Қорин чурралари

QORINNING OQ ChIZIG'I ChURRALARI 
Bu churralar asosan erkaklarda (60 %), 20-35 yoshlar oralig'ida uchraydi. Churraning tipik 
lokalizatsiyasi oq chiziqning yuqorigi qismi, ya‟ni epigastral sohada bo‟lib, epigastral churralar deb 
ham yuritiladi. Bu churralar hamma qorin churralarining 3,5 % ini tashkil qiladi. 
Epigastral churralar kam holatlarda 4-5 sm kattalikda uchraydi. Shuning uchun ayrim semiz 
odamlarda tashqi ko'rinishdan churra borligini aniqlab bo‟lmaydi. Paypaslab k o‟rilgandagina 
qorinning old devori churrasini aniqlash mumkin. Ko‟pincha paypaslaganda og'riq seziladi. 
Qorinning old devori churralariga mahalliy va umumiy simptomlar xos. Mahalliy simptomlari -
qaltis harakat qilganda, yurganda va paypaslaganda churra sohasida og'riqning aniqlanishi. 
Umumiy simptomlariga epigastral sohada simillovchi og'riq, dispeptik holatlar kiradi. 
Og'riqning paydo bo‟lishi qorin devori mushaklarining diastazi bo‟lganda ham uchrashi mumkin. 
Ayrim holatlarda churra xaltasiga charvining, jigarning yumaloq bog‟lamining yopishib qolganida 
ham yuzaga chiqadi. Shuning uchun qorinning old devori churralari bilan va qorinning to‟g‟ri 
mushaklari diastazi bo‟lganida operatsiyadan oldin juda sinchiklab tekshirish kerak. Oshqozon-ichak 
tizimini rentgenologik tekshirish,UTT , hatto endosqopik tekshirishlar o‟tkazilishi kerak.
Anatomiyasi. Qorinning oq chizig‟i o‟rta chiziq bo‟ylab ichki qiyshiq va ko‟ndalang 
mushaklar aponevrozlarining biriktiruvchi to‟qima tolalaridan hosil bo‟ladi. 
Kindikdan yuqorida oq chiziq eni 2-3 sm ga yetadigan, serbar, biriktiruvchi to‟qimali 
plastinkadan iborat. Qorinning to‟g‟ri mushaklari qinini hosil qiladigan aponevrozlar chiziqqa 
o'tayotganda qiya yo‟nalib bir-biri bilan kesishadi va ayrim kishilarda birmuncha kattalashib 
ketadigan va churra chiqadigan joy bo‟lib xizmat qiladigan yog'li kletchatka bilan to‟lgan 
yoriqsimon bo‟shliqlar hosil qiladi. 
Qorinning to‟g‟ri mushaklari kindikdan pastda deyarli pastda joylashgan to‟qimalar bilan 
birlashib turadi. Bunday joylashgan churralarning nixoyatda kam uchrashi shu bilan izoxlanadi. 
Qorin yuqori sohasining anatomik srukturasida ham churra bo‟rtmalari hosil bo‟lishiga sharoitlar 

---

mavjuddir. Bu sohada qorinning to‟g‟ri mushaklari diastazlari orasidagi yoriqlarni nazarda tutish 
lozim. Bu diastazlarning bir qismi V-VII-qovurg‟alarga, boshqalari esa to‟sh suyagining 
xanjarsimon o'simtasiga yopishadi. 
Mushak-aponevrotik tuzilmalar tonusi buzilganda, qorin bo‟shlig‟i ichidagi bosim oshganda bu 
yoriqlarga qorinpardasi oldidagi yog', shuningdek qorinpardasi kirib qolishi mumkin, me‟da 
kasalligi bularning qisilib kolishiga sabab bo‟lishi extimol, bor. 
Oq chiziq churralari joylashuviga ko‟ra kindik ustida joylashgan qorin ustki churralari va 
kindikdan pastda joylashgan qorinning pastki churralariga bo‟linadi. 
Qorin ichki bosimining talaygina ko'tarilishi ta‟siri natijasida aponevrozlardagi yoriqlar orqali 
(normada undan tomirlar, nervlar o‟tadi) avvaliga qorinpardasi oldidagi yog' bo'rtib chiqadi, u 
ba‟zan qorin devori mushaklarini taranglashtirilganda yumaloq zichlashma qorinpardasi oldidagi 
lipoma ko'rinishida paypaslanadi. Keyinchalik qorinparda ham bo'rtib chiqadi va haqiqiy churra 
hosil bo‟ladi.