Təhlükəli və zərərli istehsalat amilləri təsirinə görə fiziki, kimyəvi, bioloji və psixo-fizioloji olurlar.
Fiziki amillər qrupuna maşın-mexanizmlərin hərəkət edən və mühafizə edilməyən hissələri; iş sahələrində havanın tozluluğu və qazlılığı; iş sahələrində havanın tempraturunun yuxarı və aşağı olması; səs-küyün, infrasəsin, ultrasəsin, vibrasiyanın, ionlaşdırıcı və elektromaqnit şüalarının, statiki elektrikləşmənin, ultrabənövşəyi və infraqırmızı şüaların səviyyəsinin çoxalması, elektrik və maqnit sahə gərginliyinin yüksəlməsi və müxtəlif işıq normalarının dəyişməsi və s. daxildir.
Kimyəvi amillər qrupu orqanizmə təsir xarakterinə görə ümumi toksiki, qıcıqlandırıcı və s. olur. Bunlar orqanizmə tənəffüs yolları, həzm sistemi və dəri örtüyü vasitəsilə daxil olur.
Bioloji amillər qrupuna patogen mikroorqonizmlər (bakteriyalar, viruslar, göbələklər) və onların həyat fəaliyyəti məhsulları, qarmonlar, genetik-modifikasiya olunmuş orqanizmlər aiddir. Bunların təsiri ilə xəstələnmə və zədələnmə yaranır.
