ONOR. LEO BRINCAT: Niġbed l-attenzjoni tal-Onor. Interpellant li r-Rural Policy and Design Guidance daħal fis-seħħ fit-22 t’Awwissu 2014. Għaldaqstant, l-Onor. Interpellant japprezza li għadu kmieni wisq biex jingħataw aktar dettalji.
TRANSPORT MALTA – POLICY DWAR SPEED CAMERAS W339. L-ONOR. ĊENSU GALEA staqsa lill-Ministru għat-Trasport u l-Infrastruttura: Billi diversi drabi ntqal li Transport Malta qed tfassal policy dwar speed camerasmadwar Malta, jista’ l-Ministru jagħti tagħrif dwar jekk din il-policy tfasslitx? Jekk iva, jista’ l-Ministru jippubblika din l-istess policy? Jekk mhux lesta, jista’ jagħti tagħrif fuq liema bażi ġew stallati l-cameras fil-bypass ta’ San Pawl il-Baħar?
