, 18 L 1000 20-Hasbiyallah El-emru kema rakama fihi harrarahü el-abdül-fakirullah subhanehü Mustafa bin Halil el-Mevla bi-Kostantiniyye el-mahmiyye hala – aha anhüma Mühür
Sebeb-i tahrir-i kitab-ı şer’î budur ki Hala Sipahi oğlanları ağası olan kıdvetül-emacid vel-ekarim umdetil-ekabir vel-efahim zül-kadrül-alî veşşanül-celî Süleyman Ağa ibn-i Abdulvelî zide mecdühü meclis-i şeriat-ı rasihatul-erkanda fahrul-havass vel-mukarribin --- eshabül-izz vet-temkin enisüddevletil-aliyye celisüs-saadetis-sermediyye eminüs-saltanatül-aliyye yeminül-hilafetüs-sâmiyye?- el-mansur bi-avnillah vel-manzur bi-aynillah el-mahfuf bisunuf-ı avatıfül-melikül-e’la Gazanfer Ağa ibn-i Abdulmevla canib-i e’lalarından husus-ı atiyüzzikre vekili olup nehc-i kavi ve tarik-i müstakim üzere şeran vekaleti sabit olan dergah-ı âlî bevvablarından kıdvetül-emasil vel-akran şerefüs-sudur vel-e’yan El-Hac Mustafa Bey ibn-i Osman mahzarında ikrar-ı tav’î ve itiraf-ı mer’î kılıp mahruse-i İstanbulda merhum İshak Paşa mahallesinde vali iki tarafı müvekkil-i merkum mülküne ve bir tarafı benim aher mülküme ve taraf-ı berayi’ı Mustafa Çelebi ibn-i Şemseddin mülküne müntehi ve incir ve tut ağaçlarını müştemil olup tulen kırk altı zira’ ve arzan on iki buçuk zira olan mülk yerimi cemii tevabii ve levahıkı ile vekil-i merkuma zikr olan müvekkil malıyla icab ve kabulü havi bey’-i bât-ı sahih-i şer’î ile iki yüz elli bin nakd rayiç fil-vakt fizza akçeye ki nısfı te’kidel-asl yüz yirmi beş bin akçeye bey’ edip ol-dahi mezkur müvekkili için iştira edip bî-kusûr bana teslim edip ve mebi’-i merkumu tesellüm eyledi. Semen-i merkumdan bir akçe ve bir habbe hakkım kalmadı dedikte mukırr-ı merkumu kelam-ı meşruhunda vekil-i merkum bil-müvacehe vel-müşafehe tasdik ve tahkik ettikdensonra bu huruf badettaleb ketb ve tahrir olundu ki hin-i hacette mübeyyin-i ma-cera ola. Tahriren fil-yevmil-âşir min şehr-i Recebil-mürecceb min şuhur-ı sene elf Şuhudülhal TS.MA.e 1243/75, 10 B 1000 21-Ve hüve hasbî El-emru kema rakame fihi --- Mustafa bin Halil El-Mevla Kostantiniyye el-mahmiyye ----- Zevvak-ı sultanî İbrahim bin Abdurrahim’in ikrara satışa, kabz-ı semene ve atiyüzzikrde olanlara Rıdvan Bey bin Abdullah el-cündî ve Kalender Bey ibn-i Hasib şehadetleri ile vekili olan Mahmud Bey İbn-i Hızır meclis-i şer’de ikrar ve itiraf etti ki, Gazanfer Ağa ibn-i Abdusselam’ın vekili Ömer Çavuş ibn-i Ali mahzarında Merkum İbrahim Ağa muhakkak sattı şu belgenin tarihinden on beş gün evvel Kostantiniyyede merhum İshak Paşa mahallesinde vaki fevkani üç oda ve ahır ve fırın --- ve muhavvita ve kenef Hüseyin bin Mustafa mülkü ve iki tarafdan Hasan Çavuş ibn-i Abdullah mülkü ve tarik-i amm ilemahdud evini cemii tevabii ve levahıkı ile ve kaffe hukuk ve merafıkı ile kabzedilmiş muayyen bir ücrete ki onun mikdarı mieti elf dirhem ve işrune elf dirhem fizza rayiç filvakt nısfuhu tekiden lil-asl sittune elf dirhem Tarafeynin İcab ve kabulü ve bedelin teslim ve tesellümünü muhtevi olan bey’ ve iştira bateyn-ı sahih-i şer’i ile Satıcı ikrar ve itiraf vekil olan alıcı ise vicahen ve şifahen tasdik etti Fil-yevmissani min şehr-i Recebül-mürecceb min şuhur-ı sene elf Şuhudül-hal TS.MA.e 1243/79, 2 B 1000 22-Mustafa bin Halil el-mevla bi Kostantiniyye Sebeb-i hüccet--- Bevvab-i Sultani olan Osman Bey ibn-i Süleyman Meclis-i şer’de ikrar ve itiraf etti Şu vesikanın muhafızı Gazanfer Ağa bin Abdulmennan’a sattığını Kostantiniyyede Kırkçeşme yakınlarında Hüsam Bey Mahallesindeki, Sali hatun ibnetü Süleyman mülkü ve Sefer bin Mahmud mülkü ve müşarünileyhin vakfı ve tarik-i amm ile mahdud, Bir tarafı tulen 40 zira, ve diğer taraflardan 53 zira ve 13.5 zira arzan ve hesab-ı şatranci’ye göre 535.5 zira benna ziraıyla cümle hukuk vet-teraik ve kaffe-llühuk vel-merafık tahtani üç beyt fevkani bir beyt Ve tahtani üç sufef?-sad fe fe- ve fevkani üç sufef, ve ahır--- ve su kuyusu ve iki kenef ve muhavviteyi havi menzilini Şu akitten sonra, O kendi malıyle satın aldı Mikdarı selesemie elf dirhem ve sittune elf dirhem fizza Osmani rayiç fil-havayic nısfuhü Mie elf dirhem ve semanun elf dirhem( 360000 dirhem yarısı 180000 dirhem) Bey-i bat-ı sahih ile Fahrul-cuyuş Mustafa Çavuş ibn-i Abdulmennan ve Divan katibi Mustafa Bey ibn-i abdurrezzak şahitlikleriyle vekil olan Şeyhî Bey ibn-i Hasan onu vicahen ve şifahen tasdik etti Harrera fi evahir şehr-i Şabanül-muazzam min şuhur-ı sene isneyn ve elf min hicretin-nebeviyye Şuhudülhal TS.MA.e 1244/3 Evahir Ş 1002 23-Ma-fihi minel-bey’ vel-ibtâ’ alat-turuküş-şer’il- mutâ’ Veka’a ve tehakkaka ınde ahvecül-verâ Mehmed bin Yusuf el-mevâli Bi-Kostantiniyye el-mahmiyye hala – afa anhüma Mühür
Sebeb-i tahrir-i kitab-ı sıhhat-nisâb budur ki Mahmiyye-i Kostantiniyye’de bil-fiil mahzar kethüdası olan Sefer Çelebi ibn-i Mahmud ve karındaşı Ahmed Çelebi meclis-i şer’-i şerifde (elkab) bil-fiil Darüssaade Ağası Gazanfer Ağa dame iclalühü taraflarından husus-ı atiyyüz-zikri tasdike Ahmed Çavuş ibn-i Abdullah ve Mustafa bin Abdurrezzak şehadetleri ile vekaleti sabit olan kıdvetül-emasil vel-akran Şeyhi Bey ibn-i Hasan mahzarında ikrar ve itiraf edip mahmiyye-i mezburede Kırkçeşme kurbünde vaki Hüsam Bey mahallesinde ba’zan bâyian-ı mezburân mülkleriyle ve ba’zan Saliha Hatun ibnetü Süleyman mülküyle ve bir tarafı Bezcizade vakfı ile ve mumaileyh ağa hazretlerinin medreseleri ile mahdud olan fevkani ve tahtanî üç bab mülk odalarımızı cemii tevabii ve levahıkıyla müşarünileyh ağa hazretlerine otuz bin nakd rayiç fil-vakt bey’-i bât-ı sahih ile bey’ edip teslim-i mebi’ ve kabz-ı semen eyledik. Min ba’d mülk-i müşteralarıdır. Mutasarrıf olsunlar. Bu zikrolunan odaları mumaileyh ağa hazretlerine mukaddema icareye verdik idi hala sekiz aylık?- bin akçe icaresin dahi alıp kabzeyledik. İcare hususunda dahi bî- cidd?- minel-vücuh dava ve nizaımız yoktur dediklerinde mukırran-ı mezkuranların ikrarın mukırr ledel-merkum Şeyhi Bey bil-müvacehe tasdik eyledikte ma-vaka’a bit-taleb ketb olundu. Tahriren fi evahir-i rebiülevvel li-sene selase ve elf Şuhudülhal TS.MA.e 1244/7, Evahir Ra 1003 24-El-emru kema fihi nemekahü efkarül-verâ Ali bin Abdullah el-mevali bi- Kostantiniyye el-mahruse – hala fehü?- Mühür Sebeb-i tahrir-i kiyab-ı şer’î budur ki Vezir-i mükerrem müşir-i mufahham muslih-i mesalih-i benî Adem mütemmim-i mehamm-ı kaffetül-ümem hâvî şeairiş-şer’î bil-adl-i vel-insaf mâhî zallamüd-delale vel-i’tisaf merkez-i âlîşân sadr-ı âsâf-nişân el-mahfuf bi-sunuf-ı avatıfül-melikül-mennan Mahmud Paşa ibn-i Abdurrahman hazretleri tarafından husus-ı âtiyyül-beyâna vekil olup fahrul-akran Mehmed Bey ibn-i Abdullah ve Süleyman Çavuş ibn-i Abdulmennan şehadetleriyle hasm-ı/ hısm-ı şer’î câha?- mahzarında şer’an vekaleti sabit olan fahrul-akran Mehmed Bey ibn-i Cafer mahfel-i şer’de işbu hafızül-kitab (elkab)hala Kapı Ağası olan Gazanfer Ağa ibn-i Abdurrahman hazretleri tarafından tasdik-i atiyyüz-zikre vekil olup hısm-ı şer’i cahid?- mahzarında bi-ma hüve nehcis-sübût şeran vekaleti sabit olan Dergah-ı Ali bevvablarından Farisizade demekle maruf Mustafa Bey ibn-i Mehmed müvacehesinde ikrar-ı sahih-i şer’î ve itiraf-ı sarih-i mer’î edip müvekkil mumaileyh Mahmud Paşa hazretleri Mahmiyye-i Kostantiniyye’de merhum Ali Paşa Camii kurbünde Dikilitaş civarında indel-ahali vel-ciran tarifden gani ve tavsifden müstağni olan mülk bir bab kassab ve bir bab kassab ve bir bab aşçı dükkanlarını ve bir mikdar arz-ı hâliyeyi cemii tevabii ve levahıkı ile mumaileyh Gazanfer Ağa hazretlerine elli bin fizza Osmanî rayiç fil-vakt akçeye bey’-i bât-ı sahih-i şer’i ile bey’ edip kabz-ı semen-i merkum ve teslim-i mebi’-i mesfur ettiler dedikte mukırr-ı mezburun ber-vech-i meşruh sudur eden ikraratı merkum Mustafa Bey dahi vicahen tasdik ve şifahen tahkik ettikte bu vesika ala- ma- hüvel- hakika gabbüt-taleb vessual ala vuku’ihi tahrir olundu. Tahriren fi evahir-i şehr-i Cumadeluhra min şuhur-ı sene hamse ve elf minel-hicretin-nebeviyye Şuhudülhal TS.MA.e 1244/14, Evahir C 1005 25-El-emru ma- fihi nemekahü efkarul-verâ Ali bin Abdullah vel-Mevalî Bi-medrese-i Kostantiniyye el-Mahruse hala fehü Mühür Sebeb-i tahrir-i huruf budur ki Sabıka Mirahur iken vefat eden merhum Ahmed Ağa’nın cemii umuruna vasiyy-i muhtar olan (elkab) hala Darüssaade Ağası olan Osman Ağa ibn-i Abdurrahman hazretleri tarafından husus-ı atiyyül-beyana vekil olan Mustafa Bey ibn-i Abdullah ve Hüseyin Bey ibn-i Abdullah ile vekaleti hasm-ı şer’i cahid?- mahzarında şeran sabit olan kethüdaları umdetül-a’yan Mehmed Bey ibn-i Abdulmennan meclis-i şer’-i şerifde sahibül-hayrat vel-hasenat rağıbüs-sadakat vel-müberrat umdetül-havass vel-mukarribin sahibül-izz vet-temkin zid-devletil-kahire vel-izzetil-bahire Gazanfer Ağa hazretleri evkafına hala mütevelli olan fahrul-akran Sinan Çavuş ibn-i Abdulmennan ikrar-ı sahih-i şer’i ve itiraf-ı sarih-i mer’i edip müvekkil-i müşarünileyh Osman Ağa hazretleri müteveffa-yı mezburun Mahmiyye-i Kostantiniyye’de Balık Pazarı kurbünde Ayasofya-i Kebir evkafına her sene seksen akçe mukataalı yerde bina olunan mülk on iki bab malumul-hudud olan dükkanın binasını ve bir kayıkhanenin binasını müşaruileyh Gazanfer Ağa Hazretlerinin evkafının nükuduyla akar alınmak vakfiyye-i ma’murun bihe sinde mestur ve mukayyed olunmağın mütevelli-yi mezbura yüz altmış bin fizza Osmani rayiç fil-vakt akçeye bey’-i bat-ı sahih ile bey’ edip vakf-ı mezbur malından mütevelli-yi mezbur yedinden meblağ-ı mezburu bit-tamam vel-kemal alıp kabz ettim dedikte mukırr-ı mezburun ber-vech-i meşruh sudur eden ikrarını mütevelli mezbur Sinan Çavuş dahi vicahen tasdik ve şifahen tahkik ettikde bu vesika ala ma hüvel-hakika ğabbut-taleb tahrir olunndu. Tahriren fi evail-i şehr-i Zilka’detül-haram min şuhur-ı sene hamse ve elf Şuhudülhal TS.MA.e 1244/15, Evail Za 1005 26-Mustafa bin Halil El-mevali biKostantiniyye el-Mahmiyye Sebeb-i hüccet-i sahih-i şer’i?- Her sene Halk arasında mukataa-i cabiriyye ile kırk beş dirheme alınmış( el-mehuze bimukataa-i cabiriyye beynel-enam fi külli senetin) Mustafa Ağa ibn-i Abdulmuin mülkü ve iki tarafından müşteri mumaileyhin mülkü ve cemii tevabii ve levahıkı, hukuku ve merafıkıyle İshak Paşa Vakfı ile mahdud, Kostantiniyye-i Mahmiyyede İshak Paşa mahallesinde kain olup fevkanîdört odayı, ve tahtani bir odayı, ve ahırı ve su kuyusunu ve kenefi ve Küçük Ayasofya Camisinin vakıf arazisi üzerinde bina olunmuş muhavviteyi müştemil menzilin cemii binalarını Gazanfer Ağa tarafından Satın almaya ve aşağıda zikredilen muamelata Bevvab-ı Sultani olan Hacı Bey ibn-i Abdurrahman ve kaid olan Ömer Çavuş ibn-i Süleymanın mahkeme huzurundaki şahitlikleriyle vekil olan Ömer Çavuş ibn-i Ali el-kaid-i Sultani’ye, Mahmud Çelebi ibn-i Hasan el-cündî tarik-i mukayaza ile sattı. Ömer Çavuş ibn-i Ali müvekkil mumaileyhe bahsedilen vekaleti ile satın aldı. Ne karşılığında neile?- Yine aynı mahallede vaki benna ziraıyla tulen 40 zira ve arzan 30 zira olup Şatrancı hesabına göre 800 ziraa ve 75 zira olup Tarik-i amme ve Şirmerd bin Abdullah mülküne ve Sinan Bey vakfına ve Medine-i Münevvere vakfına müntehi olan mühavvitayı havi, tahtani bir oda(beyt) ve fevkani bi oda(beyt) ve bir hücre ve bir gurfe ve ahır cenbiyye altta bir beyt üstte iki beyt( ıstabl cenbiyye beyt-i süfla ve fevkaha beytan), ve fırın ve su kuyusunu müştemil menzilin tamanını cümle hudud ve kaffe hukukuyla her iki tarafdan, bedeleynin icabı, kabulü, teslim almaklığı ve teslim etmekliğini müştemil olan sahih, şeri satış ve alış ile ikrar-ı sahih ve itiraf-ı sarih edip, ve vekil-i merkum tarafından da vicahen ve şifahen tasdik edici oldu. Tahriren fil-yevmis-sabi vel-işrin min şehr-i Cumadeluhra min şuhur-ı sene elf Şuhudülhal Mimarbaşı Davud Ağa ibn-i Abdulmennan Mahalle imamı Mahmud bin Hızır Mevlana Abdi efendi bin Ali Yayabaşı İlyas bin Abdullah Dergah-ı Aliden Pervane Çavuş bin Abdullah Bevvab-ı Sultani Resul bin Abdullah Mehmed Bey ibn-i Abdullah el-cündi Davud bin Abdullah el-muhzır ve gayrühüm TS.MA.e 1252/26, 27 C 1000 27-İbrahim bin Ali el-mevali bi- Üsküdar Mühür Sebeb-i hüccet-i şerî--- Mahkemede itiraf ve ikrar etti Gazanfer Ağa vakfı mütevellisi Seyyid Hasan Çelebi ibn-i Seyyid Osman kiraya verdi Hasan bin Aliye Neyi: zalike cemi-il-beytil-ulvî meal hücre ya’beru anhü bi-kahvehane Elvaki fi Suk-ı Gülfem Tahdidden müstağni Sahibinin ismiyle meşhur Bir kamil sene boyunca her gün 12 dirhem fizza rayiç filvakt Her ay geçince ücreti ödenecek Kiralayan ikrar ve itiraf etti müstecir de onu sözünde tasdik etti Ve harrera fi hamis aşera şehr-i Ramazanül-mübarel li-sene sitte ve tisin ve tisamie Şuhudulhal TS.MA.e 1253/3, 15 N 996 28-Mehmed bin Ahmed el-mevali Kostantiniyye Mühür Sebeb-i kitab budur ki Mahmiyye-i İstanbul’da Salmakol Mahallesinde sakin Menol?- veled-i Yorgi mahfel-i kazada merhum ve mağfurun leh Gazanfer Ağa vakfının katibi olan Musa bin Abdullah nam bevvab-ı Sultani mahzarında ikrar ve takrir-i kelam edip vakf-ı mezburdan olup mahmiyye-i mezburede Yeni Balık Pazarında vaki bir tarafdan vakf-ı mezbur ve iki tarafdan Süleyman Ağa vakfı ve bir tarafdan tarik-i amm ile Balıkcı Dükkanının nısf-ı şayi’i icare-i muaccele ve ücret-i müeccele ile benim benim tasarrufumda idi. Hala zikrolunan nısf hisse-i şâyi’amı canib-i vakfa fariğ oldum. Mütevelli-yi vakf her kime dilerse icar eylesin. Badel-yevm zikr olunan nısf hisse-i şâyiadan ve icare-i muaccelesine müteallik dava ve nizaım yoktur dedikte gabbut-tasdikiş-şerî ma-cera bit-taleb ketb olundu. Tahriren fil-yevmil-hadi aşer amin Cumadeluhra li-sene erbea ve selasin ve elf Şuhudülhal 29-TS.MA.e 1257/64, 11 C 1034 Mustafa bin Halil el-mevali bi- Kostantiniyye el-Mahmiyye Mühür
Sebeb-i tahrir-i kitab-ı sıhhat-nisâb oldur ki Hala Babüssaade Ağası olan (elkab)Gazanfer Ağa ibn-i Abdula’lâ canib-i âlîlerinden husus-ı atiyyüz-zikre nehc-i şerî üzere vekaleti sabit olup vekili olan Hüseyin Bey ibn-i Zeynî mahzarında Mahmiyye-i Kostantiniyye humiyet anil-afât vel-beliyye de Gümrükhane Mahallesi sakinelerinden olan Nesli Hatun ibnetü Behram meclis-i şer-i şerif-i nebevi ve mahfel-i din-i münif-i Mustafavî’de ikrar-ı sahih-i şerî ve itiraf-ı sarih-i merî kılıp mahmiyye-i mezburede Mirahur Hamamı kurbünde vaki bir tarafı Alem Hatun ibnetü Abdullah ve bir tarafı Kuyumcu Muslî ve bir tarafı Ahmed nam tabbah mülkleri ve bir tarafı Hasan nam kimesne vakfı ve bir tarafı tarik-i amm ile mahdud olan menzil mumaileyh esbeğallahü teala niamehü aliyye hazretlerinin validem Fahrunnisa ibnetü Behramdan şira-i şerî ile iştira eylemek ile müşk-i mahz ve hakk-ı sırfıdır. Bi-vechin minel-vücuh menzil-i merkumda asla alakam ve medhalim yokturhilaf-ı zalike benden asaleten veya vekilimden vekaleten dava ve takibe sadıre olursa ledel-hükkamül-kiram mesmua ve makbule olmaya dedşkte mukırre-i merkumenin ber-vech-i meşruh sudur eden ikrarını vekil-i mersum Hüseyin Bey dahi bil-müvacehe vel-müşafehe tahkik ve tasdik ettikte ma-vekaa gabbut-taleb ketb ve imla olundu. Tahriren fi Evail şehr-i Şabanül-muazzam min şuhur-ı sene erbea ve elf Şuhudülhal TS.MA.e 1257/78, Evail Ş 1004 30-El-emru kema zekera fihi ketebehü el-abdul-fakir İbrahim bin Ali El-mevâli bi-Üsküdar hilafe?- afa anhüma Mühr
Sebeb-i tahrir-i huruf budur ki Atabe-i aliyye ağası olan (elkab) hazret-i Gazanfer Ağa ibn-i Abdulmüstean dame izzühü tarafından atiyüz-zikre vekil-i şerîsi olan fahrus-sadat Es-seyyid Hasan Çelebi ibn-i Es-seyyid Osman mahzarında mahfel-i şer’-i şerifde Mübeşşire Hatun ibnetü Veli takrir-i meram edip Mahruse-i Üsküdar’da mahalle-i --?-vaki menzilimin damlalığı?- ki tarafeyni benim mülküme ve bir tarafı mumaileyh ağa mülküne ve bir tarfı Cebecibaşı mülküne muttasıl olan tulen on dokuz buçuk zira’ ve arzan bir buçuk zira yeri ve tulen beş zira’ ve arzan dört zira’ hâlî yerimi merhum Seyyid Hasan Çelebi’ye iki bin yüz rayicül-vakt fizza akçeye bey’-i bat-ı sahih-i şer’î ile bey’ eyleyip teslim-i mebi’ ve kabz-ı semen eyledim ol-dahi müşarünileyh ağanın malı ile iştira ve tesellüm eyledi deyu ikrar ve itiraf eyledikte mukırre-i mezbureyi ikrarı meşruhunda vekil-i mersum vicahen ve şifahen kabul ve tasdik eyleyip bit-taleb bu vesika-i enîka?- ala ma-hüvel-hakiki ketb ve imla olunup yed-i talibe def’ olundu ki vakt-i hacette ihticac ede. Tahriren fil-yevmis-salis min şehr-i Şabanül-muazzam li-sene sitte ve tisin ve tisamie Şuhudülhal TS.MA.e 1258/19, 3 Ş 996 31-Ma-fihi minel-ikrar vet-tasdik bil-bey’ veş-şirâ cera ala ---ettahkik abd-i efkaril-vera Abdulbaki ibnil-Mevali Dursun el-mübtela bi-kaza-i Üsküdar ve tevabiiha humiyet anil-ekdar Sebeb-i tahrir-i kitab budur ki Elkab Valide Sultan elkab Mehmed Han vekili olan Osman Ağa ibn-i Abdullah dame izzühü ve alâhü cenab-ı şerifleridir. Hilal-i üsturede merkum olan bey’ ve kabz-ı semen ikrarı Dergah-ı Ali Kapıcılarından Mehmed Bey ibn-i Abdullah ve İbrahim ibn-i Abdullah şehadetleriyle vekaleti sabit olan fahrül-Eşbah Bölükbaşı Yahya Bey ibn-i Abdullah meclis-i şer’-i şerif ve mahfel-i din-i münif de hala Darüssaade Ağası olan hafızu hazel-kitab cenab-ı sadr-ı âlî -----(elkab) Gazanfer Ağa ibn-i Abdulmüstean edamallahü mecduhü ve ikbalühü hazretlerinin cenab-ı izzet-meabları kıbelinden tasdik-i atiyyüz-zikre Mustafa Efendi ibn-i veli el-müderris ve Mustafa Bey ibn-i Abdullah şehadetleriyle vekaleti sabit olan mefharül-akran Kapıcılar Bölükbaşısı Receb Bey ibn-i Abdullah mahzarında bil-vekale ikrar ve takrir-i meram edip müvekkil mumaileyh Osman Ağa Hazretleri Sultan-ı Müşarunileyha ebbedallahü eyyame devletehü hazretlerinin silk-i mülkünde muntazım olup Mahruse-i Üsküdar’da Selman Ağa Mahallesinde vaki bir tarafı Mehmed bin Muslî mülküne ve bir tarafı Süleyman bin Mahmud mülküne ve bir tarafı Musli Bey veresesi mülküne ve bir tarafı tarik-i amme müntehi arsayı cümle hukukuyla on sekiz bin akçeye bey’-i bat-ı sahih-i şer’-î ile bey’ edip meblağ-ı mezburu teslim ve semen-i merkumu kendi yedinden bit-tamam alıp kabz eylediler. Arsa-i mezbur el-an müşarünileyh Gazanfer Ağa’nın mülk-i müşterasıdır keyfe-ma-yeşa mutasarrıf olsunlar dedikte vekil-i mezburu ikrar-ı meşruhunda mesfur Receb Bey vicahen kabul ve tasdik edip ma-hüvel-vaki bit-taleb ketb olunup yed-i talibe def’ olundukta vakt-i hacette ihticac ede. Tahriren fi evail şehr-i ahirrürrebiin min şuhur sene sitte ve elf Şuhudülhal 32-TS.MA.e 1258/30, Evail R 1006 ---Abdülbaki ibn-i el-Mevali Dursun el-kâdı bi-medrese-i Üsküdar--- Elkab Valide Sultan elkab Mehmed Han vekili olan Osman Ağa ibn-i Abdullah dame izzühü ve alâhü cenab-ı şerifleridir. Hilal-i üsturede merkum olan bey’ ve kabz-ı semen ikrarı Dergah-ı Ali Kapıcılarından Mehmed Bey ibn-i Abdullah ve İbrahim ibn-i Abdullah şehadetleriyle vekaleti sabit olan fahrül-Eşbah Bölükbaşı Yahya Bey ibn-i Abdullah meclis-i şer’-i şerif ve mahfel-i din-i münif de hala Darüssaade Ağası olan hafızu hazel-kitab cenab-ı sadr-ı âlî -----(elkab) Gazanfer Ağa ibn-i Abdulmüstean edamallahü mecduhü ve ikbalühü hazretlerinin cenab-ı izzet-meabları kıbelinden tasdik-i atiyyüz-zikre Mustafa Efendi ibn-i veli el-müderris ve Mustafa Bey ibn-i Abdullah şehadetleriyle vekaleti sabit olan mefharül-akran Kapıcılar Bölükbaşısı Receb Bey ibn-i Abdullah mahzarında bil-vekale ikrar ve takrir-i meram edip müvekkil mumaileyh Osman Ağa Hazretleri Sultan-ı Müşarunileyha ebbedallahü eyyame devletehü hazretlerinin silk-i mülkünde muntazım olup Mahruse-i Üsküdar’da Selman Ağa Mahallesinde vaki bir tarafı bir tarafı Ayasofya Hamamına ve bir tarafı Solak Sinan hatunu demekle maruf hatun mülküne ve iki tarafı tarik-i amme müntehi hubbaz fırınını ki bir su kuyusunu ve bir tekneyi ve at asbabını?- ve bir ahırı ve iki büyük odayı müştemildir fırın içinde hubbaze müteallik olan esbabıyla ve cümle hukuk ve merafıkı ve kaffe tevabi’ ve levahıkıyla mumaileyh Gazanfer Ağa hazretlerine yetmiş bin fizza akçeye bey’-i bât-… ile bey’ edip mebi’-i mezburu teslim ve semen-i merkumu kendi yedlerinden bittamam alıp kabz eylediler dedikte vekil-i mezburu ikrar-ı meşruhunda mesfur Receb Bey vicahen kabul ve tasdik etti….. Tahriren fi Evail-i Şehr-i Ahirir-rebiayn min şuhur-ı sene sitte ve elf Şuhudülhal TS.MA.e 487/10, Evahir R 1006 33-Mustafa bin Mehmed el-Mevali bi-Üsküdar el- Mahruse Mühür Aişe binti Hüseyin tarafından Seyyid Hasan bin Hızır ve El-hac Mehmed bin Mustafa şehadetleriyle vekaleti sabit olup, satışa kabz-ı semene ve aşağıda zikrolunanlara vekil olan Mehmed bin Bali mezbur vekaletiyle sattı Gazanfer Ağa tarafından satın almaya vekil olan Receb Bey ibn-i Abdulmennan Şu akdin yapılmasıyla müvekkilin malıyla satın aldı Üsküdar’da Selman Ağa Mahallesinde bulunan tahtani iki beyt, ve tut ağacı, ve kenifi havi hesabı Şatrancîye göre erbea-mie zira ve isnan ve erbeun zira olan, Müvekkilin mülküne muttasıl ve mezbur kadının mülküne ve Ayasofya Camiine mevkuf hamama ve tarik-i amme hududu olan menzilin tamamını cemii luhuku ve kaffe hukukuyla mikdarı ikiyüz kırk dinar zeheb kamil ayar bey’ ve iştira bat-ı sahih-i şeri ile Harrara yevmis-sabi vel-işrin min Şevvalil- Mükerrem li- sene sitte ve elf Şuhudülhal TS.MA.e 1258/33, 27 Şevval sene 1006 34-El-emru kema harrara fina harrara el-abdul-fakir Mustafa bin Mehmed El-mevâli bi-Üsküdar el-mahruse hilafe?- afa anhüma Mühr
Sebeb-i kitab-ı hüccet-i şeriyye--- Mahmud Çelebi ibn-i Murad atebe-i aliyyede müteferrika taifesinden asaleten kendi adına ve vekaleten kardeşleri olan, Murad oğulları Bayezid Efendi ve Mesud Çelebi ve Ahmed Çelebiler adına Gazanfer Ağa ibn-i Abdulmüstean tarafından satın almaya vekili olan Mehmed Bey bin Abdullah’a muhakkak sattı O da müşarünileyhe vekaleti itibariyle satın aldı Üsküdar’da Gülfem Mahallesinde vaki olup, müvekkilin dükkanıyla ve Ahmed bey bin Murad er-racil mülküyle ve Süleyman bin Mahmud mülküyle ve tarik-i amm ile mahdud, muttasıl iki dükkanın tamamını tevabii lavahıkı taraiki ve merafıkı ile Seba aşera elf dirhem fizza rayiç fil-vakt (17000 fümüş dirhem) Bey’-i bat-ı sahih ile Harrara fil-yevmis-sani vel-işrun min şehr-i Muharremül-haram min şuhur-ı sene seba ve elf Şuhudülhal 35-TS.MA.e 1258/34, 22 M 1007
Hala Kapıağası olan (elkab) Gazanfer Ağa ibn-i Abdurrahman hazretleri canibinden husus-ı atiyyül-beyana vekil olup nehc-i şeri üzere vekaleti sabit olan fahrul-cuyuş Yusuf Çavuş ibn-i Abdulmennan mahfel-i şer’-i şerifde bil-fiil Anadolu Kadıaskeri muhzırbaşısı olan aynül-a’yan ve fahrul-akran Mehmed Bey ibn-i Abdulmennan nam bevvab-ı sultani mahzarında ikrar-ı sahih-i şer’i ve itiraf-ı sarih-i mer’i edip müvekkil müşarünileyh Gzanfer Ağa hazretleri Mahruse-i İstanbul’da Kırkçeşme kurbünde Hüsam Bey Mahallesinde vaki hududunun iki tarafı Hüsam Bey vakfına ve bir tarafı Dorak Çavuş ile Sinan Bey vakfına ve bir tarafı tarik-i amm müntehi olup dahiliyye ve hariciyye iki muhavviteyi müştemil olup dahiliyyesi iki fevkani ve iki tahtani ev ve bir matbahı ve su kuyusunu ve kenifi müştemil, hariciyyesi dört bab odaları ve iki ahırı ve su kuyusunu ve kenifi ve sekiz bab dekakini müştemil mülk menzilini ve menzil-i mezbura muttasıl olup indel-ciran malumul-hudud olan dört bab odaları cemii tevabii ve levahıkı ile mezbur Mehmed Bey’in mahruse-i mezburede Debbağlar mahallesinde vaki Haraccı Kara Mehmed vakf yeri üzerine bina olunup vakf-ı mezbura sal-be-sal sekiz yüz akçe mukataası olup hududunun bir tarafı merkum Kara Mehmed vakfına ve bir tarafı --- Musli odalarına ve iki tarafı tarik-i amme müntehi fevkani ve tahtani otuz bab huceratı ve bir bab dükkanı ve iki tatlı su ayazmasını müştemil olup silk-i mülküne münselik olan ebniyyesine ebdal edip ol-dahi istibdal ve kabul etti. Badel-yevm zikr olunan Hüsam Bey Mahallesinde vaki menzil-i mezbur ve odalar, mezbur Mehmed Bey’in mülk-i mahz ve hakk-ı sırfıdır keyfe-ma-yeşa mutasarrıf olsun dedikte vekil-i mersum Yusuf Çavuş’un minval-i meşruh üzere cari olan ikrarını mukırrun leh merkum Mehmed Bey dahi vicahen ve şifahen ağa hazretlerinin mülk-i mahzı ve hakk-ı sırfıdır. Zikrolunan ebniyenin yahdid ve tavsifden müstağni olan arsasının hakk-ı tasarrufundan mütevellisi izniyle müşaruileyh ağa hazretlerine fariğ oldum dedikte ma-hüvel-vaki ala vukuıhi gabbüt-tasdik vet-tahkik ketb olundu. Tahriren fil-yevmis-sadis aşer amin şehr-i Rebiülevvel li-sene seman ve elf Şuhudülhal TS.MA.e 1263/13, 16 Ra 1008 36-Ma fihi kema fihi nemekahü el-abdül-fakirullah-i subhanehü Abdurrahman bin Mehmed el-mevali bimahkeme-i Mahmud Paşa Hilafe afa anhüma Mühür Sebeb-i tahrir-i kitab-ı şer’î budur ki Bilfiil Saray-ı Amire’de Kilerciler Kethüdası olan fahrul-emacid vel-ekarim müstecmiul-mehamid vel-mekarim Oruc Ağa ibn-i Abduddaim ve mezbur Oruc Ağa’nın zevcesi fahrul-muhadderat Hatice Hatun ibnetü Mehmed tarafından husus-ı atiyyül-beyanı ikrara vekil-i şer’i olup vekaleti Ahmed Ağa ibn-i Abdulmennan ve Receb Ağa ibn-i Abduddeyyan nam kimesneler şehadetleriyle şeran sabit olan fahrul-emsal Ahmed Ağa ibn-i Abdurrezzak meclis-i şer-i şerif şâmihul-eyvan ve mahfel-i din-i münif-i rasihul-erkan ala şâri’iha efdalü salevatül- melikül- müsteanda hala Darüssaade’de Kapı Ağası olan (elkab) Gazanfer Ağaibn-i Abdulmennan hazretlerinin cenabül-ensabları tarafından ikraratil-beyanı tasdike vekil-i şer’î olup vekaleti nehc-i şer’i üzere şeran sabit olan fahrul-emasil vel-akran Mustafa Çavuş ibn-i Abdulmennan muvacehesinde takrir-i kelam ve tabir-i meram edip Darus-saltanatis-seniyye-i Kostantiniyye el mahmiyye la zalet meşhûnetü bil-iştiarid-diniyye mahallatından merhum İshak Paşa Mahallesinde vaki hududunun bir canibi Rıdvan Ağa mülküne ve bir canibi mumaileyh ağa hazretlerinin mülküne ve bir canibi Piri Çelebi mülküne ve bir canibi tarik-i hâssa müntehi olup dahiliyye ve hariciyye iki muhavviteleri ve muhavvite dahiliyyesinde iki fevkani odaları ve bir tahta puşu?- ve bir odunluğu ve bir tahtani odayı ve bir fırını ve su kuyusunu ve bir zir-i zemini?- ve bir matbahı ve muhavvite hariciyyesinde bir selamlığı ve iki fevkani odaları ve bir sofayı ve hadikayı müştemil olup Rıdvan Ağa canibinden dört yüz kırk zira yeri üstünde olan binasıyla benim mülk-i sarihim olup Piri Çelebi canibinden iki yüz altmış beş zira’ olan yeri üstünde olan binasıyla müvekkil-i mezburenin mülk-i sarihi olan menzili cemii tevabii ve levahıkı ile mahmiyye-i mezbure mahallatından Akbıyık Mahallesinde vaki hududunun bir tarafı merhum Mehmed Paşa sarayına ve bir tarafı Ahmed Bey mülküne ve bir tarafı Rüstem Çavuş mülküne ve bir tarafı tarik-i amme müntehi olup, dahiliyye ve hariciyye iki muhavvitaları ve muhavvite dahiliyyesinde iki fevkani ve iki tahtani odaları ve bir ıstabl ve bir su kuyusunu ve hadikayı müştemil ve havi olup müşarünileyh ağa hazretlerinin mülk-i sarihi olan menzili ile istibdal eyleyip menzil-i mezburu mumaileyh ağa hazretlerine teslim eyledik mumaileyh ağa hazretleri dahi minval-i meşruh üzere istibdal edip menzil-i mezburunu bize teslim eylediler dediklerindemukırran-ı mezburanın ikrar-ı meşruhlarını vekil-i mezbur dahi vicahen tasdik ve şifahen tahkik ettikten sonra vaki’ hal gabbüt-taleb ves-sual ketb ve tahrir olundu. Tahriren fi Evail-i şehr-i Evvelürrebi’ayn li-sene seba ve elf Şuhudülhal TS.MA.e 1263/14,Evail Ra 1007 37-Sebeb-i tahrir-i kitab-ı sıhhat-nisab oldur ki Tevki-i refi’ ve imza-i veki’-yi şeref-efza-yı sadr-ı kitab olan hükm-i huzur-ı pür-hubûrlarunda Darüssaltanatüs-seniyye-i mahmiyye-i Kostantiniyye mahallatından Büyük Ayasofya Camii şerifi kurbünde vaki’ Sinan Ağa Mahallesinde merhum El-hac Mehmed bin Behram nam kimesnenin vaf ettiği menzilin vakfiyye-i mamulün-bihasında evvela kendi nefsine badehu zevcesi olan Mahidevran binti Abdullah nam hatuna ve mezbur Mahidevran’dan sonra icare-i mu’tade ile icareye verilip hasıl olan rubh ve gallesi üç kısım kılına ve iki kısmı vâkıf-ı mezbur el-Hac Mehmed’in ceddi El-Hac Derviş bin Ahmed’in mahalle-i mezbure-i sinan Ağa’da bina eylediği mescidde imam olan kimesneye verilip bir kısmı mescid-i mezburda müezzin olana verile deyu tasrih ve tayin eylediği hadika ki bir tarafından vâkıf-ı mezburun evladına vakfettiği menzil ile ve iki canibinden atiyyüz-zikr olanağa hazretlerinin mülk menzilleri ile ve taraf-ı aharından mîrî Sarrachane’ye muttasıl olmakla mahduddur. Hala hadika-i meekumenin icaresi şeyün kalil olmağın tahammül ettiği mikdar beynen-nas evkafda câriye ve mütearife olan mukataa tariki üzere icare-i muaccele ile icareye verilmesi vakf-ı ezâf-ı muzaafa enfa’ idiği ayn-ı a’yan-ı mühendisîn zeyn-i erkan-ı müessisin üstad-ı üstadetüz-zaman reis-i cihan--- devran Öklidisül-asr vel-avân mimar-ı sultani ve muallim-i hakani el-mahfuf bi-sunuf-ı avatıfıl- melikül-mennan Davud Ağa ibn-i Abdurrahman zide kadruhü zeyl-i kitabda esamisi merkum olan ehl-i vukuf ve bî-garaz Müslümanların ihbarı ile sabit ve mütehakkık olduktan sonrahala vâkıf-ı mezburun evladından olup vakf-ı mezburun tevliyetine meşrutiyyet üzere mutasarrıf olan Mustafa bin Mehmed nam kimesne meclis-i şer’-i şerif-i şâmihül-bünyan ve mahfel-i din-i münif-i rasihül-erkana hazır olup zikrolunan hadikanın arsası li benna ziraıyla otuz dokuz zira’ ve atiyyül-beyan olan ağa hazretlerinin mülkleri tarafından tulen kırk dört zira’ ve arzan otuz zira ve yine mezbur mîrî serrachane canibinden arzan otuz beş zira’ olup ceman Şatrancı hesabı üzere bin üç yüz kırk sekiz zira’dır mahdude merkumenin vech-i meşruh üzere olan mukataa takdir olunup icare-i muaccele ile verilmesiyçün hâkim mumaileyden izin taleb ederim dedikte hakim müşarünileyh la zalel-hakk---?- hadika-i merkumenin vech-i meşruh üzere icareye verilmesine izin vermeğin mimar mumaileyh ve sair ehli vukuf ve bî-garaz Müslümanlardır cem’-i kesir ve cemm-i gafir zikrolunan hadikaya her sene iki yüz elli akçe mukataa takdir olunmağı ensab ve ehra?- gördüklerinden --- mütevelli mahfel-i kazada hadika-i mesfureyi vech-i meşruh üzere vakfa her sene iki yüz elli akçe mukataa ve iki yüz bin fizza rayiç fil-vakt akçe icare-i muaccele ile (elkab)işbu kitab-ı anberin?-nikab bil-fiil Babüssaade Ağası Gazanfer Ağa ibn-i Abdulvehhab esbegallahü zılal-i hılalehü alel-enam ila- yevmil-hısab Allahümme yessir lehü minen-ni’me tamamüha (uzun dua) hazretlerine icareye verip icare-i muaccele olan meblağ-ı mezbur iki yüz bin akçeyi tevliyetim hasebiyle vakf için müşarünileyh ağa hazretlerinin yed-i şeriflerinden alıp kabz eyledim onlar dahi vech-i meşruh üzere icareyi kabul ettiler deyu bit-tav’ ver-rıza ikrar ve itiraf eyledikte merkum mütevellinin vech-i meşruh üzere olan ikrar ve itirafını ağa-yı müşarünileyhin cenab-ı saadet-nisablarından husus-ı mezburu tasdike vekil olup vekaleti umdetül-ekabir vel-a’yan Ömer Çavuş bin Ali ve Sinan Çavuş bin Abdulmennan şehadetleri ile sabit olan kıdvetül-emacid vel-ekarim camiul-mehamidil-mekarim atabe-i aliyyede Kapıcılar Kethüdası Ahmed Ağa ibn-i Mustafa dame izzühü bi-avnil-melikid-daim vicahen ve şifahen tasdik ve tahkik ettikten sonra işbu vesika ketb ve tahrir olunup yed-i telibe vaz’ ve def’ olundu ledel-hace müzekkir-i ma-cera ola. Tahriren fi evahir-i şehr-i Cumadelula li-sene elf Şuhudülhal 38-TS.MA.e 1276/69, Evahir Ca 1000 -Sebeb-i tahrir-i kitab-ı kalem ve mucib-i tasdir-i hitab-ı rakam oldur ki Mahmiyye-i İstanbul kurbünde asude olan Hazret-i Ebi Eyyub el-Ensarî aleyhir-rahmetil-bârînin evkaf-ı şeriflerinden nefs-i Eyyübde --- haneler kurbünde mah-be-mah elli akçe icare ile bir bab sabunhane mahzeni işbu sahibül-huruf iftiharul-havass vel-mukarribin hala Babüssaade Ağası olan Gazanfer Ağa hazretlerinin tasarrufunda olup lakin süknaya kabil olmayıp tamir olunduğu takdirce hala takdir olunan mukataadan ziyade mahsul olmayıp nakz-ı bey’ olunup yeri mukataaya verilmesi vakfa enfa’ olmağın işbu baisül-kitab müşarünileyh Gazanfer Ağa hazretleri talib ve rağıb olup vakf-ı şerife nakz için üç bin akçe ve icare için iki bin akçe ki ceman beş bin akçe olup kabz olunup ve yüz akçe ziyade mukataa ile kabul edip her sene yedi yüz akçe mukataa takdir olunup tarih-i kitabdan doksan yıl tamamına varınca deruhde olunup ve bu canibden kendi malı ile bina etmeği izin ve icazet taleb etmeğin izin verilip sal-be-sal tayin olunan yedi yüz akçe mukataa-i muayyenesi vakf-ı şerif zabitlerine eda olunduktan sonra haricden kimesne dahl ve taarruz olunmamak için yed-i saadetlerine bu huruf tesvid olunup verildi. Tahriren fi Evahir-i şehr-i Muharremül-haram min şuhur-u sene tis’a ve elf Mütevelli-yi evkaf-ı Hazret-i Ebi Eyyub TS.MA.e 1280/23 Evahir M 1009 39-El-emru kemâ zekera fihi harraral-fakîr es-seyyid Kasım ibn-i Esseyyid Sâlih El-mevâli bi-Budin el-mahrûse Mühür Sebeb-i tahrir-i şer’î ve mûcib-i tasdîr-i mer’î budur ki Fahrul-havass vel-mukarribin mutemedül-müluk ves-selatin Bab-ı Saadet’te Kapı Ağası Gazanfer Ağa hazretleri Mustafa Paşa merhumun evkafı üzerineemr-i pâdişâhî-bir-le nazır olup evkaf-ı mezbure yerli yerinde teftiş olunmak için emr-i şerif ibraz?- edip mazmun-ı adalet-meşhununda umur-ı mezbureye bu dâî-yi hakirleri müfettiş ve Bab-ı Hümayun bevvablarından fahrul-bevvabin Ferhad Kapıcı mübaşir tayin buyurulup ağa-yı müşarünileyhin canibinden dahi umur-ı mezkureye evkaf-ı mesfure muhasibi olan Katib Mehmed vekil-i şerî nasb olunmağın imtisâlen li-emril-âlî ve riâyeten li-şartil-vâkıf cami-i şerifde ber-muceb-i hükm-i hümâyun-ı pâdişâhî mezbur gulam-ı şâhî/ şahin ve vekil mumaileyh huzurunda umumen merzukıyye?- ve cem’-i kesir ve cemm-i gafir mahzarlarında sâbıkâ evkaf-ı mezbure mütevelli olan Mehmed Ağanın elinde olan mahza defterleri mucebince bi-hasebiş-şer’ teftiş ve tafahhus olunup dokuz yüz seksen altı senesi mahsulünün makbuzuna badel-masraf bir aded kuruşlu?- ve on dokuz nakdiyye kendi zimmetinde bâki kalıp yine sene-i mezbure mahsulatından müste’cirin zimmetlerinde elli bin yüz on yedi kuruşlu otuz üç nakdiyye bâkî kalıp yine sene-i dokuz yüz seksen sekiz senesi makbuzunda badel-masraf altı yüz seksen aded kuruş kendi zimmetinde baki kalıp yine sene-i mezbure mahsulatından müste’cirin zimmetlerinde altı bin dokuz yüz yirmi sekiz kuruşu kırk dört buçuk nakdiyye baki kalıp ki ceman on üç bin yedi yüz yirmi yedi kuruşu kırk altı buçuk nakdiyye olur ez-cümle müste’cirin zimmetleinde zuhur eden --- kendinin zimmetinde kalan bakâyânın cevabı lazım olmağın cavabına kâdşr olmayacak kendi zimmetinde vacib-i---- deyn olduğu ecilden bu vesika hala mütevelli olan Hacı Mehmed talep ile ketb olunup li-eclit-temessük yedine vaz’ olundu. Tahriren fi 7 Saferül-muzaffer sene ihda ve tisin ve tisamie Şuhudül-hal TS.MA.e, 7 S 991 40-Kastamonu kasabasında Yakub Ağa vakfı mütevellisi Behram Bin Abdullah, bey’-il vefa ile sattığını ikrar ve itiraf etti Vakf-ı mezbur nazırı BAbüssade Ağası olan Gazanfer Ağa’ya Ve o satın aldı şu akdin suduru itibariyle Kastamonu mahallelerinden Sancak Mahallesinde kain, vâkıf-ı mezburun medresesi ve imaretine bitişik, iki tarafından da tarik-i amm bulunan menzilin tamamını Veaynı mahallede vaki, bir tarafı Piyale bin Abdullah mülküne ve bir tarafı Koyunlu Medresesi diye bilinen medreseye ve iki tarafdan tarik-i amme müntehi olan büyük ahırı Ahali ve komşularca hududu bilinen Lar kazasına tabi Bük Ali Şehri karyesindeki tarlada kain menzilin tamamını İki tarafdan Emrullah bin El-Hac Kurd mülküne ve vakf-ı mezbura ve tarik-i amma muttasıl Larende Kazasına tabi Gaferyad karyesinde vaki mezili cümle hudud ve kaffe hukukuyla Semaniye erbeune elf(48000) dirhem ve sitte işrune(26) dirhemen fizziyyen rayiç fil-vakt Muayyen miktar Belgenin tarihinden itibaren 8 aylığına Semen-i kefl külli vahid Abdussamed bin Eyyüb ve Hoca Ali bin Halil ve Mahmud bin El-hac Nasuh ve Mehmed bin El-Hac Sinan Harrara fil-yevmil hamiş aşera şehr-i Şabanül-muazzam min şuhur sene tisin ve tisamie Şuhudülhal TS.MA.e 1076/26, 15 Ş 990 41-El-emru kema zebera fihi nemekahü efkarül-vera Ali bin Abdullah vel-meali bi-medrese-i Kostantiniyye el-Mahmiyye hilafe Mühür
Sebeb-i tahrir-i huruf budur ki Merhum ve mağfurun leh İlyas Ağa evkafına mütevelli olan Hasan bin Mustafa nam kimesne meclis-i şer’-i şerifde (elkab) bilfiil Kapı Ağası olan Gazanfer Ağa ibn-i Abdulhannan edamallahü teala izzetehü ila ahirid-devran canib-i âlîlerinden ikrar-ı atiyyül-beyanı tasdike vekil olup nehc-i şer’î ile vekaleti sabit olan fahrul-akran İbrahim Bey ibn-i Abdulmennan ikrar ve takrir-i meram kılıp ağa-yı müşarünileyh hazretlerinin evkafından olup Mahruse-i İstanbul’da İnebey Mahallesinde vaki yirmi dört bab hüceratın kârîzi benim mütevellisi olduğum merhum mezbur İlyas Ağa vakfının kârîzine câri olmak için bin beş yüz akçe icare-i muaccele alıp kabz eyleyip ve her sene mütevellisi olduğum vakf-ı mezbura otuz akçe mukataa vermek üzere zikrolunan yirmi dört bab huceratın kârîzi mütevellisi olduğum meehum mezbur vakfının karizine cari olmağa izin verdim min ba’d mademki her sene zikrolunan ikrarında mezbur İbrahim Bey dahi bil-müvacehe tasdik ve tahkik etmekte ma-hüvel-vaki gabbüt-taleb ketb olunup yed-i talibe def’ olundu. Tahriren fi evahir –i şehr-i Cumadelula li-sene sitte ve elf Şuhudülhal TS.MA.e 1076/37, Evahir Ca 1006 42-Harrarahü el-abdül-fakir ilallahi el-ganî İbrahim bin Ali el-kadı ---- Mühür İşbu hüccet-i sahih-i şeriyyenin ve vesika-i sarih-i meriyyenin tahrir ve inşasına bâdî ve tasdir ve imlasına dâî oldur ki Bilfiil südde-i seniyyede ve atebe-i aliyyede Şıkk-ı Evvel Defterdarı olup Darüssaltanatüs-seniyye-i Kostantiniyye el-Mahmiyye mahallatından Yenikapı dahilinde Tahtaminare mahallesinde müteveffa ebna-yı sipahiyandan Hüseyin Bey ibn-i Sinan Çavuş nam kimesnenin zahirde zevcesinden gayrı varis-i marufu olmamakla muhallefatının selase-i erbâına emaneten vaz’-ı yed ettiğine mukırr ve muterif olan (elkab) Şemseddin Efendi ibn-i Turgut dame uluvvühü ve nerhum mezbur Hüseyin Beyin zevce-i metrukesi ve min cihetis-sebeb vârisesi olan fahrul-mahadderat Hüma Hatun ibnetü Mehmed tarafından zikr-i âtî menazilden kendiye zevci müteveffa-i mezkur Hüseyin Bey’den irs-i şerî ile intikal eden rub’ hisse-i şâyiasını bey’a ve semenin kabza vekil olun vekaleti Dergah-ı Ali bevvablarından Hasan Bey ibn-i Ali ve Rıdvan Bey ibn-i Abdullah şehadetleriyle hasm-ı şer’-i câhid mahzarında sabit olan kıdvetül emacid vel-ekârim İlyas Kethüda ibn-i Behram nam kimesneler husus-ı atiyyüz-zikr için akdolunan meclisde bilfiil Babüssaade Ağası olan hafız-ı hazel-kitab (elkab) Gazanfer Ağa ibn-i Abdulmübin dame mecduhü kıbelinden iştira-yı atiyyül-beyana vekil olup vekaleti sabıka mandalar ağası olan kıdvetül-emacid vel-ekarim Mustafa Ağa ibn-i Abdulmün’im ve fahrul-ayan Mehmed Bey ibn-i Abdullah şehadetleriyle şeran sabit olan umdetil-eazım vel-a’yan Kethüda Mustafa Ağa bin Abdulmennan zide kadrühü muvacehesinde ikrar ve takrir-i kelam kılıp merhum mezbur Hüseyin Beyin muhallefatından mahalle-i merkumede vaki muhavvite hariciyesinin hududu bir tarafı Yahya Subaşı ibn-i Abdurrahman mülki ile ve bir tarafı zikr-i âtî muhavvite dahiliyyesi ile ve bir tarafı tarik-i hâss ile ve bir tarafı tarik-i âmm ile mahdud olup iki bab fevkani ve iki bab tahtani odaları ve iki sofayı ve ahırı ve bi’r-i mâyı ve kenifi ve eşcar-ı müsmire ve gayrı müsmireyi ve dolaplı bir büyül su kuyusunu müştemil bahçeyi ve muhavvite dâhiliyesine geçecek bir köprüyü hâvî ve muhavvite dâhiliyesinin hududu bir tarafı Papa Petro veled-i İstemati mülki ile ve İstanbul kalasının duvarı ile ve bir tarafı marüzzikr muhavvite hariciyyesi ile ve bir tarafı tarik-i amm ile ve bir tarafı tarik-i hâss ile mahdud olup üç bab fevkani ve üç bab tahtani odaları ve iki sofayı ve bir kileri ve bir matbahı ve bir hamamı ve eşcar-ı müsmire ve gayrı müsmireyi müştemil cüneyne?-yi ve otluk haneyi havi menzili cemii tevabii ve levahıkı ve amme-i menafi ve merafıkı ile ikiyüzbin nakid rayiç fil-vakt akçeye veyine menzil-i mezbur kurbünde vaki hududunun üç tarafı müşarünileyh Gazanfer Ağa mülkleri ile ve bir tarafı tarik-i âmm ile mahdud olup üç bab fevkani ve üç bab tahtani odaları ve iki matbah ve iki kileri ve iki fevkani ve iki tahtani kenefleri havi olan odaları altmış beş bin akçeye ve yine menzileyn-i mezbureyn kurbünde vaki hududunun bir tarafı Yayabaşı Ramazan Çelebi ibn-i Süleyman ve bir tarafı mumaileyh Gazanfer Ağa mülkleriyle ve tarik-i âmm ile mahdud olup iki bab fevkani hücreyi ve bir bab mahzeni havi olan bir --- değirmenini kırk beş bin beş yüz akçeye ve kezalik merhum mezbur Hüseyimn Beyin muhallefatundan salifüz-zikr Yeni Kapı haricinde vaki hududunun bir tarafı Yorganlı Efendi demekle maruf Seyyid Şeyh Muhyiddin vakfı ile ve bir tarafı derya ile ve bir tarafı Yanaki veled-i Hırsoki mülkü ile mahdud olup üç tabakasının tabaka-i ulyasında bir hücreyi ve bir tahtapuşu ve tabaka-i vüztasında bir hücreyi ve bir sofayı ve tabaka-i süflasında bir kayıkhaneyi ve bir mikdar arsayı ve kenifi havi olan menzili yüz elli dört bin akçeye menazil-i mezburenin her biri suk-ı Sultanîde kiraren ve miraren talibin ve ragıbine arz olunup ahirül-emr esman-ı mezburede karar edip aher kimesne bir akçe ve bir habbe ziyade ile kabul etmemeğin emaneten ve vekaleten bey’-i bât-ı sahih-i şer’î ile bey’ edip teslim-i mebâyi’-i mezbur ve semenleri olan ceman beş yüz on beş bin akçeyi dahi bit-tamam vel-kemal alıp kabz eyledik merkum kethüda Mustafa Ağa dahi menazil-i mezbureyi müvekkili olan müşarünileyh ağa hazretleri için iştirâ etti badel-yevm menazil-i merkume mumaileyh Gazanfer Ağa hazretlerinin malı ile iştira olunmuş mülkleridir dediklerinde mukırran-ı merkuman Şemseddin Efendi ile vekil-i mezbur İlyas Kethüda’nın ikrar-ı meşruhların vekil-i mersum Kethüda Mustafa Ağa vicahen tasdik ve şifahen tahkik ettikten sonra ma-veka’a bit-taleb ketb ve imla ve yed-i talibe def’ ve i’ta olundu ki ledel-hâce müzekkir-i mâ-cera ve mübeyyin-i mâ-meza ola. Tahriren fi Evahir-i Şehr-i Ahirür-rebiayn min şuhur-ı sene aşera ve elf min hicreti men lehül-izz veş-şeref Şuhudülhâl TS.MA.e 1081/41, Evahir R 1010 43-Vech-i tahrir-i huruf budur ki Üsküdar tevabiinden Karye-i Kadı kurbünde üç tarafı elkab Kapı Ağası Gazanfer Ağa hazretlerinin bağları ile ve bir canibi tarik-i amm ile mahdud olup tahminen yirmibeş dönüm mikdarı mülk bağı müşarünileyh saadetli ağa hazretlerine seksen bin akçeye bey’ edip meblağ-ı merkumu bi-kusur alıp kabz ettim minba’d mülk-i mahzları olmağın bu huruf li-eclit-temessük ketb olunup yed-i şerifelerine def olundu ki ledel-hacet müzekkiri ma-cera ola Tahriren --- min şehr-i Rebiülevvel sene sitte ve elf Elabdül-fakir el-müderris bi-medrese-i Darulhadis TS.MA.e 875/23, Evail Ra 1006 44------harrara efkarul-vera Cafer el-mevali bi-ordu-yı hümayun afa anhü Mühür
Sebeb-i tahrir---- (Elkab) Atebe-i Aliyye’de bilfiil ağa olan Gazanfer Ağa ibn-i Abdulmennan dame uluvvuhü cenab-ı saadet-nisablarından husus-ı atiyyüz-zikri ikrara vekil olup vekaleti nehc-i şerî üzere sabit olan Dergah-ı felek iştibah çavuşlarından Mustafa Çavuş mahzarında mahfel-i kazada Mahruse-i İstanbul mahallatından İshak Paşa Mahallesinde sakin Mustafa Çavuş ibn-i Abdulkerim bit-tav’ ver-rıza takrir-i kelam ve tabir-i meram edip mahalled-i mezburede vaki olup bir tarafdan ağa-yı mezkur sarayıyla ve bir tarafdan İbrahim Bey mülküyle ve bir tarafından Oruç Bey mülküyle ve bir tarafından tarik-i amm ile hariciyye ve dahiliyye büyüt-ı müteaddideyi müştemil olan mülkümü salifüzzükr atabe-i aliyye ağasına dört yüz elli bin nakd rayiç fil-vak fizza Osmanîye bey’-i bât-ı sahîh ile bey’ ettim ve meblağı merkumdan İstanbul’da yüz bin Belgrad’da altmış bin kabz ettim bâkî iki yüz doksan bin ağa-yı mezkur zimmetindedir mukırr-ı mezburun vech-i meşruh üzere olan ikrarını mukırrun leh el-mezbur Hüseyin Çavuş vicahen ve şifahen tasdik ve tahkik eyledikten sonra sıhhat-i bey’a hükm olunup ma-vaka’a hıfz-ı mekâl için ketb ve tahrir olunup yed-i talibe vaz ve def olundu ki ledel-hace müzekkir-i ma-cera ola. Harrara zalike fi Evahir-i Muharremül-haram min şuhur-ı sene hamse ve elf Şuhudül-hal a.s. Nalıncızade Mustafa Çavuştan alınan ev bahasının şehr-i Belgrad’da verilen altmış bin akçenin hüccetidir. TS.MA.e 787/8, Evahir M 1005 45-El-emru kema zebera fihi nemekahü efkarül-vera Ali bin Abdullah Vel-mevali bi-medrese-i Kostantiniyye el-mahmiyye hilafe afa anhü Mühür Sebeb-i tahrir-i … Hala Babüssaade Ağası olan (elkab) Gazanfer Ağa ibn-i Abdülmennan tarafından ikra-ı atiyyül-beyana vekil olup hasm-ı şerî câhid mahzarında bima hüve nehcis-sübut şeran vekaleti sabit olan (elkab)Sinan Çavuş ibn-i Abdurrahman mahfel-i şer’de hala Çavuşbaşı olan (elkab) Ömer Ağa ibn-i Ali muvacehesinde vekaleten ikrar ve itiraf edip Mahmiyye-i Kostantiniyye’de Çakırağa mahallesinde vaki iki bab tahtani evi ve üzerinde bir köşkkü ve bir çatma odayı ve selamlığı ve iki su kuyusunu ve kenifi ve eşcar-ı müsmireyi ve bir fırını ve ahırı müştemil olup bir tarafı Kapıcı Mustafa Çelebi mülkü ve bir tarafı Hüseyin Subaşı mülkü ve bir tarafı Alime Hatun mülkü ve bir tarafı tarik-i amm ile mahdud olan mülk menzilini müvekkilim müşarünileyh Gazanfer Ağa Hazretleri Ömer Ağa’ya ikiyüzkırk bin fizza Osmani ---akçe bey’-i bât-ı sahih-i şerî ile bey’ edip kabz-ı semen-i merkum ve teslim-i mebi’-i mesfur etti minbad mezbur Ömer Ağa menzil-i mezbura keyfe-ma-yeşa mutasarrıf olsun dedikte ----- Tahriren fi Evahir Şabanül-muazzam sene hamse ve elf Şuhudülhal TS.MA.e 487/9, Evahir Ş 1005 46- ---- Mustafa ibn-i Ali El-kadı bil-asakir el-mansur bi-vilayet-i Anadolu el-ma’mure afa anhüma Mühür
Sebeb-i tahrir-i kitab-i şerî budur ki (Elkab) Sultan Murad Han (dua) hazretleri itiraf buyurup silk-i mülk-i sahihlerinde muntazımm iken itiraf buyurup saray-ı gurra-yı sultanide Odabaşı ve bab-ı saadet-meab-ı hakanide Kapı Ağası iken katlolunan Gazanfer Ağa ibn-i Abdullah muhallefatından velâ cihetiyle kendilerine intikal eden emlakden Üsküdar kazasına tabi Kadıköyünde vaki tarafeyni merhum İbrahim Ağa’nın vakf bağlarına ve tarafeyni tarik-i amme müntehi bir kıta bağını ve kezalik mevzi-i mezburda tarafeyni merkum İbrahim Ağa’nın vakf bostanına ve tarafeyni tarik-i amme müntehi olan bir kıta bağını bi-cümletil-hukuk vel-levahık merhum Gazanfer Ağa’nın hemşirezadesi olup harem-i sultanîde sakin olan Mehmed Ağa ibn-i Abdullah nam hurrül-asla hibe ve temlik ve ba’det-tahliye teslim eyledim. Ol-dahi kabul ve kabz eyledi deyu buyurduklarında mezbur Mehmed Ağa tarafından tasdike bima-hüve tarikis-sübut şeran vekaleti sabit olan saray-ı sultani ağası (Elkab) Mehmed Ağa ibn-i Abdulmuin kelam-ı mucibil-meram-ı mezburu tasdik etmeğin ma-veka’a bit-taleb kayd olundu. Tahriren fi Evail-i şehr-i Şabanül-muazzam lisene ihda ve aşera ve elf Şuhudülhal (Elkab) vezir Mahmud Paşa, (Elkab) vezir Mustafa Paşa, (Elkab)vezir Hasan Paşa, (Elkab)Şemseddin Efendi ed-defteri, (Elkab) Murad Efendi ed-defterî, (Elkab) Mustafa Ağa ibn-i Abdurrahman eş-şehir bi-Kapı Ağası, (Elkab)Osman Ağa ibn-i Abdulmuin Hazinedarbaşı, (Elkab)Mehmed Ağa Kilercibaşı TS.MA.e 487/11, Evail Ş 1011 47-Sebeb-i tahrir-i kitab--- --Kostantiniyye’de vaki Ayasofya-i Kebir evkafından kenar-ı derya--- leb-i deryada her sene de seksen akçe mukataalı malumetül-hudud kayıkhaneye mutasarrıf olan Emir-i Ahur Ahmed Ağa fevt olup emval ve esbabı miri için zabt olunup bu mahall dahi Darüssaade Ağası olan Osman Ağa ibn-i Abdulmuin miriye zabt edip bilfiil Babüssaade Ağası olan işbu sahibül-kitab Gazanfer Ağa ibn-i Abdulmuin hazretleri kendisine evkaf olmak üzere talib olup canib-i miriden müşarünileyh Gazanfer Ağa Hazretlerine tefviz olunup cenab-ı şeriflerine hüccet-i şeriyye verilmeğin --- hüccet-i şeeriyye mahall-i mezbur müşarünileyh la zale müşaran ileyh Gazanfer Ağa hazretlerinin nam-ı şeriflerine defter-i evkafda kaydolunduktan sonra bu huruf tahrir olunup hâk-ipây-i saadetlerine vaz’ olundu. Madam ki tayin olunan seksen akçe mukataayı canib-i vakfa eda ede. Haricden hilaf-ı şer’-i şerif kimesne taarruz etmeye Tahriren fi 15 şehr-i Zilkade elharam sene hamse ve elf Mütevelli TS.MA.e 875/21, 15 Za 1005 48-vech-i tahrir-i huruf budur ki. Babüssaade Ağası olan Gazanfer Ağa hazretlerinin evkafından Balıkpazarında indel-ciran malumul-hudud olan yevmi on akçe icareli bir bab dükkana mutasarrıf olan Avraham veled-i Salomon nam Yahudi gelip vakfa altıyüz akçe icare-i muaccele verip vakf için kaydı olunmağın mezkura deruhde olunup kemakan tasarrufu için izn verildi mademki yevmi on akçe icare-i muayyenenin mah-be-mah vakf zabitlerine eda eyleye tasarrufuna kimesne mani ve dafi olmaya deyu işbu huruf ketb olunup yedine vaz’ ve def’ olundu ki vakt-i hacette ihticac edine Harrara fi 14 şehri Zilhicce sene hamse ve elf Mütevelli TS.MA.e 875/22, 14 Z 1005 49-Vech-i tahrir-i huruf budur ki merhum ve mağfurun leh Ebu Eyyub Ensari aleyhi rahmetil-bârî hazretlerinin evkaf-ı şeriflerinden mahmiyye-i eyübde vâki selhane dükkanlarından bir canibi deryaya ve bir canibi Yahya Efendi tasarrufunda ve bir canibi kasab Memi tasarrufunda olan selhane dükkanlarına ve bir canibi tarik-i amme müntehi olan yevmi iki akçe icareli bir bab selhane dükkanı işbu sahibül-kitab Babüssaade Ağası Gazanfer Ağa zide mecduhü hazretlerinin tasarrufunda olup lakin derya üzerinde olmakla ekser binası haraba müşrif olmağın hala tamire muhtaç olup vakıf canibinden tamire dahi mecal olmayıp ve olduğu takrirce hala takdir olunan mukataadan ziyade mahsul olmayıp nakz-ı bey’ olunup yeri mukataaya verilmesi her vechile vakf-ı şerife enfa’ olmağın müşarünileyh ağa hazretleri yedinden vakf-ı şerif nakzı için üç bin akçe ve icare-i muaccele için iki bin akçe ki ceman beş bin akçe olur vakf için kabz olunup ve icare-i muayyenesi senede yedi yüz yirmi akçe eder iken hala seksen akçe ziyade ile ki -- sekiz yüz akçe mukataa takdir olunup ve mukataası icare-i muayyenesinden ziyade olup vakf-ı şerife nef’i olmamağın tarih-i kitabdan doksan yıl tamamına varınca icare-i tavile ile akd-i evvelin ibtidası akd-i saninin intihası olmak üzere müşarünileyh hazretlerine deruhde olunup ve kendi malıyla bina eylemeğe izn verildi. Madamki sal-be-sal takdir olunan sekiz yüz akçe mukataa-i muayyenesin vakf-ı mezbur zabitlerine eda oluna tasarruflarına kimesne mani ve dafi olmaya deyu işbu huruf --- ketb ve tahrir olunup vaz’ ve def’ olundu ki vakt-i hacette ihticac edeler Tahriren fi evail-i Cemaziyelevvel sene seba ve elf Mütevelli-yi evkaf TS.MA.e 875/24, Evail Ca 1007 50-Vech-i tahrir-i huruf oldur ki Hala Edirne Kapısı kurbünde Çukurbostanı üzerinde olan kırk sekiz bab dükkan ile tahtani ve fevkani altmış dört bab oda ki ceman yüz on iki bab olur müceddeden kendi malım ile bina eylediğimden sonra velinimetim ve sebeb-i rifatim Kapı Ağası Gazanfer Ağa hazretlerine on bin sikke filoriye bey’ edip bit-tamam kamilül-ayar on bin filoriyi alıp kabz eylediğime kendi dest-i hattım ile temessük verilmek icab eylemeğin işbu vesika terkim olunup yed-i şeriflerine vaz’ olundu ki vakt-i hacette ihticac buyuralar. Tahriren fi evasıt Şabanül-muazzam sene aşera ve elf El-fakir Ali Ağa-yı Yeniçeriyan-ı Dergah-ı âlî TS.MA.e 875/25, Evasıt Ş 1010 51-Vech-i tahrir-i tezkere oldur ki Üsküdar’a tabi Kadıköy kurbünde vaki merhum İbrahim Ağa evkafından indel-ciran malumul-hudud olan vakf tarlalara bundan akdem merhum Gazanfer Ağa bağ gars edip ve mütevelli-i sabık zamanında mukataa takdir ettirip ve mütevelli-i atika dört bin akçe mukataa dahi teslim eyledikten sonra kendi medresesine vakf edip ve ziraat olunan tarlalar mukataa ile verilmek na-meşru olmağla zikrolunan bağların vaki olan mahsülünün öşrünü vermek lazım gelmeğin merhum-ı mezkurun evkafına bil-fiil mütevelli olan dergah-ı âlî müteferrikalarından Mustafa Ağa bin Abdulkerim yedinden hala canib-i vakfa yirmi altı bin akçe icare-i muaccele verip sene-be- sene vaki olan mahsulün a’şâr-ı şeriyyesin vakf-ı mezbur zabitlerine eda etmeği kabul eylediği ecilden vakf tarlalara dikilen bağların tasarrufuna izn ve icazet verilip işbu vesika temessük ketb olunup yed-i talibe vaz’ olundu ki vakt-i hacette ihticac edinip keyfe-ma-yeşa mutasarrıf olalar Tahriren fi gurre-i şehr-i Zilhicce sene erbaa aşera ve elf -- TS.MA.e 875/26 1 Z 1014 52-Vech-i tahrir-i huruf budur ki Karye-i Kadı civarında vaki merhum İbrahim Ağa zaviyesi evkafından iki kıta arazi-yi hâliye ber-vech-i tahmin elli dönüm mikdarı bir kıtasının hududu--- ve bir tarafı ---Hüseyin bin Bayezid bostanına ve bir tarafı tarik-i amme müntehidir ve bir kıtasının hududu iki tarafı tarik-i amme ve bir tarafı fahrul-müderrisin Mehmed Efendi bağına ve bir tarafı Bostancıbaşı Kara--- Ağa ve Komyütüz nam zimmi bağlarına muttasıldır zikr olunan arz-i hâliyeyi hasıl olup nice sene evkaf-ı mezbureye mahsulü âid olmayıp muattal kaldıkta bağ olması vakfa enfa’ olmakla bağ olması için emr-i padişahî vârid olmağın --- evkaf-ı mezbure için on iki bin akçe icare-i muaccele verip ve her sene ehl-i vukuf muhamminler tahminiyle ve evkaf-ı mezbure müfettişi marifetiyle küçük kıtasına altmış akçe ve büyük kıtasına üç yüz mukataa takdir olunup müşarünileyh hazretlerine deruhde olundu.keyfe yeşa ve yahtar mutasarrıf olmak için işbu tezkere verildi ki vakt-i hacette ibraz eyleyeler Tahriren fi evail-i şehr-i Ramazan sene seman ve tisin ve tisamie El-mütevelli— TS.MA.e 876/47 Evail N 998 53---Abdullah bin Mehmed ekl-mevali bi-Selanik— Mühür Sebeb-i tahrir-i sahife budur ki (Elkab) Ağa-yı Bab-ı Saadet Gazanfer Ağa edamallahü iclalühü hazretlerine avatıf-ı aliyye-i hüsrevaneden Selanik muzafatında vaki olan Kesendire adasını cemii hududuhü ve hukukuhü ve araziyye temlik olunup haliya cenab-ı âlîlerinden bu hususu görmek için irsal eyledikleri Dergah-ıÂlî Kapıcılarından Ahmed Bey dame izzzühü meclis-i şer’-i şerifde işbu hamilül-kitab Cebeci Mehmed Bey mahzarında takrir-i kelam edip zikrolan adanın mahsulatı sahib-i saadete temlik olunduğu zamandan Kasım gününe gelince ancak kovan hakkı kalıp ol-dahi badel-hesab on bir bin akçe olup mezbur Mehmed Bey yedinden on bir bin akçeyi alıp kabz eyledim ve zikr olan adanın mahsulatı konan köy?- mahsulünden maada ki sabıka beyler tasarrufunda iken kabz olunan mahsulattır. Dokuz yüz doksan beş senesinde vaki olan Kasım gününün ibtidasında sene-i atiyede vaki olan Kasım gününe gelince ber-vech-i taahhüd mezbur Mehmed Beye kırk bin akçeye verdim ve merkum Mehmed Bey dahi vech-i meşruh üzere kabul eyleyip kabulü isticab olunmasın taleb ederin dedikte merkum Mehmed Bey dahi mukırr-ı merkum Ahmed Ağa’yı cemii umur-ı mezkurede vicahen ve şifahen tasdik etmeğin ma-hüvel-vaki ketb ve imla olunup yed-i talibe vaz olundu ki ledel-hace müzekkir-i mâ-cerâ ola. Tahriren fi evail-i şehr-i Zilka’de mi şuhur-ı sene hamse ve tisin ve tisamie Şuhudülhal TS.MA.e 1041/43, Evail Za 995 --- Feyzullah bin Ahmed el-kadı bi-asâkir-i Rumeli el-ma’mure Sebeb-i tahrir-i huruf oldur ki Fahrül-emasil vel-akran Mehmed Çavuş meclis-i şer’-i şerifde(elkab) hala Kapı Ağası olan Gazanfer Ağa ibn-i Abdulmennan dame mecduhü hazretleri canibinden tasdik-i husus-ı atiyyüz-zikre nehc-i şerî üzere vekaleti sabit olan fahrul-akran Sinan Çavuş ibn-i Abdullah mahzarında bit-tav’ ver-rıza ikrar ve itiraf edip Mahruse-i Kostantiniyye ebvabından Cebe Ali kapısı haricinde derya kenarında vaki olup bir canibi Yani veled-i Petro nam zimmi mülkü ile ve bir canibi derya ile ve bir canibi Yeniçeri Katibi Mehmed Efendi mülkü ile ve bir canibi tarik-i amm ile mahdud olup ulven ve süflen dokuz bab odaları ve matbahı ve hamamı müştemil olup Başdefterdar Ali Efendi’den iştira eylediğim mülk menzilimin cemii tevabii ve levahıkı ile mumaileyh ağa hazretlerine dokuz yük nakd rayiç fil-vakt akçeye bey’-i bât-ı sahih-i şerî ile bey’ edip kabz-ı semen ve teslim-i mebi’ eyledim dedikte mukırr-ı mezburu ikrar-ı meşruhunda mezbur Sinan Çavuş vekaleten tasdik edicek ma-hüvel-vâki’ bit-taleb kaydolundu. Tahriren fi Evasıt-ı Cumadelûlâ min şuhur-ı sene hamse ve elf Şuhudülhal TS.MA.e 1078/1 Evasıt Ca 1005 TS.MA.e 1078/2 Evasıt Ca 1005 ---- bilfiil atabe-i aliyyede Kapı Ağası ve Odabaşı olan (elkab) Gazanfer Ağa ibn-i Abdulmennan kıbel-i âlîlerinden ibtiya’-ı menzil-i atiyyüz-zikri bey’a ve kabz-ı semene Muharrem Çavuş ibn-i Abdi ve Haydar Çavuş ibn-i Abdullah şehadetleri ile vekaleti sabit olan Kapı Kethüdası İsmail Çavuş ibn-i Mustafa bil-vekale ikrar ve itiraf kılıp müvekkilimin ebvab-ı hısn-ı Kostantiniyye’den Cebe Ali Kapısı haricinde leb-i deryada arazi Ayasofya Evkafından olmakla senevî otuz altı akçe mukataası olan Sivrikoz Mahallesinde vaki bir tarafı Mahmud Ağa mülküne ve bir tarafı Sivrikoz Mescidi’ne ve bir tarafı bahre ve bir tarafı tarik-i amme müntehi ve muttasıl büyüt-ı müteaddideyi ve ---- ve kayıkhaneyi muhtevi ve müştemil menzilinin mülk ebniyesi ve müsakkafatı marifet-i mütevelli-yi vakf-ı mezbur ile müşarünileyh Gazanfer Ağa hizmetlerine dört kerre yüz bin nakit fizza rayiç fil-vakt akçeye bey’-i bât-ı sahih ile bey’ edip kabz-ı semen-i mezkur ve teslim-i mebi’-i mezbur edip anlar dahi teslim-i semen-i mankud ve tesellüm-i mebi’-i mahud eyledi dedikte vekil-i bâyi’in bil-vekale ikrar-ı meşruhunu vekil-i --- mahfel-i kaza ve mahall-i irtizada vicahen ve şifahen tasdik ve müvekkil mumaileyh Gazanfer Ağa menzil-i mezburu müşarünileyh Hasan Paşa’dan biz-zikr dört kere yüz bin akçeye ibtiyâ’ ve def-i semen ve kabz-ı mebi’ eylediğini tahkik eylediğinde tarafeynden tesadik-i vekileyn ile tekabuzu bedeleyni mutazammın icab ve kabul alen-nehcil-meşru’ vel-makul mütehakkık ve mukarrer olıcak vech-i meşruh üzere olan bey’ ve şira mutabık-ı şeriat-ı garra olup şevayib-i halel ve fesaddan ârî ve sıhhat ve sedadı hâvî ---- bu vesika-i enika ala ma-hüvel-hakika ber--- temessük ketb ve tahrir ve --- ve tasdir olunup sureti yed-i talibe vaz ve def olundu ki ledel-ihtiyaç ihticac edine Tahriren fi Evail-i Zilhicce el-haram li-sene selase ve elf Şuhudülhal TS.MA.e 1078/4 Evail Z 1003
Yüklə 0,51 Mb. Dostları ilə paylaş:
|