Han Mehmed Geray bin Selâmet Geray Han (Документы Крымского Ханства.., 2017, s. 132).
IV Mühəmməd Gəray Xanın Mixail Fyodroviçə göndərdiyi ikinci yarlıq (1643-cü il)
IV Mühəmməd Gəray Xandan dövrümüzədək yetişmiş 29 yarlıqdan dördüncüsü də rus çarı Mixail Fyodroviçə ünvanlanmışdır. Həmin yarlıq 1643-cü ildə qələmə alınıb və Hüseyn Fеуzxanovun arxivində “№ 69” şifrəsi altında qorunmaqdadır.
Yarlığın qısa məzmunu belədir:
Çarın məhəbbətnaməsini gətirmiş elçi Boris Priklonskiy və katib Gerasim Lavrovun xan tərəfindən qəbul edilməsi. Xanlığa gələn xəzinə və hədiyyələr. Xanın 20 kazakdaş qulluqçu üçün hər il hədiyyələrin göndərilməsi barədə çardan xahişi. Xanın Moskva elçiləri ilə anlayışla davranacağı barədə söz verməsi.
Boyarın göndərdiyi qoşunların Buzuk çayını keçməsi, almaşuvda (təhvil-təslim yerində) səhv, Canteymur bəyin həmin yeri keçiddən tərk etməsi.
Tatar elçilərini məlumatlandıran Qara donlu cəsus keşişin məqsədyönlü şəkildə dezinformasiya ötürməsi. Xanın çardan Qara Donu nəzarətə götürməsi barədə xahişi. Moskva arabaçı və quşçularının Kırımda sərbəst buraxılması və Laçın bəyin onlarla birlikdə göndərilməsi.
