Beynəlxalq və regionlararası əməkdaşlıq üzrə ən yaradıcı təhsil layihəsi

“Beynəlxalq və regionlararası əməkdaşlıq üzrə ən yaradıcı təhsil layihəsi” nominasiyasına hazırlanmış məzmun

• 
  Təhsildə inteqrasiya və Situativ teslərlə iş
  

“Azərbaycan Respublikasında Ümumi Təhsilin Konsepsiyasında (Milli Kurikulum)” inteqrativlik əsas prinsiplərdən biridir. Milli kurikulum təhsildə fəndaxili və fənlərarası inteqrasiyaya xüsusi önəm verir. Müxtəlif sahələr üzrə biliklərin inteqrasiyası şagird təfəkküründə ətraf aləm haqqında tam, sistemli dünyagörüşün formalaşması imkanı verir. İnteqrasiya latın dilində “integer” – “bütöv”, “bütövləşmə” deməkdir, əslində sözün etimologiyası inteqrasiyanın siyasi proses kimi məzmun və missiyasını daha aydın ifadə edir. “İnteger” sözündən yaranan “integratio” sözü də latın dilində “bərpa”, “tamamlanan” mənasını verir”.

İnteqrativ kurikulum şagirdyönümlü olub, təlim strategiyalarının qurulması işində böyük rol oynayır Fənlərarası və Fəndaxili münasibətlərin sadəcə əlaqə deyil, inteqrasiya xarakteri daşıması bu münasibətlərin daha sıx və möhkəm olmasına, onun bütöv bir prosesə çevrilməsinə şərait yaradır. Müəllimlər pedaqoji prosesdə ondan daha səmərəli qaydada istifadə etmək imkanı qazanırlar. Bundan əlavə, fənlərarası və fəndaxili inteqrasiya interaktiv öyrənməyə geniş yol açır. Şagirdlərin təbiət, cəmiyyət və insanlar haqqında qarşılıqlı əlaqələr şəraitində qurulmuş biliklərə yiyələnməsini stimullaşdırır.

Fənlərarası inteqrasiya bir neçə fənnin əhatə etdiyi ortaq bilik və bacarıqların sintezi olmaqla, bir fənnə aid anlayışların və metodların digər bir fənnin tədrisində istifadəsini nəzərdə tutur. Belə inteqrasiya müxtəlif fənlər arasında məntiqi əlaqələrin qurulmasına xidmət edir. Bu proses eyni bir bacarığın ayrı-ayrı fənlər vasitəsilə daha da təkmilləşdirilməsini təmin etməklə təlim prosesinin səmərəliliyinin artırılmasına şərait yaradır.

PİSA qiymələndirilməsi:



* PISA (Beynəlxalq Şagird Qiymətləndirmə Proqramı - Programme for International Student Assessment) İqtisadi Əməkdaşlıq və İnkişaf Təşkilatı (İƏİT (OECD) tərəfindən koordinasiya edilən tədqiqat proqramıdır.

* PISA 2000-ci ildən başlayaraq 3 ildən bir olaraq keçirilir. Oxu savadlılığı (2009-cu ildən etibarən yazılı və elektron olmaqla 2 bölüm), riyazi savadlılıq, fənn məzmun istiqamətində biliklər, 2012-ci ildən başlayaraq isə problemi həll etmə sualları daxil olmaqla 6 səviyyəli qiymətləndirmə standartlarından ibarətdir.

Hər il bir istiqaməti prioritet olan bu qiymətləndirmə 15 yaşlı yeniyetmələrin məktəbdə qazandıqları bilik və bacarıqların həyatda necə tətbiq edəcəyini müəyyən edir. Bu yanaşma müasir iqtisadi cəmiyyətdə akademik bacarıqların yüksək peşəkar səviyyədə tətbiqini əks etdirir.

PİSA qiymətləndirilməsinin əsas məqsədi

Dünya təhsil sistemində təlim metodlarını standartlaşdırmaq və inkişafı artırmaqla yanaşı dünyada eyni yaşlı məktəb şagirdlərinin uğurunu test etmək, müqayisə etmək və inkişaf strategiyasını müəyyən etməkdir

Şagirdlərin məktəbdə öyrəndikləri bilik və bacarıqları gündəlik həyatda istifadə etmə bacarığını yoxlamaq

Şagirdlərin öyrənmə istəklərini, dərslərdə çıxışlarını və öyrənmə şəraitləri ilə bağlı seçimlərini daha açıq bir şəkildə ortaya qoymaq

Gənclərimizi daha yaxşı tanımaq