22.01.2014, saat 23:45
Sizi həsrət salanı
( təcnis )
Yenə dağlar balaları yan-yana,
Sizi həsrət salanı görüm yana.
Yadıma düşdükcə könlümün başı
Od tutub özündən, az qalır yana.
03.07.2014, saat 21:05
Varsa Vətəndir
Dərəsinin, düzlərinin, dağların
Həsrətini çəkən varsa, Vətəndir.
Uğurunda sevgi dolu bağların,
Kökün əkən varsa, ulu Vətətəndir.
03.08.2014, saat 14:00
Vətən deyər
Kəkik olub, qayasında bitəsən,
Vətən deyər, bitdin mənə gəl, əhsən!
03.08.2014, saat 16:00
VƏTƏN, sənə
Belə yerdə bir söz demək istədim,
Vətən, sənə oğul olmaq istədim.
Dedi, sən get, xülya fikirlərdə ol.
Mən də sizə, ata olmaq istədim.
Bundan sonra yoxdur daha məqsədim.
10.08.2014, saat 21:30
Mən qovulmuşam
Məskənim qara yer, uçan bir quşam,
Atamın yurdundan mən qovulmuşam.
Vətən həsrətinə, Vətən dadına,
İçimdən od tutub həm qovrulmuşam.
Dostları ilə paylaş: |
