Finans Leasing ifrs report

(s)Mənfəət vergisi

Mənfəət vergisi xərci aşağıdakı komponentlərdən ibarətdir:

Azərbaycan Manatı ilə	31 dekabr 2015	31 dekabr 2014
Cari vergi xərci	(16,545)	(3,895)
Təxirə salınmış vergi xərci	(75)	(29,296)
İl üzrə mənfəət vergisi xərci	(16,620)	(33,191)

Şirkətlər Qrupunun mənfəətinin böyük hissəsinə 20% (2014: 20%) dərəcəsində mənfəət vergisi hesablanmışdır. Gözlənilən və faktiki tətbiq edilən vergi xərclərinin tutuşdurulması aşağıda göstərilir:

Azərbaycan Manatı ilə	31 dekabr 2015	31 dekabr 2014
BMHS-ə əsasən vergidən əvvəlki mənfəət	76,165	59,456
Qanunvericiliklə müəyyən edilmiş vergi dərəcəsinə əsasən hesablanmış mənfəət vergisi xərci (2015: 20%; 2014: 20%)	(15,233)	(11,891)
Vergi məqsədləri üçün çıxılmayan xərclər və ya vergidən azad edilməyən gəlirlərin vergi təsiri:
- Gəlirdən çıxılmayan xərclər	(1,387)	(21,300)
- Vergi dərəcəsindəki dəyişikliyin təsiri
İl üzrə mənfəət vergisi xərci	(16,620)	(33,191)

31 dekabr 2015-ci il və 31 dekabr 2014-cü il tarixlərində mənfəət vergisinin faiz dərəcəsindəki dəyişikliklərin təsiri təxirə salınmış vergi qalıqları üzrə 20% dərəcəsində mənfəət vergisinin tətbiq edilməsi ilə əks olunur.

BMHS və Azərbaycanın vergi qanunvericiliyi arasındakı fərqlər nəticəsində maliyyə hesabatlarının hazırlanması və mənfəət vergisinin hesablanması məqsədilə aktiv və öhdəliklərin balans dəyəri arasında müvəqqəti fərqlər əmələ gəlir.

Azərbaycan Manatı ilə	31 dekabr 2014	Mənfəət və zərər haqqında hesabata gəlir/(xərc) kimi yazılmışdır	31 dekabr 2015
Vergi bazasını azaldan/(artıran) müvəqqəti fərqlərin vergi təsiri
Maliyyə lizinqi üzrə debitor borcları	8,331	1,028	9,359
Lizinq üçün saxlanılan bina və avadanlıqlar	12,404	(4,423)	7,981
Avadanlıq	(4,541)	1,455	(3,086)
Qeyri-maddi aktivlər	-	797	797
Digər debitor borclar	11,000	-	11,000
Digər aktivlər	(543)	543	-
Digər öhdəliklər	(806)	347	(459)
Təxirə salınmış xalis vergi aktivi	25,845	(253)	25,592

Azərbaycan Manatı ilə	31 dekabr 2013	Mənfəət və zərər haqqında hesabata gəlir/(xərc) kimi yazılmışdır	31 dekabr 2014
Vergi bazasını azaldan/(artıran) müvəqqəti fərqlərin vergi təsiri
Maliyyə lizinqi üzrə debitor borcları	22,330	(13,999)	8,331
Lizinq üçün saxlanılan bina və avadanlıqlar	16,005	(3,601)	12,404
Avadanlıq	598	(5,139)	(4,541)
Digər debitor borclar	14,000	(3,000)	11,000
Digər aktivlər	(2,163)	1,620	(543)
Digər öhdəliklər	4,194	(5,000)	(806)
Təxirə salınmış xalis vergi aktivi	54,964	(29,119)	25,845

31 dekabr 2014-cü və 31 dekabr 2015-c il 31 dekabr tarixinə Törəmə Şirkətin təxirə salınmış vergi öhdəliyi yaradan müvəqqəti fərqləri aşağıdakılardan ibarətdir:

Azərbaycan Manatı ilə	31 Dekabr 2015	31 Dekabr 2014
Vergiyə cəlb olunan müvəqqəti fərqlər:
Ümumi borc vəsaitləri	-	(1,305)
Cəmi vergi bazasını artıran müvəqqəti fərqlər	-	(1,305)
Ümumi Vergi bazasını azaldan müvəqqəti fərqlər	-	-
Qeyri-maddi aktivlər	47	17
Torpaq, tikili və avadanlıqlar	930	401
Cəmi vergi bazasını artıran müvəqqəti fərqlər	977	418
Xalis təxirə salınmışvergi bazasını artıran müvəqqəti fərqlər	977	(887)
Qanunla müəyyən edilmiş vergi dərəcəsi ilə xalis təxirə salınmış vergi aktivi/(öhdəliyi) (2015: 20% və 2014:20%)	195	(177)

(t)Səhm üzrə Mənfəət

Səhm üzrə əsas mənfəət pay səhmləri istisna olmaqla, Şirkətlər Qrupunun səhmdarlarına aid olan xalis mənfəəti və ya zərəri il ərzində dövriyyədə olan adi səhmlərin orta sayına bölməklə hesablanır.

Şirkətlər Qrupu mənfəətin azaldılması effektinə malik olan potensial adi səhmlərə malik deyil. Buna görə, səhm üzrə azaldılmış mənfəət səhm üzrə əsas mənfəətə bərabərdir.

Səhmlərin sayı istisna olmaqla, Azərbaycan Manatı ilə		31 dekabr 2015	31 dekabr 2014
İl üzrə adi səhmlərin sahiblərinə aid olan mənfəət		55,590	22,964
Dövriyyədə olan adi səhmlərin orta sayı		1,000	1,000
Adi səhm üzrə əsas mənfəət (bir səhm üzrə AZN ilə)		55.59	22.96

(u)Maliyyə Risklərinin İdarə Edilməsi

Şirkətlər Qrupu daxilində risklərin idarə edilməsi maliyyə (kredit, bazar, coğrafi, valyuta, likvidlik və faiz dərəcəsi riskləri), əməliyyat və hüquqi risklər ilə əlaqədar həyata keçirilir. Maliyyə risklərinin idarə edilməsi funksiyasının əsas məqsədi risk limitlərinin müəyyən edilməsi və bu limitlərə riayət edilməsidir. Əməliyyat və hüquqi risklərin idarə edilməsində məqsəd bu risklərin azaldılması üçün nəzərdə tutulan daxili qayda və prosedurlara müvafiq qaydada riayət edilməsini təmin etməkdən ibarətdir.

Kredit riski.Maliyyə aləti üzrə əməliyyat aparan bir tərəf öz öhdəliyini yerinə yetirməməsi nəticəsində digər tərəfə maliyyə zərəri vurduqda, Şirkətlər Qrupu kredit riskinə məruz qalır. Kredit riski Şirkətlər Qrupunun qarşı tərəflərlə həyata keçirdiyi kredit və digər əməliyyatlar nəticəsində ortaya çıxır ki, bu da maliyyə aktivlərinin yaranmasına gətirib çıxarır.

Şirkətlər Qrupunun İdarə Heyəti və Müşahidə Şurası tərəfindən təsdiqlənmiş Kredit Siyasətində maliyyə lizinqi haqqında qayda və prinsiplər, lizinq fəaliyyəti ilə bağlı prosedurların əsas göstəriciləri, Şirkətlər Qrupunun məruz qaldığı risklərin azaldılması, gəlirliliyin müəyyən edilməsi qaydaları və bütün işçilər üçün vəzifə təlimatları müəyyən edilir.Mümkün kredit risklərinin diversifikasiyasını və azaldılmasını təmin etmək üçün lizinq portfeli üzrə bəzi limitlər müəyyən edilmişdir.Bu limitlər aşağıda göstərilir:

1. 
   Lizinq portfeli üzrə limitlər;
   
2. 
   İqtisadi sektorlar üzrə limitlər;
   
3. 
   Regionlar üzrə limitlər;
   
4. 
   Konsentrasiya limitlərivə
   
5. 
   Təminatın növü üzrə limitlər.
   

Risklərin İdarə Edilməsi Departamenti hər il limitləri müəyyən edir və onları nəzərdən keçirir. Bazar şəraitində əhəmiyyətli dəyişikliklər baş verdiyi təqdirdə həmin limitlərə yenidən baxıla bilər. Limitlərin dəyişməsi ilə bağlı təklif təsdiqlənmək üçün əvvəlcə Kredit Komitəsinə, sonra isə İdarə Heyətinə təqdim edilir və Müşahidə Şurası tərəfindən təsdiqlənir.

Lizinq Əməliyyatları Departamenti müntəzəm olaraq bütün limitlərin təmin edilməsinə nəzarət edir və bəzi limitlər (bir borcalan və ya bir-biri ilə əlaqədar borcalanlar qrupuna verilmiş lizinqlərin maksimum məbləği və əlaqəli tərəflərə verilmiş lizinqlərin maksimum məbləği) hər hansı yeni lizinqin verilməsindən əvvəl yoxlanılır.

Şirkətlər Qrupunun kredit siyasəti kreditlərin verilməsi prosesinə cəlb olunan Şirkətlər Qrupunun hər bir əməkdaşının vəzifə və səlahiyyətlərini tənzimləyir, eləcə də kreditlərin verilməsi limitlərini, lizinqə nəzarət qaydalarını, Şirkətlər Qrupunun tətbiq etdiyi reytinq sisteminin prinsiplərini və kreditlərin verilməsi prosedurlarını müəyyən edir.

Kredit riskinin monitorinqi məqsədilə Risklərin İdarə Edilməsi departamenti Lizinq departamentinin əməkdaşları ilə birlikdə müntəzəm olaraq müştərinin biznes və maliyyə göstəricilərinin strukturlaşdırılmış təhlili əsasında hesabatlar hazırlayırlar. Ödəmə qabiliyyəti aşağı olan müştərilər ilə bağlı əhəmiyyətli risklər haqqında məlumatlar Şirkətlər Qrupunun Kreditlərin İdarə Edilməsi Departamentinə təqdim edilir və onlar tərəfindən təhlil edilir. Rəhbərlik kreditlər üzrə vaxtı keçmiş qalıqların monitorinqini və təkrar nəzarətini aparır.

Şirkətlər Qrupunun məruz qaldığı kredit riskinin maksimal səviyyəsi adətən balans hesabatında maliyyə aktivlərinin balans dəyərində əks olunur. Potensial kredit riskinin azaldılması üçün aktiv və öhdəliklərin əvəzləşdirilməsi imkanı böyük əhəmiyyət kəsb etmir.

Şirkətlər Qrupunun aktivlərin kateqoriyası üzrə məruz qaldığı kredit riskinin maksimal dərəcəsi aşağıdakı cədvəldə göstərilir: