Ishni bajarish tartibi.
O'lchov qurilmasi 8.1-rasmda ko'rsatilgandek qilib yig’iladi. Uning muhim qismi kollodiy qopcha bo'lib, uni tayyorlash usuli ilovada keltirilgan. Kollodiy qopchani yopishga mo'ljallangan rezina probkadagi teshikka voronka joylashtiri-ladi va shu holatda probka qopcha og’ziga kiritilib, ustidan ip bilan bog’lanadi. So'ngra qopchaga voronka orqali jelatinning 5/1000 n xlorid kislotada tayyorlan-gan 1%li eritmasi qo'yiladi vaqopcha katta stakanning probkasidagi teshik orqali unga ko'yib qo'yilgan kaliy xloridning 5/10000 n eritmasiga tushiriladi. Voronka bandida turib qolgan havo pufakchalari haydab chiqarilib, ularning o'rni jelatin eritmasi bilan to'ldiriladi va Г-shakldagi agarli sifoncha orqali kollodiy qopcha ichidagi eritma kontakt stakanlardagi eritmalar-ning biriga ulanadi. П-shakldagi agarli sifon vositasida esa, killodiy qopcha tushirilgan stakandagi kaliy xlorid eritmasi kontakt eritmalarning ikkinchisi bilan ulanadi.
8.1-rasm.Kollodiy membranasida vujudga keladigan potentsiallar farqini o'lchashga mo'ljallangan moslamaning chizmasi:
1-kollodiy qopcha, 2-kichik probka, 3-voronka, 4-katta probka, 5-kaliy xlorid eritmasi quyilgan stakan, 6-Г-shaklli agarli sifoncha, 7- П -shaklli agarli sifoncha, 8-kontakt stakanlari, 9-xlorlangan kumush elektrodlar.
Elektroddarning qutb belgilari aniqlanib, ularga amal qilgan holda, barvaqt elektr tarmog’iga ulab qo'yilgan millivoltmetrga ulanadi va dastlabki o'lchov ishlari bajariladi. O'lchov har 10 minutda takrorlanib, 60 minut davom etiriladi va qayd etilgan potentsiallar kattaligi yozib boriladi. So'ngra sistemaning potentsiali unda osmotik muvozanat tiklanganidan keyin o'lchab olinadi. Buning uchun sistema bir sutka davomida o'z joyida qoldiriladida potentsiallar farqi yana uch marta 5-10 minut interval bilan o'lchab olinadi.
Tajriba ma'lumotlari quyidagi 8.1-jadvalga ko'chiriladi:
8.1-jadval
Dostları ilə paylaş: |
