17. Təhlükəsizlik nişanları və plakatları

18. Sanitar-gigiyenik tələblər
İş yerlərinin sanitar-gigiyenik vəziyyətinə ümumi tələblər
İstehsalat ob­yekt­lərində işçilər üçün sanitar-məişət otaqları olmalıdır. Sanitar-məişət otaqları hər gün yığışdırılmalı və on­la­rın havası dəyişdirilməlidir. Paltar saxlanılan yer, duşxanalar və başqa sanitar-məişət otaqları və qurğular vaxtaşırı dezinfeksiya olunmalıdır. Istehsalat obyektlərində işçilər üçün istirahət otaq­ları nəzərdə tutulmalıdır. Otaqda içməli su çəlləyi, ilk tibbi yardım göstərmək üçün la­zımi dərmanlarla təchiz olunmuş qutu, müvafiq mebel ol­malıdır. Otaq təmiz saxlanılmalı və vaxtaşırı dezinfeksiya olun­ma­lıdır. Xüsusi geyimlərin və dəyişiklərin yuyulması, qu­ru­dul­ması, ütülənməsi, təmizlənməsi və təmiri üçün me­xa­nik­ləş­di­ril­miş cəmaşirxanalar olmalıdır. Işlərinin xüsusiyyətinə görə DNQT-də gecə-gündüz (vax­ta üsulu ilə) işləyən işçilərin dincəlməsi və qızınması üçün radio­telefonla, siqnal vasitələri, yataq ləvazimatı və içməli su ilə təchiz olunmuş xüsusi otaq olmalıdır.
İş yerlərində qida qəbulu, paltardəyişmə, yuyunma və məişət otaqların sanitar-gigiyenik vəziyyətinə ümumi tələblər iş yerlərində işçilərin otaqlarına ümumi tələblər
Qida bloku və mətbəx - Gecə-gündüz iş görülən DNQT-də lazımı miq­dar­da ərzaq, su ehtiyatı olmalıdır. DNQT-də azaldılmayan ehtiyatın həcmi normadan az olmamalıdır. Qida blokunda yerləşdirilmiş elektrik mexanizm­lə­ri və avadanlıqlarla təhlükəsiz işləmək üçün onların yaxınlığında tə­limatlar olmalıdır. Təlimatlar oxunmaq üçün rahat olan yer­dən asılmalıdır. Mətbəxdə elektrik cihazlarının, elektrik mexa­nizm­lərinin dəyişilməsi, təmiri və düzgün istismarına nəzarət DDÖ-nün (ÜQQ) elektrotexniki heyətinin üzərinə düşür. Qida blokuna xidmət edən heyətə avadanlıqları, elektrik mexanizmlərini və elektrik cihazlarını təmir etmək qadağandır. Qida məhsulları və içməli su (qəza ehtiyatları) xüsusi ayrılmış yerlərdə saxlanılmalı və bu işə məsuliyyət daşıyan şəxs tərəfindən təzələnməlidir. Anbarlardan ərzaqlar qulplu ağzı bağlı rahat qab­larda daşınmalıdır. Avtomatik bağlanan qapalı soyuducu kame­ra­lar­dan ərzaqların daşınmasını iki nəfər yerinə yetirməlidir. On­lar­dan biri kameraya daxil olmalı, digəri isə kameranın bayırında (ya­nında) dayanmalıdır. Qida blokunun heyəti saz alətlə təmin olun­ma­lı­dır. Alətlər saz olmadıqda (bıçaq, balta, konserva açanlar və s.) on­ları ya təmir etməli, ya da təzəsi ilə əvəz etmək lazımdır.