2517. L-ONOR. EDWIN VASSALLO staqsa lill-Ministru tal-Ħarsien Soċjali: Jista' l-Ministru jgħid:- a) x'inhu jsir biex ikun hemm aktar ħarsien mill-periklu fuq il-postijiet tax-xogħol; b) x'kien ir-riżultat ta' l-inkjesta li saret wara l-aħħar każ traġiku fl-iSptar San Raffaele?
ONOR. EDWIN GRECH: Waqt li l-Kummissjoni dwar il-Promozzjoni tas-Saħħa u Sigurta` fuq ix-Xogħol għaddejja bil-ħidmiet tagħha biex jitkattar il-ħarsien fuq il-postijiet tax-xogħol,ħadt ħsieb inqabbad Kummissjoni biex tagħmel rakkomandazzjonijiet dwar id-Dipartiment tax-Xogħol li fil-preżent taqa` taħtu ir-responsabilta` dwar Saħħa u Sigurta` fuq ix-Xogħol.
Dwar il-korriment fuq xogħol li sar fl-Isptar San Raffaele, qegħda issir bħalissa inkjesta minn Maġistrat. Sadattant l-`Occupational Health and Safety Unit` tad-Dipartiment tax-Xogħol qegħda tagħmel l-istħarriġ tagħha dwar il-każ, independentement mill-Maġistrat.
