Respublikası

Sankt-Peterburq şəhərində Nizami Gəncəvinin abidəsinin qoyulması haqqında

Preambula Dünya ədəbiyyatının görkəmli xadimi, dahi şair və mütəfəkkir Nizami Gəncəvinin xatirəsini əbədiləşdirmək məqsədilə Azərbaycan Respublikası Nazirlər Kabineti QƏRARA ALIR:

Bənd_1. Sankt-Peterburq şəhərində Nizami Gəncəvinin abidəsinin qoyulması haqqında Azərbaycan Respublikası Mədəniyyət Nazirliyinin Sankt-Peterburq şəhər Meriyası ilə razılaşdırılmış təklifi qəbul edilsin.

Bənd_2. Azərbaycan Respublikası Mədəniyyət Nazirliyi abidənin 1994-cü ildə hazırlanmasını və qoyulmasını təmin etsin.

Bənd_3. Azərbaycan Respublikası tərəfindən qoyulacaq abidə Sankt-Peterburq şəhərinə hədiyyə verilsin.

Bənd_4. Nəzərə alınsın ki, Sankt-Peterburq şəhər Meriyası 1994-cü il 13 aprel tarixli, 347-r saylı sərəncamı ilə:

a) 1994-cü ildə Sankt-Peterburq şəhərində Vasilyev qardaşları və Miçurinski küçələrinin kəsişdiyi yerdə yerləşən bağda onu abadlaşdırmaq şərtilə Nizami Gəncəvinin abidəsini ucaltmağa Azərbaycan Respublikası Mədəniyyət Nazirliyinə icazə vermişdir.

b) Müəyyən etmişdir ki, abidənin layihələşdirilməsi və qoyulması Azərbaycan Respublikası Mədəniyyət Nazirliyinin vəsaiti hesabına həyata keçirilməlidir.

v) Abidənin layihələşdirilməsini, ərazidə abadlıq işlərinin görülməsini Sankt-Peterburq Şəhərsalma və Memarlıq Komitəsi ilə müvafiq qaydada razılaşdırmaq şərtilə F.K.Romanovskinin rəhbərliyi altında yaradıcılıq emalatxanasına həvalə etmişdir.

Bənd_5. Azərbaycan Respublikasının Sankt-Peterburq şəhərindəki Təsərrüfat-Mədəniyyət Nümayəndəliyi (Balaqədəşov Ə.M.) Nizami Gəncəvinin abidəsinin qoyulması və bağın abadlaşdırılması işində Respublika Mədəniyyət Nazirliyinə, yaradıcı qrupa və Sankt-Peterburq şəhərinin podratçı tikinti təşkilatlarına, habelə bu işə Azərbaycan diasporunun cəlb olunmasına kömək etsin.

Bənd_6. Abidənin layihələşdirilməsi, qoyulması və ərazinin abadlaşdırılması xərcləri Azərbaycan Respublikası Mədəniyyət Nazirliyinə abidələrin ucaldılması üçün ayrılmış vəsait hesabına həyata keçirilsin.

İmza Baş nazir S.Hüseynov