Modulun adı: Təlim və tərbiyə prosesinin həyata keçirilməsi 175
təsvir edir, qiymətləndirmə prosesinin qanuniliyinə zəmanət verir.
Qiymətləndirmə standartları məzmun standartlarının hansı səviyyədə reallaşdığını
yoxlamaqla, baş vermiş dəyişikliklərin dərəcəsini müəyyən edir. Qiymətləndirmə
standartlarının təyin edilməsində imtahana əsaslanan metod vasitəsilə bütün maraqlı
tərəflərin razılığı əsasında müvafiq siniflər üzrə milli səviyyədə yekun qiymətləndirmə
(imtahan) keçirilir, nəticələr təhlil olunmaqla, standartların reallaşması təhlil edilir.
Qiymətləndirmə nəticələrinin təhlili zamanı bir sıra problem və nöqsanlar aşkar edilir.
Həmin nöqsanların səbəbi müəllimlərin tədris fəaliyyəti, metodik hazırlığı və səriştəlilik
səviyyəsinin yüksək olmamasıdır. Digər səbəblərə isə aşağıdakıları göstərmək olar:
•
Mövcud qiymətləndirmə mexanizmi təlim prosesinin ehtiyaclarına kifayətedici
səviyyədə yönəlmir, onun tərkib hissəsinə çevrilmir və keyfiyyətinin
yüksəldilməsinə xidmət etmir;
•
Bu mexanizm subyektiv xarakter daşıyır, şagirdi, bir qayda olaraq, əzbərləməyə və
əksər şagirdləri qiymət almaq xatirinə oxumağa təhrik edir;
•
Təlim prosesində yalnız formal biliklər qiymətləndirilir, çox hallarda məqsəd
qiymət yazmaqla məhdudlaşır, şagirdlərə özünüqiymətləndirmə imkanı verilmir;
•
Tədris zamanı müəllim qiymətləndirmə vasitəsilə şagirdlərlə səmərəli əks
-
əlaqə
yarada bilmir.
Şagird nailiyyətlərinin qiymətləndirilməsinin nəticələri müxtəlif səviyyələrdə
aşağıdakı beş mühüm məsələ üzrə təhlil edilir:
1.
Standart baxımından əldə edilən nəticələrin səviyyəsi;
2.
Bir qrupun nəticəsinin oxşar şəraitli digər qrupun nəticəsi ilə müqayisəsi;
3.
Zaman baxımından bir qrupun nailiyyət keyfiyyətində baş vermiş dəyişikliklər;
4.
Zaman baxımından bir qrupun nailiyyət keyfiyyətində baş vermiş dəyişikliklərin
digər qrupun nailiyyət keyfiyyətindəki dəyişikliklərlə müqayisəsi;
5.
Yeni qərarların qəbul edilməsində şagird nailiyyətlərinin nəzərə alınması.
