27.03.2012
Petrozavodsk
ONDA UŞAQ İDİM
Onda uşaq idim, həmin o illər,
Gəldi göz önümdən bir pəri keçdi.
Boylandı üzümə, elə baxdı ki,
Gözündən gözümə bir alov köçdü!
Onda uşaq idim, həmin o illər,
Məni eşq oduna yaxdı o gözəl.
Canıma od salan gülüşləriylə,
Yıxdı can evimi, yıxdı o gözəl!
Onda uşaq idim, həmin o illər,
Mənim on üç-on dörd yaşım olardı.
Məhəbbətin əzabına dözməyə,
Onda uşaq idim, nə yaşım vardı!
Onda mən nə qədər uşaq olsam da,
Anlayırdım sevgi nədi, eşq nədi.
Eşidirdim, deyirdilər arxamca,
Əşrəf Məcnun olub, bir divanədi!!
Dostları ilə paylaş: |
