| Maddə 1044. Vekselin surətləri
1044.1. Köçürmə vekselini saxlayan hər kəs onun surətini çıxara bilər.
1044.2. Surət orijinalı indossamentlər ilə və üzərində olan bütün digər qeydlərlə birlikdə dəqiq təkrar etməlidir. Surətdə onun hansı indossamentə qədər etibarlı olduğu göstərilməlidir.
1044.3. Surət orijinalla eyni qaydada və eyni nəticələr ilə indossament və aval edilə bilər.
1044.4. Surətdə sənədin əslinin kimdə olduğu göstərilməlidir.
1044.5. Əgər sənədin əslində onun surəti çıxarılanadək edilmiş sonuncu indossamentdən sonra belə bir qeyd-şərt varsa ki, yalnız surətdəki indossament etibarlıdır, sənədin əslində ondan sonra qoyulmuş indossament etibarsız olur.
Dostları ilə paylaş: | 
