28. SƏS-KÜY VƏ VİBRASİYA
Səs fiziki hadisə olub mexaniki rəqslərin elastik dalğalar şəklində bərk, maye və qaz mühitində yayılmasıdır. Səs-küy (gurultu) müxtəlif tezlikli və intensivlikli səslərin nizamsız qarışığından əmələ gəlir. İnsanın əmək və istirahətinə mane olan, akustik diskomfort yaradan istənilən arzu edilməyən səs səs-küy kimi qəbul olunur.
Yaranma mənbəyinə görə səs bir neçə qrupa bölünür: mexaniki, aerodinamik, hidromexaniki və elektromaqnit.
mexaniki səslər − ayrı-ayrı detalların və dəzgahların silkələnməsindən, zərbəsindən əmələ gəlir;
aerodinamik səslər − qazların sızması və axması zamanı əmələ gəlir;
hidrodinamik səslər – suyun və başqa mayelərin hərəkəti zamanı əmələ gəlir;
elektromaqnit səslər − dəyişkən elektromaqnit qüvvələrin elektromexaniki qurğulara təsirindən əmələ gəlir.
Müasir Dünyada şəhərlərin böyüməsi sənayenin, nəqliyyatın, televiziyanın və digər səs-küy mənbələrinin intensiv artması ilə müşayiət olunur. Bunlardan ən əsası şəhər nəqliyyatıdır. Nəqliyyat səs-küyünün mənfi təsiri insanı onun bütün həyatı boyu müşayiət edir.
Dostları ilə paylaş: |
