İŞ TƏŞKİlat halinda olmalidir

Parçalanmaq təhlükəlidir

Hər bir təşkilatda, institutda, o cümlədən, ailədə də əlbir olmaq lazımdır. Biz bir-birimizlə ünsiyyətdə olmalıyıq.² İxtilaf, parçalanma və ikitirəlik çox təhlükəlidir. Hansısa bir fikrə görə təşkilatdan uzaqlaşmaq təhlükəli haldır. O fikir həqiqətən, yanlış da ola bilər, amma o qədər əhəmiyyətli deyil ki, insan bunlara görə birliyi bir-birinə vursun. Dediyim milli vəhdət siz tələbələr üçün bu Bəsic dövründən başlanır, bu təşkilatda birləşdiyiniz zamandan. Kimlərinsə sizi parçalamasına imkan verməyin.³

Ehtiyatlı olun ki, tələbə təşkilatları fikir ayrılıqları nəticəsində öz daxillərində parçalanma və qarşıdurmaya getməsinlər. Bizim tövsiyə və dəvət etdiyimiz vəhdətin ən bariz nümunəsi budur. İnsanları bir-birindən uzaqlaşdıran və ya yaxınlaşdıran təməl məsələlərdir. Əgər bu təməllər üzərində razılığa gəlməsələr, onları qəbul etməsələr, bir-birindən ayrılmalarına, lakin qəbul etsələr, birləşmələrinə səbəb olacaq. İş prinsipləri isə belə deyil; hər kəsin bir cür zövqü, qaydası var. Biri mühəndislik üzrə tələbədir, digəri incəsənət üzrə, başqa biri tibb üzrə. Bunlar başqa-başqa sahələrdir, hər birində də müxtəlif təmayüllər var. Birinin nədənsə xoşu gəlir, digərinin isə xoşu gəlmir. Bu məsələləri öz aranızda ixtilaf amili etməyin. Məncə, bu, çox mühüm məsələdir.¹