Rəhimli, İlham Əziz oğlu Azərbaycan teatr tarixi : 5 cilddə / İ. Ə. Rəhimli.
I cild. - Bakı : Şərq-Qərb, 2017. - 496 s.
Sənətşünaslıq doktoru, professor İlham Rəhimlinin "Azərbaycan teatr tarixi" fundamental tədqiqat əsəri 5 cilddən ibarətdir. Alimin bu əsərlərində Azərbaycan milli teatr tarixi min-min illər əvvəllərdən mövcüd olan xalq oyun-tamaşalarından, meydan teatrından başlayaraq günümüzə qədər olan dövrü əhatə edilib. Azərbaycan teatrşünaslığında peşəkər səhnə sənətimizin bütün tarixi mərhələləri - təşəkkülü, inkişaf tarixi, əsas yaradıcılıq mərhələləri, bədii-estetik səciyyələri, poetikasının əsasları, janr üslub müxtəlifliyi ilk dəfə konseptual şəkildə, elmi-nəzəri prinsiplərlə, xronoloji ardıcıllıqla araşdırılıb. Birinci cilddə müxtəlif milli xalq oyun-tamaşalarının, meydan teatrının, şəbih teatrının, kilimarasının əsasları verilib. Bu cilddə müxtəlif məkanlarda teatr prosesinin dövlət təsisatına qədər olan dövrü tədqiq və təhlil olunub. Milli opera və operetta janırlarının yaranması və ilkin inkişaf dövrü də birinci cilddə verilib.
Dostları ilə paylaş: |
