XIV FƏSİL. GÖN AYAQQABILARIN ERQONOMİK
VƏ FUNKSİONAL XASSƏLƏRİ
Hər bir ayaqqabı növünə qarşı ümumi tələblər verilir. Ayaqqa-bılara verilən ümumi tələblər birinci növbədə onun təyinatı, istehlak şə-raitinin müxtəlifliyi, geyilməsi, mövsümi və s. kimi amillərlə sıx surətdə bağlıdır. Ayaqqabının əsas vəzifəsi insan ayağını xarici təsirlərdən, yəni rütubətdən, aşağı və yuxarı temperaturdan, mexaniki zədələnmələrdən, elektrik təsirlərindən, ziyanverici həşəratların təsirindən qorumaqdan, ha-belə insan ayağının normal rahatlığını və hərəkət funksiyasını təmin et-məkdən ibarətdir. Bütün bunların hamısı birlikdə ayaqqabının funksional tələblərini təşkil edir ki, bu da öz növbəsində erqonomik, gigiyenik və estetik xassələrlə xarakterizə edilir.
Erqonomik tələblər dedikdə hər bir növ ayaqqabının konstruksiya-sının insan ayağının anatomik quruluşuna uyğunluğunu, onun insanın an-tropometrik və fizioloji bədən xüsusiyyətlərinə tam cavab verməsi və uyğunlaşması başa düşülür.
Dostları ilə paylaş: |
