I “Dərsdənkənar” və “məktəbdənkənar” anlayışlarının pedaqoji mahiyyəti.
Dərsdənkənar işlər – məcburi tədris proqramları xaricində məktəb tərəfindən dərsdən kənar vaxtlarda təşkil edilən təlim-tərbiyə məşğələləridir.
Məktəbdənkənar müəssisələr təhsil sisteminin tərkib hissəsi olub, uşaqların, yeniyetmələrin, gənclərin mənəvi və fiziki inkişafını, onların müxtəlif yaradıcılıq tələblərini ödəmək üçün təsis edilir.
Dərsdənkənar işlərin əhəmiyyəti.
şagirdlərin dərsdə qazandığı bilikləri əlavə məlumat hesabına daha da genişləndirir, dərinləşdirir və zənginləşdirir;
həmin biliklərin həyata, praktikaya tətbiq edilməsinə əlverişli şərait yaradır;
şagirdin öz arzusuna görə elm, texnika və incəsənətin müxtəlif sahələri ilə, bədən tərbiyəsi, idman və s. fəaliyyət növləri ilə müntəzəm və ətraflı surətdə tanış və məşğul olması imkanı verir;
şagirdlərin təşəbbüskarlığı və yaradıcılığı üçün, o cümlədən özfəaliyyətini, fərdi qabiliyyət və bacarığını inkişaf etdirmək üçün geniş imkanlar açır;
ictimai-faydalı işlərdə, məhsuldar əməkdə fəal iştirak üçün stimullaşdırıcı rol oynayır;
şagirdin mənfi təsirlərə məruz qalmasının və baxımsızlıq hallarının qarşısını alır;
hərtərəfli və ahəngdar inkişafa əhəmiyyətli dərəcədə kömək göstərir.
