Novruz bayramının ssenarisi Himin ifa olunur
Yüklə 29,71 Kb.
|
|
Novruz bayramının ssenarisi 1.Himin ifa olunur. 1-ci aparıcı Q.Günay: Salam əziz uşaqlar. Hörmətli müəllimlər və valideyinlər 4a sinif şagirdlərinin Novruz şənliyinə xoş gəlmisiniz. 2-ci aparıcı X.Günay: Bu gün onlar sizi gözəl şeirlərlə, şən mahnılarla, məzəli səhnəciklərlə şənləndirəcək. 1-ci aparıcı Q.Günay: Novruz adlı əbədiyaşar kitabın müəllifi Azərbaycan xalqının yaratdığı “Qobustan rəsmləri”, “Kitabi Dədə Qorqud” adlı möhtəşəm söz abidələridir. 2-ci aparıcı X.Günay: Tarixi minilliklərə qədər gedib çıxan bu bayramın nə bir sözü nə bir adət-ənənəsi yazıya alınıb. Ağızdan-ağıza yaşayaraq bu bayramın öz nəğmələri, adət-ənənələri, mərasimləri, oyunları bu günümüzə qədər gəlib çatmışdır. Bu örnəklərdən əkin nəğmələri, sayaçı sözlər, sağın nəğmələri, xıdır nəğmələri və s. bu gün də sevilərək yaşamaqdadır. 1-ci aparıcı Q.Günay: Bahar bayramının əsas atributları çərşənbələrdir. Bu çərşənbələr 7 olmaqla ilk 3 çərşənbə yalançı sayılır. İndi isə gəlin çərşənbələrimizi dinləyək (hər bir çərşənbəni - su, od, yel, torpaq çərşənbəsini bir oxucu təmsil edir). I oxucu Bahar (Su çərşənbəsi): Üç oğru çərşənbədən sonra özünü yetirən su çərşənbəsi sanki yazın tumurcuğudur. Həm inama, həmdə təbii əsasa görə yazın ilk oyanışı sudan başlayır. Dağları, dərələri bürüyən qarın canına isinti gəlir. Bu çərşənbədə sübh tezdən suyun qırağına gəlib dua edən, qəlbində niyyət tutan, dərdini suya danışan insan yüngülləşir. Su elə müqəddəsdir ki, axır çərşənbə çaylar dayanıb axmır, ağaclar baş əyib alnını suya söykəyir. Bulaqların gözü açıq, Ormanların üzü açıq; Durnalardır uçub gələn Qaqqıldaşa-qaqqıldaşa! Çaylar axır dəryalara Şaqqıldaşa-şaqqıldaşa... (Əhməd Cavad) II oxucu Güldən (Od çərşənbəsi): Novruzun ikinci çərşənbəsi Od-atəş çərşənbəsi sayılır. Od yerə nəfəs verir,isidir,qışda donmuş torpaqların donunu açır. Od çərşənbəsindədə su çərşənbəsindəki kimi tonqal qalayar, məşəllər alışdırar, şamlar yandırarlar. Uşaqlar, böyüklər, qızlar, oğlanlar tonqal ətrafında halay vuraraq, rəqs edər, mahnı oxuyar, “ağırlığım uğurluğum odda yansın” deyərək tonqal ətrafından tullanarlar. Su kimi od da insanları təmizə çıxarıb, şaxtadan qorumuş, ölməyə qoymamışdır. Mən oddan yaranmışam, Oddur südüm, nəfəsim. Od rənginə boyanmışam, Oddur gücüm, oddur səsim!.. ...Babam oddur, anam oddur Odur ki, mən od kimiyəm!.. (Əhməd Cavad) III oxucu Pərvanə (Yel çərşənbəsi): su, od və torpağın bir-biri ilə dil tapması havanı yaratdı. Bu həyat amillərindəndir. İnsan bir neçə gün susuz yaşaya bilər, torpaqdan ayrılıb təyyarələrdə havaya qalxa bilər, lakin 1 neçə dəqiqə havasız yaşaya bilməz. İnanclara görə Yel baba ilə Əkinçi baba qardaş imişlər. Bahar gələndə onlar tarlanı birlikdə əkərmişlər. Bundan sonra tarladakı bütün işlərə Əkinçi baba cavabdeh imiş. O, məhsula su verər, ot-alaqdan təmizləyər, becərər, yetişəndə də biçib xırmana gətirərmiş. Arpa buğdanın dənini küləşdən ayırmaq isə Yel babanın işi imiş. Bir kərə yenə adamlar arpa buğdanı döyüb gözləyirlər ki, Yel baba gəlib onu sovursun. Amma Yel baba gəlib çıxmır ki, çıxmır. Səbri tükənmiş adamlar taxılı özləri sovurmağa başlayır və Yel baba, amana gəl, Dolanıb xırmana gəl, Bir bəhanə yoxdursa Xəlbirə, samana gəl A Yel baba, Yel baba Saman sənin, dən mənim Ləçəyi mindər-mindər Yonunu döndərmirsən Mehini bizə göndər A Yel baba, Yel baba deyə oxuyarmışlar. Elə bu vaxt gəlib xırmana yetişən Yel baba eşitdiyi sözlərdən inciyib geri dönür. Adamlar öz əməllərindən peşman olurlar. Hamı Yel babanı səsləyir və oxuyurlar: A Yel baba,Yel baba Qurban sənə gəl baba! Taxılımız yerdə qaldı A Yel baba,Yel baba... Bu nəğmə Yel babanın xoşuna gəlir. Geri qayıdıb xırmandakı buğdanı arpanı sovurub, samandan ayırır. IV oxucu Nərmin (Torpaq çərşənbəsi): Torpaq çərşənbəsində inanca görə su ilə odun torpağa qovuşması torpağın canını açır, torpağı yumşaldır. İnsanın, bütün canlı varlıqların həyatında su və odla yanaşı, torpağın da çox böyük əhəmiyyəti danılmazdır. Su ana, od atadırsa torpaq varlığın özüdür. Torpağa bax, torpağa, Sanki qalxır ayağa. Buxarlanır nəfəsi, Oyanıbdır həvəsi... 2-ci aparıcı X.Günay: Novruz çərşənbəsinə aid sınamaları dinləyək. 1. Axar çərşənbənin axşamə pis danışmaq, heysiz olmaq, naylaiq hərəkət etmək olmaz. Deyərlər ki, insan bu çərşənbə axşamı hər əməli, istəyi, fkri, davranışı təzələnir. 2. Axır çərşənbə gecəsində təbiətdə hər nə varsa hamısı təzələnər- deyərlər. 3. Axır çərşənbə günü şişi ocağa qoyub heyvanı dağlayıb qorxutsan südlü olar-deyərlər. 4. Deyərlər odun üstünə su tökməzlər. Od sönsə ocaq sönər - deyərlər. 5. Düyünü yerə, ayaq altına salmazlar, bərəkəti qaçar. 1-ci aparıcı Q.Günay: İndi isə Novruza aid haxıştalar deyək. Mən aşiqəm üzülər, haxışda Qara gözlər süzülər haxışda Novruzun süfrəsinə, haxışda Yeddi nemət düzülər haxışda ****
Dəymişi var, kalı var, haxışda Novruzda uşaqların haxışda Hamıdan çox payı var, haxışda ****
Sən gəl, çin olsun arzum haxışta, Sənin xoş gəlişinlə haxışta Bol olsun çörək, duzum haxışta ********
Lalə bəzər çəməni haxışta Küsənlər tez barışsın haxışta Novruz sevməz küsəni haxışta ****
Süfrəmizə tez düzək haxışta Səsləyin uşaqları haxışta Deyək, gülək, şənlənək haxışta ****
Yaz gəlib ay yaz gəlib haxışta
Ağ at gəlir enişdən, haxışta, Sinəbəndi gümüşdən,haxışta. Sizə də qismət olsun, haxışta, Xurcundakı yemişdən, haxışta. salam. “Mən baharın qızıyam” musiqi sədaları altında Bahar qız (Bahar) səhnəyə gəlir. Bahar qız: -Uşaqların dostuyam Hamıya mehribanam Dondurmaz şaxta məni Sanki bir ağ çiçəyəm Şənlikləri bəzərəm Həm gözəl həm göyçəyəm Uğur olsun gözəl bahar! Səni ellərə çox arzular Ayaq basdın ölkəmizə Şənlik, sağlıq gətir bizə Qoy sel kimi yağsın yağış İnəyini sağsın yağış Sellər axsın çaylar daşsın Sevincimiz başdan aşsın Çatır-çatır yansın ocaq Qoy şənlənsin oğul uşaq. Çöllər sünbül saçlı əkin Parıldasın qızıl təkin Dağlar bəzək vursun yenə Dağda bağda axşam səhər Ətir saçsın bənövşələr. Həvəs maraq gəlsin bizə Çalışaq öz dərsimizə 1-ci aparıcı Q.Günay: Uşaqlar nəsə məclisimiz elə bil ki, boşdur. Şənliyimizi daha şən, daha maraqlı və əyləncəli keçməsi üçün kimlər çatışmır? Yüklə 29,71 Kb. Dostları ilə paylaş:
|