| 1. Diqqətin psixodiaqnostikası
İnsanın diqqəti müxtəlif xassələrlə xarakterizə olunur. Daha geniş yayılmış və vacib olan xassələr aşağıdakılardır: həcm, məhsuldarlıq, konsentrasiya, paylanma, davamlılıq və keçirilmə.
Diqqətin həcmi adətən belə qiymətləndirilir: İnsana çox qısa vaxt (bir neçə on saniyəlik ərzində) bir neçə informasiya vahidlərinin məcmuyu, məsələn, sadə təsvirlər, hərflər, sözlər, rəqəmlər, səslər və s. təqdim olunur. Bundan dərhal sonra adamdan nəyi görə, eşidə və s. bildiyini qeyd etmək xahiş olunur. Onun bu an yadda saxladığı obyektlərin miqdarı diqqətin həcmi kimi nəzərdən keçirilir. Diqqətin məhsuldarlığı adətən insanın konkret zaman vahidi ərzində iş prosesində diqqətinin yüksək konsentrasiyası və davamlılığı kimi qiymətləndirilir.
Diqqətin konsentrasiyası və paylanması bir-biri ilə bağlı olan, lakin eyni zamanda bir-birinə zidd xarakterik xüsusiyyətlər kimi nəzərdən keçirilir. Psixodiaqnostika praktikasında onlar adətən eyni bir metodikanın köməyi ilə öyrənilir və qiymətləndirilir. Bu metodikaya aid edilən variantların birində adama məkan və ya müstəvidə daha çox yer tutan əhəmiyyətli dərəcədə məkanı əhatə edən, nisbətən kiçik obyektlər çoxluğu təqdim olunur. Sınanılan şəxs çox qısa vaxt ərzində məkanda və ya müstəvinin daha kiçik hissəsində olan mümkün qədər daha çox detalı görmək (diqqətin konsentrasiyası), başkqa halda əksinə, onların mümkün qədər daha çox hissələrini görmək (diqqətin paylanması)
tapşırığı alır.
Dostları ilə paylaş: |
