Nregs social audit

Hmawngkawn Village
NREGS SOCIAL AUDIT
A Hmun : YMA In

A Hun : Dt. 10/08/2009 (Monday) 11:00 AM

Mipui Kal Zat : 34
Pu. C. Vanlalfima VLAA in thuhmaah Social Audit kan neih tur thai hawnna leh mipui kal khawm te hnenah lawmthu a sawi a, chumi hnuah Pu James Ronghaka Account Assistant (Leader) ni bawk chuan report hrang hrang a pek bakah JBY (Insurance) chungchang mipui te min hriattir hnuah kal khawm mipui te atangin one day chairman leh secretary tur ruatna hun hawn a ni a, ruatna awm chhun a nbih avangin heng mite hi lawm taka pawm a ni.
Chairman : Pu C. Lalchhingpuia

Secretary : Pu R. Kapzauva

An kutah hun pawh hlan nghal a ni. Pu C. Lalchhingpuia Chairman in thuhma tlem a sawi hnuah Pu C. Vanlalfima’n a sawm angin inhmelhriattir na a nei leh a, ti chuan zawhna leh chhanna hun hawn nghal a ni.
Pu Awithanga zawhna:

1. 
   In khatah Job Card nei in 2/3 vel an awm nia hriat a ni a, hei hi eng nge a chhan?
   
2. 
   In hlawhnaah hian Ai kal lak phal a ni em?
   

Chhanna 1: In sa mek indang mai tur ten Job Card an rawn dil a mahse, fur ruahtui a lo tlak tam tawh avang leh khawtlang in chhiat kan tawk in kan ran a thi nasa a, in an sa zo thei mai lo a. Tin, thenkhat chu indang mai si lova, Job Card kan lo pe hman tawh si a, chutiang chhungkua chu mi panga (5) an awm a. Chung Job Card panga (5) te chu Office lamah pek kir leh tawh a ni.

Chhangtu: Pu Zomuana, Chairman. Village Sub- Committee
Chhana 2: Inhlawhna-ah hian aikal lak phal a nil ova, aikal lak hi dan phal loh a ni.

Chhangtu: Pu James Ronghaka.
Pu Vankunga zawhna:
Nregs hnuaia kan inhlawh hian kawng kan lair eng mai a, hna dang heng- Serhuan, khur laih, thlawh fail eh sangha dil laih te hi a theih ve em?
Chhanna: Theih tehreng mai, kawng laih hi chu Central ngaihdanah a mark a sang lo, E.Lungdar Block lamah chuan kawnglaih ni kher lo, serthlum khur lai, thlawhfai leh tui dah khawl na siamte leh Sangha dil laih hna te thawh a ni.

Chhangtu : Pu James Ronghaka
Pu Vankunga Zawhna:
Tunah hian kan khuaah hian Ser huan nei kana wm nual a, tui lamah kan harsa sia, tui lake maw, tuikhur siam te hi a thawh theih nghal mai em?

Chhanna: Mimal chhawr tur chauh a tui dah khawlna siam chu a buathlak deuh ang a. A intawp remchang thei tur tan chuan tih theih a ni a, he thil hi Annual Action Plan (AAP)-ah thun phawt a ngai a ni.

Chhangtu: Pu James Ronghaka
Pu Pachhunga Zawhna:

Kum Kalta khan ni za(100) torah ni sawmruk panga (65) chauh kan inhlawh hman a eng nge a awmzia? Kumin hian ni za kan inhlawh tawh ang em?

Chhanna: Nikum khan ni 65 chauh kan inhlawh a, a chhan chu Central atangin sum kan hmu tam rih lova, mahse District dang, kan thawh rual pui te ai chuan kan thawk tam daih zawk a ni. Hei hi a chhan chu kan hotute fell eh chak vang a ni.

Kuminah chuan ni za tal chu kan thawh theih tawh a rinawm. Keini Serchhip District hi a thawk tha pawl tak leh hma la tha ber kan nia a, chuvangin kan rind an chuan ni za ai tam pawh kan thawk maithei a ni.

Chhangtu: Pu Vanlalfima
Thingpui leh chhang an rawn sem a, kan in zawhah Pu James Ronghaka’n Life Insurance JBY chungchang sawifiahna a nei leh a, hamthatna hrang hrang awm thei te a sawi a, Mi tin Job Card nei ten cheng 100 min pek sk thu leh NREGS kalpui chung chu kum tin Rs 100 kan thawh ve a ngaih thu a sawi tel bawk.
Khawtlang hruaitu ten kal khawm mipuite an ngen angin kan kawng laih mek chu kan laih zawh tawh avangin hnathawh leh turn gun takin kan sawi ho hnuah Thilmual peng to Tuilut chu lungrual taka pawm a ni. He kawng hi KM 1 vel a thui a ni a, kan thlawhhman kawng a nih avang leh nakin thleng a kan chhawr tur a nih avangin he kawngt laih hi kan thlang a ni.
Pu S. Vanlalauva Secrtary, Village Sub Committee in Material Component atanga tuikhur siam report a pe a, lungrual tak a pawm a ni.
Zawhna zawt duh an awm vak tawh loh avang leh khua te a lo tlai lam tawh deuh avangin Chairman chan hun a ti tawp. Minute chhiar chhuah a ni a, Pu Vankunga a tawngtai a. Dar 2:35 ah Social Audit meeting chu kan tin ta a ni.

(R. KAPZAUVA) (C.LALCHHINGPUIA)

Secretary Chairman