Batbat 32 Ha Batà Pa Si Jesus Si Juan Ha Bautista Ha Batà Pa Si Jesus



Yüklə 14,39 Kb.
tarix09.01.2019
ölçüsü14,39 Kb.

Batbat 32

Ha Batà Pa Si Jesus

Si Juan Ha Bautista
Ha Batà Pa Si Jesus

[6]


Atiyù dà ayuwà sa hinisgutan duun hu Biblia mahitongod hu panahun ha tag-adagi on si Jesus, daw sa igbasahon taw imantu iyan dà sa igkabasa mahitongod tai ha panahuna.

Lucas 2:41-52

1*Iiksplikar hu palag-batbat hai ha mga birsikulu.



P Imbà nagdiyà say Jose ta Jerusalem? (Bs 41)

P Inu sa taghononaon hu mga Judio kada Tulumanon hu Paglabay?

P Inu sa Tulumanon hu Paglabay?

P Pila sa idad ki Jesus hu pagdiyà dan ta Jerusalem? (Bs 42)

P Inu sa ingkalibog kay Jose ha tag-ulì on sidan ta Nazaret? (Bs 45)

P Hindu naahà kay Jose si Jesus? (Bs 46)

P Imbà ayuwà nangabolong sa mga pangulu ha tagpaliman ki Jesus? (Bs 47)

P Imbà gaid adagi sa katun-anan ki Jesus ha batà pa ganì?
Si Juan Ha Bautista

P Na kin-u sa nagbautismu ki Jesus?

Mateo 3:1-6

P Hindu nagbatbat si Juan ha Bautista? (Bs 1)

P Inu sa tigbatbat ki Juan? (Bs 2)

P Inu sa tuyù hu kagbatbat ki Juan? (Bs 3)

P Imbà tigbatbatà ki Juan ha Bautista ha kinahanglan ha ig-ondaan hu mga utaw sa sayop ha mga honà-honà dan daw iglikù sidan hu kaghinam ku Manluluwas?

P Inu sa pinagsuy ki Juan? (Bs 4)

P Inu sa tagkan-on ki Juan? (Bs 4)

P Inu sa binuhat hu mga utaw ha tuminuu hu inbatbat ki Juan? (Bs 6)

P Kin-u sa nagtagnà ha amin tagbatbat duun hu awaaw mahitongod hu pagpakauma on ku Manluluwas? (Bs 3)


Mga Ig-insà

P Inu sa in-ila hu Magbabayà ki Juan ha trabahu?

P Inu sa mga kabolongan mahitongod ki Juan?

P Pila ha tuig ha hurà pakiglalang sa Magbabayà hu mga Israelita?

P Kin-u sa katapusan ha propeta ha impabatbat hu Magbabayà ha hurà pa si Juan ha Bautista?

2*Si Malaquias.


P Hindu nagbatbat si Juan?

P Inu sa binuhat hu mga utaw ha tuminuu hu inbatbat ki Juan?

P Naluwas ba hai ha mga utaw pinaagi tai ha kagpabautismu dan?

P Imbà sidan kaluwas?

P Pakaluwas ba sa bautismu?

P Kin-u dà sa pakaluwas?

Duma Ha Katun-anan Para Hu Mga Palag-batbat

Mateo 14:1-12

Marcos 1:1-12

Marcos 6:14-29

Lucas 3:1-22

Juan 1:6-8, 15-34
Si Juan Ha Bautista

3*Hurà pakiglalang sa Magbabayà hu mga Israelita tagù hu kwatru sintus ha tuig. Ba ha maponga on haan ha kwatru sintus ha tuig impauma Din dayun si Juan ha Bautista daw impagpabatbatà Din.

4*Andam on gayod sa mga Israelita hu pagpaliman ta nalugay on ha hurà dan gayod kapaliman sa paglalang hu Magbabayà kandan pinaagi hu mga Propeta.
Taan ha panahuna, ku ighipanaw sa mga harì daw duma ha mga utaw ha adagi sa katongod dan, amin dan tigpauna ha utaw para matun-an hu alan ha mga utaw ha pakauma on. Kasagaran mga sikat hai ha mga tigpauna daw tagpinagsuy sidan hu mga mahalon.

5*Ba si Juan ha iyan impauna hu Magbabayà ku Manluluwas, tagpinagsuy hu pinubri ta binuhat sa kandin ha mga pinagsuy puun dà hu bulbul hu kamilyu.

6*Panit sa bakus din ha timaan hu utaw ha mapangal, ta sa mga sapian, mga malangkaw sa kandan ha mga pinagsuy daw hadì sidan tagbakus. Ba sa mga trabahanti tagbakus sidan para hadì pakasagyad sa pinagsuy dan.

7*Sa tagkan-on ki Juan diyà dà igkatimù ta awaaw daw pinubri ayuwà ta mga talapan dà ha tag-asinon daw tigbulad para igsogang.

8*Pakapinahik pa gayod si Juan hu mga kayu para makatimù hu dogà ha tagkan-on din.

9*Kabolongan si Juan ha utaw daw kabolongan sa hitsura din daw sa pagkinabuhì din, daw iyan pinilì hu Magbabayà ha tagpakilala hu Manluluwas duun hu mga utaw.

10*Tinuyù hu Magbabayà pilia si Juan para mabolongan hu alan ha mga utaw daw mapandayà dan matiman-an sa tigpasabut din.
Madakol sa mga buluhaton hu mga Judio mahitongod hu paglimpyu.

11*Amin dan mga buluhaton mahitongod hu kapangonaw dan hu mga alima dan, mga kaldiru daw mga platu daw madakol pa.

12*Ku amin Hentil ha tagpaJudio iglimpyuhan pinaagi hu kagpasulip duun hu wahig daw human dan pa ig-isipon ha Judio ta malimpyu on kun. Daw hai ha kagpasulip duun hu wahig tagngaranan hu bautismu.

13*Iyan inbatbat ki Juan ha pakauma on sa Manluluwas daw kinahanglan ha ig-ondaan hu mga utaw sa mga sayop ha mga honà-honà dan daw iglikù sidan hu pagsunud hu Magbabayà.

14*Sa nagtuu hu inbatbat ki Juan, nagpahayag hu salà dan daw nagpabautismu.

15*Timaan sa pagpabautismu hu mga Judio ha nakasabut sidan ha konà iyan dà mahugaw sa mga Hentil ba apil daan sidan mga mahugaw daw tagkinahanglan daan sidan ha limpyuhan hu Manluluwas.

16*Pinaagi hu pagpabautismu dan impasabut dan ha madiyù labi sidan puun hu Magbabayà ba iglikù sidan hu kaghinam hu Manluluwas, daw iyan dà tagsaligan dan.
Sa bautismu ha intudlù ki Juan, konà bautismu hu mga naluwas ha angay hu imantu ha panahun.

17*Bautismu hai ha hurà pa ganì sa Manluluwas.

18*Bautismu hai ha tagpatimaan hu mga utaw ha naondaan dan on sa sayop ha honà-honà dan daw naglikù on sidan hu kaghinam hu Manluluwas.

19*Ha hurà pa bautismuhi sa mga utaw impahayag dan sa salà dan duun hu kadakolan daw human pa sidan nagpabautismu.

20*Impasabut dan ha ig-ondaan dan sa pagsupakà dan hu Magbabayà daw taghinam on sidan hu pag-uma hu Manluluwas para hu pagluwasa Din kandan.

21*Sa bautismu ki Juan timaan ha inondaan hu mga utaw sa sayop ha mga honà-honà dan.





Yüklə 14,39 Kb.

Dostları ilə paylaş:




Verilənlər bazası müəlliflik hüququ ilə müdafiə olunur ©muhaz.org 2020
rəhbərliyinə müraciət

    Ana səhifə