Chirchiq davlat pedagogika universiteti

5	6	7	8
9
1.	Bilim asoslari	Dars jarayonida
2.	Gimnastika	16	16	16	14	10	10	8	8	8
3.	Yengil atletika	14	16	16	18	14	14	14	16	14
4.	Harakatli va sport o‘yinlari elementlari	38	36	36	12	2	2	2	-	-
5.	Sport uyinlari(voleybol, basketbol, kul tupi)	-	-	-	12	20	20	20	20	20
6.	Futbol	-	-	-	12	12	12	12	12	12
7.	Kurash	-	-	-	-	10	10	12	12	14

Eslatma: Suzish va milliy raqslarga dasturda soat ajratilmagan. Agar maktabda sharoit bo‘lsa, suzish 1-sinfdan boshlab o‘tiladi. Ularga dastur bo‘limlarining asosiy bo‘limlaridagi soatlardan ajratiladi.

Jismoniy tarbiya dasturi O‘zbekiston Respublikasining “Ta’lim to‘g‘risida”gi qonuni va “Kadrlar tayyorlash milliy dasturi”ni hayotga joriy etish maqsadida ishlab chiqilgan “Umumiy o‘rta ta’lim maktablari uchun jismoniy tarbiyadan davlat ta’limi standarti” asosida tuzilgan. Maktabda haftasiga 2 soat, yilda 68 soat jismoniy tarbiya darsi o‘tkaziladi.Xalqimizning urf-odatlari va milliy an’analariga ko‘ra, yosh xususiyatlarini hisobga olgan holda, o‘quvchilarning jinsiga qarab sinfni ikki guruhga bo‘lish masalasi ham hal etildi. O‘zbekiston Respublikasi Vazirlar Maxkamasining 1996 yil 17 yanvardagi 27-sonli “O‘zbekistonda futbolni rivojlantirishning tashkiliy asoslari va tamoyillarini tubdan takomillashtirish chora-tadbirlari to‘g‘risida”gi, shuningdek, 1998 yil 27 maydagi 271-sonli “O‘zbekistonda jismoniy tarbiya va sportni yanada rivojlantirish chora-tadbirlari to‘g‘risida”gi qarorlari, 26.01.1996 yildagi O‘zbekiston Respublikasi Xalk ta’limi Vazirligi hay’atining “O‘zbekiston Respublikasi Xalq ta’limi tizimidagi o‘quvchilar va bolalar o‘rtasida futbolni yanada rivojlantirish to‘g‘risida”gi qarori asosida birinchi marta maktab Dasturiga futbol bo‘limi kiritildi. Futbol mashg‘ulotlariga 4-9-sinflargacha har o‘quv yilida 12 soatdan ajratildi.
Amaldagi dasturning “Sport o‘yinlari” bo‘limiga o‘zgartirish kiritish zarurligini hisobga olib, 3-4-sinfdan boshlab,basketbol, voleybol, qo‘l to‘piga vaqt ajratildi. Agar maktabda sport o‘yinlari darsini 3-sinfdan boshlab o‘tkazish imkoniyati mavjud bo‘lsa, unda bu soatni “Harakatli o‘yinlar” bo‘limidan ajratib olib berish ko‘zda tutiladi.
Gimnastika bo‘yicha jihoz, anjom-uskunalardan foydalanib dars o‘tkazish imkoniyati bo‘lmasa, gimnastikaning yordamchi turlaridan (qo‘shpoya, yakkacho‘p, hoda va h.k.) foydalanishga ruxsat etiladi. Qizlar uchun ritmik gimnastika, raqs mashqlari, atletik gimnastika, trenajor uskunalarida bajariladigan mashqlar, akrobatik mashqlarni o‘tkazish mumkin.
Qo‘shimcha tarzda har qaysi sinf uchun quyidagi majburiy mashqlar beriladi:
- chambarni belda aylantirish (30 sek dan 1 daqiqagacha), arg‘amchida sakrash (vaqt va miqdor hisobida), qo‘llarga tayanish holatida, ularni bukish-yozish.
Dasturni to‘liq bajarishga sharoiti bo‘lmagan maktablarda ma’muriyat bilan kelishilgan holda unga dasturda mavjud turlar bo‘yicha ayrim yoki qisman o‘zgartirishlar kiritish mumkin. Masalan, dasturdagi gimnastika bo‘limini o‘rgatishga imkoniyat bo‘lmagan (anjom-uskunalar, zal, to‘shaklar, mutaxassislar yo‘qligi va h.k.) maktablarda ushbu turlarni futbol, aylanma usul mashg‘ulotlari, to‘siqlardan o‘tish estafetalari, trenajyorlarda bajariladigan mashqlar, mokisimon va estafetali yugurishlarga almashtirish lozim.
O‘g‘il bolalar uchun 4-9-sinflarda futbol mashg‘ulotlarini o‘tish vaqtida qizlar uchun harakatli va sport o‘yinlari bo‘yicha mashg‘ulotlar tashkil etish, shuningdek, ritmik gimnastika, milliy raqs va badiiy gimnastika, akrobatika bilan shug‘ullantirish tavsiya qilinadi.
«Sport o‘yinlari» bo‘limini o‘tishda esa maktabning imkoniyatiga, ishlash sharoitiga, mutaxassislar soniga va o‘quvchilarning xohishiga ko‘ra, o‘qish jarayoniga o‘rgatish uchun taklif qilingan ikkinchi sport o‘yinini, ya’ni futbolni hisobga olmagan holda basketbol, voleybol yoki qo‘l to‘pini kiritishga ruxsat etiladi. 5-9-sinflarda o‘g‘il bolalar uchun milliy kurash bo‘yicha mashg‘ulot o‘tilayotganda, qizlarga gimnastika, milliy raqs, atletizm bilan va trenajorlarda shug‘ullanish taklif etiladi.
Yengil atletikaning asosiy tarkibiy qismiga yugurish, sakrash va uloqtirish kiradi. Odatda, bir darsda yengil atletikaning bir necha turlari o‘rganiladi. Yugurishni dastlab to‘g‘ri yo‘nalishda, so‘ngra tezlikka, guruh bo‘lib, yuqori va past startdan, shundan so‘ng past-baland joylarda yugurish kabilar orqali o‘rgatish kerak.
Dasturga «suzish» bo‘limi kiritilgan bo‘lib, bu bo‘limga alohida soat ajratilmagan, biroq maktabda suzishga sharoit bo‘lsa, unga birinchi sinfdan boshlab o‘rgatiladi. Soatlar esa dasturning asosiy turlari hisobidan (harakatli o‘yinlar, gimnastika, yengil atletika, sport o‘yinlari) olinadi.
O‘quv vaqtlari va dastur bo‘limlarini choraklarga taqsimlash yillik jadvali quyidagicha tuziladi. Buning uchun 8-sinfni misol tariqasida keltiramiz.
1-hujjat

№