Möhtəşəm fərman

2. Mübarizə və cihad meydanının bayraqdarı

Tağut quruluşu ilə mübarizə

Xalqın küçə və meydanlara çıxmasının, rejimin dəmir pəncələri qarşısında müqavimətinin rəhbərliyini həqiqətən və sözün əsl mənasında Qum başladı. Həmin qumlu gənclər küçələrə çıxdılar, qanları töküldü. Əlbəttə, tağut quruluşunun polislərini də çox incitdilər. Qum gənclərinin qoçaqlığı və fərasəti polisləri çox çaşdırırdı. Sonra inqilab baş verdi. Qum hər yerdə ön sıralarda durdu. Bu Əli ibn Əbu Talib (ə) diviziyası müqəddəs müdafiənin ön xətlərində vuruşan uğurlu diviziyalardan idi. Qumlular bütün böyük imtahanların öhdəsindən yaxşı gəldilər. Ön sırada da gənclər dururdu. Mən istəyirəm ki, bu gün emosiyası, düşüncəsi, həvəsi və şüuru olan siz gənclər Qumun gənc nəslinin bir neçə onillikdən bu yana sahib olduğu bu fəxrli kimliyi göz önündə saxlayasınız.

Müqəddəs müdafiədə və sonrakı işlərdə fəallıq

Qumlular inqilabda fəallıq göstərdilər, müqəddəs müdafiədə fəallıq göstərdilər. Müharibə bitəndən sonra, xüsusən də Böyük İmamın vəfatından, onun sayəsinin bizim başımız üzərindən əskilməsindən sonra qumlu gənclərin fəallığı daha da artdı. Bu, mühüm məsələdir.

İnqilabın ilk onilliyinin sonlarında düşmənin siyasəti

Qumda inqilabın antitezisi layihəsi

Diqqət yetirin; inqilabın ilk onilliyinin sonlarından inqilabın düşmənləri və düşmən cəbhəsi iranlı ekspertlərdən istifadə edib bir siyasət planlaşdırdı. Çünki iranlı ekspertlərdən başqaları bu məsələyə diqqət yetirə bilməzdilər. Onların məşvərət tərəfləri iranlılar idilər. O siyasət bu idi ki, Qumda inqilabın antitezisini hazırlasınlar. İnqilabın Qumdan baş qaldırdığı kimi, əksinqilab cərəyanı da Qumda yaransın.

"İnqilabın antitezisi" layihəsini icra etmək üçün Qumun seçilməsinin səbəbi

Qum ruhaniliyin mərkəzidir. Elmi hövzə Qumdadır, amma hövzə mənsubları əslində bütün ölkənin sakinləridir. Qumda yaşayan bu hövzə tələbəsi öz şəhərində, kəndində nüfuzlu şəxsdir. Onlar bütün ölkədən buraya toplaşmışlar. Bu hövzənin adamlarının tətillərdə, yaxud hansısa bir münasibətlə evlərinə getmələri hövzənin bütün ölkəyə səpələnməsi deməkdir. Deməli, burada hansısa fikir, ideya, iradə, hərəkət və istiqamət olsa, əslində bütün ölkədə mövcud olacaq. Bunu əcnəbilər anlamırlar; amerikalılar bu həqiqəti təhlil edə bilməzlər. Bunu özümüzünkü, bir iranlı, ruhaniliyin xisləti ilə tanış olan bir şəxs anlaya bilərdi. Bunu onlara öyrətdilər. Bu məqsədlə Qumda çaxnaşma yaratmağa çalışdılar. Mən ad çəkmək istəmədiyimdən bunun üzərindən keçirəm.

Antitezis planı ilə mübarizədə xalqın və qumlu gənclərin agahlığı

1979-80-ci illərdə həm Qum əhalisi, həm Təbriz əhalisi qəhrəmanlıq göstərdilər; yalnız meydana çıxmaq və yumruq düyünləmək qəhrəmanlığı yox, hətta mənəvi qəhrəmanlıq, şüur və düzgün təhlil qəhrəmanlığı. İmamın vəfatından sonra da bu məsələ başqa bir formada Qumda baş verdi. Burada da müxaliflər və düşmənlər - əsasən sərhəd xaricində olan düşmənlər, çünki əsas onlardır - burada bu antitezisi yaratmağı planlaşdırmışdılar. Əgər qumlular qafil olsaydılar, əgər Qum gənclərinin təhlil qabiliyyəti olmasaydı, lazımi sayıqlığı göstərməsəydilər, problemlər daha çox olardı. Həqiqət budur. Bunlar Qum gəncləri barədə həqiqətlərdir.

Çoxlu mövzularda, o cümlədən bugünkü mövzuda mənim əsas müraciət tərəfim siz gənclərsiniz. Çünki iş sizinkidir, ölkə də sizə məxsusdur. Biz bir neçə günlük qonaqlarıq. Bizim növbəmiz, işimiz və dövrümüz bitmişdir. Bundan sonra sizin dövrünüzdür. Bu ölkəni idarə etməli, indiyədək əldə edilmiş nailiyyətlərdən istifadə edib müxtəlif səviyyələrdə bu milli iqtidarı, milli başucalığını təkmilləşdirməli olanlar sizsiniz. Bu, tarixdə sizə yönəlik bir vəzifədir. Buna görə də mənim müraciətim sizədir.

Düşmənin uzunmüddətli proqramları qarşısında diqqətəlayiq məqamlar

Düşmən qarşısında uzunmüddətli proqramın zəruriliyi

Əgər düşmən cəbhəsinin bizim ölkəmiz və inqilabımız üçün uzunmüddətli proqramının olduğunu qəbul ediriksə, deməli, bizim də uzunmüddətli proqramımız olmalıdır. İslam oyanışı sarıdan güclü təhdid olunan İslam və inqilab düşmənləri cəbhəsinin uzunmüddətli proqramının olmamasını qəbul etmək olmaz. Buna heç kəs inana bilməz. Buna inanmaq üçün çox sadəlövh və avam olmalıyıq. Mütləq uzunmüddətli proqramları var. Bəzən ölkədə baş verən və əcnəbi əlin göründüyü bu hadisələr birdəfəyə yaranmış şeylər deyil, bir anda ortaya çıxmır. Bunlar üçün də ortamüddətli və uzunmüddətli proqramları olmuşdur; proqram hazırlamışlar və o proqramın nəticəsi bu olub. Belə deyil ki, həmin gecə qərar versinlər və sabah o işi görsünlər. Xeyr, mən 2009-cu il təxribatlarında bəzi dostlara fakt və əlamətlərini göstərdim. Ən azı 10-15 il öncədən proqram vardı. İmamın vəfatından sonradan proqram hazırlamışdılar. O proqramların təsiri 1999-cu ildə göründü; universitet məhəlləsi məsələləri və çoxlarınızın xatırladığı, bəlkə də yaxşı yadda saxlamadığı hadisələrdə. Ötən il baş verən hadisələr həmin proqramlar üçün yenidən canlanma oldu. Əlbəttə, vaxtı və müxtəlif cəhətləri nəzərə almaqla bu işi görməyə çalışdılar, amma Allaha şükür olsun ki, məğlub oldular; belə də olmalı idi. Deməli, düşmən cəbhənin uzunmüddətli proqramı var.

Düşmənlər tərəfindən uzunmüddətli proqramların davam etməsinə diqqət yetirmək

Onlar bu gün məğlub olduqlarına görə məyus olub əl çəkmirlər. Xeyr, növbəti on il, iyirmi il, qırx il üçün planlar hazırlayırlar. Gərək hazır olasınız.

Düşüncə, siyasət və mədəniyyət mərkəzlərində uzunmüddətli layihə və proqramlar hazırlamağın lazım olması

Bizim uzunmüddətli proqramımız olmalıdır. Əlbəttə, uzunmüddətli proqramı hazırlamağın yeri bura deyil. Düşüncə mərkəzləri, siyasi və mədəni mərkəzlər bu işlərlə məşğul olurlar. Onlar bu işləri görməlidirlər və görürlər də.

Agahlıq və ona aid məsələlər

Agahlıq - uzunmüddətli proqramda əsas şərt

Mənim ümumi şəkildə deyək istədiyim budur ki, uzunmüddətli proqram üçün əsas şərt vardır. Mən bunu dəfələrlə demişəm. Burada da onun barəsində bir qədər söhbət etməyi lazım bilirəm. Bu, agahlıq məsələsidir.