Qarabağ Azərbaycandır. Həqiqət məşəl tək yandı

-Qarabağ Azərbaycandır.

Həqiqət məşəl tək yandı,

Çoxları doğrunu dandı..

Dünya səssiz qaldı, amma,

Qarabağ Azərbaycandır.

Hər kəs vəhşiliyi gördü,

Gör neçə günahsız öldü..

Axı bu gil deyil, candır !

Qarabağ Azərbaycandır.

Tək oğlunu itirib deyə ata,

Əyib başını durub qıraqda,

Əymə başını, dik qaldır!

Qarabağ Azərbaycandır.

Şəhidlərin haqqı unudulmaz,

Anaların gözyaşı qurudulmaz,

Gözdən hər süzülən qandır !

Qarabağ Azərbaycandır.

Utanmadıq biz görkəmdən,

Nə yaxşı ki, elə türkəm mən!

Türk ərləri zəfər çaldı,

Qarabağ Azərbaycandır.

Ucalt iki bayrağı birdən,

Yenə də türkə-türk qaldı !

Çox Şükür bugünkü gündə,

Qarabağ Azərbaycandır.