Buxoro davlat universiteti biologiya kafedrasi gistologiya

Maksimovning ikkinchi suyuqligi. Buni tayyorlash uchun birinchi 
suyuqlikga 10 ml 2% li osmiy kislotasi qo'shiladi. Bunda ob’ektlarni 24-36 soat 
saq-lanadi. Bu suyuqlik qon preparatlarini tayyorlashda ishlatiladi. Bunda qon 
hujayralari yaxshi bo'yaladi va ulardagi maxsus donachalar yaxshi ko'rinadi. 
Navashin-Krilov suyuqligi. Buning tarkibida 10 ml 1% li xrom kislota 
eritma- si, 10 ml 10% li formalin va 90 ml distillangan suv bor. Bu eritmani 
ishlatish oldidan unga 1-2 ml sirka kislotasi solinadi. Bunda ob’ektlarni 4-6 soat 
saqlab, so'ngra ob’ektdan xrom kislotasini chiqarib yuborish uchun uzoq vaqt (24-
26 soat) oqar suvda yuviladi. Krilovning taklifi bo'yicha, ob’ektlar Navashin 
suyuqlig'idan olingandan keyin 5-10% li formalinga solinishi kerak, bunda 
ob’ektda qolgan xrom kislotasi tezda chiqib ketadi, natijada ob’ektlarni yuvish 
muddati ancha qisqaradi. Navashin va Krilov suyuqlig'i hujayra o'zaklarini va 

---

protoplazmaning tarkibiy qismlarini temir gematoksilin bilan bo'yashda yaxshi 
natija beradi. 
Shampi suyuqlig'i. Bu suyuqlik 7 ml 1% li xrom kislotasi, 7 ml 3% li kaliy 
bixromat, 4 ml 2% li osmiy kislotasidan iborat. Shampi suyuqlig'i hujayra ki-
ritmalarining nozik tuzilishini (xondriosom, Goldjining to'r apparati va boshqa 
kiritmalar) juda yaxshi konservlash xususiyatiga ega. Bu suyuqlik ob’ektning ichki 
qavatlariga sekin-asta shimiladi, shuning uchun ob’ekt mumkin qadar kichik va 
yupqa bo'lishi lozim. Kichik ob’ektlar o'rtacha 1-3 kun davomida konservlanishi 
kerak. Yuqorida ko'rsatilgan konservlovchi suyuqliklardan tashqari yana juda ko'p 
konservlovchi aralashmalar bor.
4-mashg'ulot. Mavzu: Ob’ektlarni yuvish va suvsizlantirish. 
Reja: 
1. Ob’ektlarni yuvish. 
2. Ob’ektlarni suvsizlantirish. 
Ob’ektlar yuqorida aytilgan konservlovchi suyuqliqlardan o'tishida su-
yuqliqlarning ranggi yoki uning tarkibidagi moddalar ob’ektlarga shimilishi 
natijasida turli cho'kma yoki kristallarga aylanishi mumkin. Bular ob’ektlar uchun 
begona moddalar bo'lib, ob’ektlaming navbatdagi ishlovdan o'tishiga xalaqit beradi 
va ob’ektlarning tabiiy gistologik ko'rinishini o'zgatiradi. Shuning uchun 
ob’ektlarni begona moddalardan tozalash uchun, ularni oqar suvda, ba'zan turli 
darajadagi spirtlarda yuviladi. 
Odatda konservlovchi suyuqlikdan olingan ob’ektlarni oqar suvda bir yoki 
ikki soat yuviladi, buning uchun ob’ektlarni 0,5-1 litrli bankaga yoki og'zi katta 
shisha idishga solinadi. So'ngra shisha idishning og'zini doka bilan yopiladi. 
Dokaning o'rtasini teshib, unga rezinka nay o'tkaziladi. Nayning ikkinchi uchini 
vodoprovodning jo'mragiga tiqib qo'yiladi va jo'mrakdan suvni sekin oqiziladi, bu 
suv nay orqali shisha idish ichiga tushib, undan tashqariga oqib chiqib turadi. 
Bunday oqar suvda ob’ektlar yaxshi yuviladi. Bu yerda rezinka nay o'rnida shisha 
nay ishlatish ham mumkin.

---