Мювлана ъялаляддин
Ibrahim- Ədhəmin və bir əmirin dəniz kənarında olması hekayəsinin ardı
Yüklə 2,29 Mb.
|
Ibrahim- Ədhəmin və bir əmirin dəniz kənarında olması hekayəsinin ardıO əmir görən kimi, şeyxin möcüzəsini, Balığın gəlişini iynə gətirməsini, Dedi: - Ey, balıqlar da, şeyxlikdən xəbərdardır?! Bu cılız bədəniylə, adı Dərgahda vardır. Balıq Pirdən xəbərdar, biz qəflətdə yatanıq, Onlar xoşbəxt, biz bədbəxt, bu cahanı tutanıq. Şeyxə səcdə edərək, halı xarab ağladı, Eşqi birə- min artdı, Haqqa könül bağladı. Bəs ey günahlarını, yumayan qafil, nədən?! Kimlərlə ziddiyyətdə, daima həsəddəsən?! Nəhəng Şir quyruğuyla, oynamaqmıdır fikrin?! Mələkləri tələsik, ovlamaqmıdır fikrin?! Mütləq xeyrə nə üçün, pis damğası vurursan?! Ayıq ol, alçaqlığı, nədən yüksək tutursan?! Pis nə ola bilər ki, xar olana möhtac mis, Şeyx kim ola bilər ki, kimyagərdir misilsiz! Mis əgər kimyalıqdan, üstün ola bilməsə?! Kimya misdən heç zaman, mis yaratmaz, nə etsə! Pis nə ola bilər ki, tabesiz əməl közü, Şeyx bəs kim ola bilər, əməl bəhrinin özü! Pis kim ola bilər ki, zalım, zülmətə gedən, Şeyx bəs kim ola bilər, Haqq nurunu əks edən! Pis nə ola bilər ki, yanğılı atəş, tüstü, Şeyx isə «Abi- kövsər», ona neyləyər isti?! Hər vaxt odu su ilə, qorxudurlar cahanda. Su heç zaman yanmaqdan, qorxmaz, ondan amanda. Ayın surətində də, eyb axtaran olmusan, Sanki Behişt mülkündə tikan dərən olmusan! Behiştə girsən əgər, orda tikan axtarsan?! Tikan tapa bilməzsən, özün tikan olarsan! Günəş şığıyan zaman, yer altı axtarırsan, Cumursan evə tərəf, qaraltı axtarırsan! Dünyanı şəfəqiylə, Günəş bəzərsə əgər?! Hər bir yarasa harda, Ondan gizlənə bilər?! Eyiblər, qocaların izi ilə, yox olar! Qeyiblər, qocaların qibtəsiylə, çox olar! Bir yükə uzaq qalıb, kömək eyləsən əgər, Xəta vaxtı cəldliklə, qurtuluşun dirçələr! Nə qədər Haqq yolundan, xoş nəsimin əsirsə?! Neçin rəhmət suyunun, qarşısını kəsirsən?! Uzaqda olsan da sən, «Belədir Haqqdan höküm»! «Vəmin həysu makuntun, fəvəlli vucuhukum»!385 Ulaq əgər batarsa, parlçıqlığa bir yerdə?! Həmin yerdən keçərkən, tullanar, keçməz bir də! Yeri hamarlamasan, onun keçməsi üçün, O yerdən keçməz, bilər, ziyanlıdır onunçun! Duyğun ulağınkından azmıdır, sən ey qafil?! Qəlbin palçıq layından, atlanmadı, bunu bil! Gil, palçıq, təfsirindən, icazə istəyirsən, Çünki ondan hələ də, əl çəkmək istəmirsən?! Bu heç mənə rəvamı, özümü məcbur edim?! Kərəmindən pay almaq, haqqından uzaq gedim?! Sən ondan asılısan, özün kor söhbətinlə, Nə götürdün görmürsən, qürurlu niyyətinlə! Deməsinlər, burada mənalı söhbət yoxdur?! Ey bayırı axtaran, mağarada sirr çoxdur! Mağarada söhbət yox, ey oğul idrak eylə, Atlılar uzaqlaşdı, su tapmaq məqsədiylə. Bütün bu danışıqlar, gizli saxlayır onu, O, söylər məndən nə vaxt, xəbərdar olduğunu. Düşmən məndən xəbərdar, olmuş olsaydı əgər?! Necə səsləyərdi bəs, harda olmuş söhbətlər?! Açılmayana qədər, çölə çıxmayana dək, Bu rişxəndli söhbətdən ey qafil, əlini çək!
- «Allah məndən görmüşdür, çoxlu günah, söylədi!» Çoxlu günahlar ilə, zülümlər görmüş məndən, Onsuz da, Haqq tərəfdən, mənə pay yox kərəmdən! Haqqı – Taala Şöyübün, qulağına vəhy dedi! Fəsih diliylə ona, cavab bəyan eylədi! «Günahlar eyləyənə, günahım çox deyənə!» Söylə mənim dilimdən, məndən gileylənənə! De ki, nəhs danışırsan, bəxti qarasan səfeh! Doğru yolu buraxıb, getdin hara sən səfeh?! Dəfələrlə tutuldun pis əməllə, qanmadın?! Ayaqdan başa qədər zəncirlədim qalmadın?! Daxili «pasın» səni, «qara qazan» eyləmiş! Iç siman dəyişdirmiş, yolu azan eyləmiş.387 Qəlbindəki paxırlar yığılmış üst- üstünə, Cəmlənərək kor etmiş, görmürsən sirrlər yenə! Təzə qazana tüstü dəyərsə, izi qalar, Əgər çayda da yüsən, qazana ləkə salar! Hər bir şey əkslikdən, tapılar, peyda olar, Ağlığın üzərində qaralar rüsvay olar! Tüstünün təsirindən qazan qaralsa əgər, Qazanın rəngi- ruhu, ondan sonra dəyişər! Dəmirçi işləyən kəs, zənci olarsa əgər, Tüstü üzünə dəysə,tüstüylə həmrəngləşər. Dəmirçi işləyən kəs, Rumlu olarsa əgər, Sifəti ala- bula olar, qoşa rəngləşər! Günahın təsirini sonradan başa düşər, Naləvü- zar eyləyib, Allahdan kərəm dilər. Sirrləri dərk eyləsə, pis xislətin tərk etsə, Gözləri qarşısında, toz pərdəsin dərk etsə, Tövbə eyləməsə də, sonucda şirinləşər. Qəlbindən qəbahəti yox edib, dərinləşər. Peşmançılıq olmasa, «Ya Rəbb» sözün deməsə?! Qəlb güzgüsündə olan, beş qat «pası» yumasa?! Onun «dəmir» qəlbini, paslar yeyib qurtarar. Qəlb dəyərin itirər, «paslar» nurun aparar. Ağ kağıza yazını əksiylə yazsan əgər?! O kağız üzərində yazdıqların görünər, Yazılmışın üstünə, yazı yazsan yenidən?! Oxumaq çətinləşər bilməzsən bəhsi nədən! Çünki qara düşmüşdür qaraların üstünə, Hər iki xətt korlanmış mənasızlaşmış yenə. Üçüncü dəfə yenə, üstündən yazsan əgər?! Kafərin canı kimi, boğular, ölgünləşər! Bəs bunun çarəsi nə, pənah çarə edənə!388 Misdən naümüdsənsə, dəxil düş iksirinə! Tam ümüdsiz həyatın, Onu389 önünə çəkdi, Cana doyduğu dərdi, özündən yana əkdi! Şöyüb bu nöqtələri, ona söyləyən zaman, Bir an ruhu qəlbində, «güllərin» acdı tamam! Onun ruhu eşitdi, «Asimani- vəhyləri!» Hər iki dünya üçün, bəhrələndi hər yeri! Şöyüb dedi:- Ya Rəbbim, yoxluğumu istəyir?! Vəhyi gözümə çəkib, səndən öndəyəm deyir?! Haqq dedi:- «Mən Səttaram, sirrləri tam açmaram!» Bircə rəmzdən savayı, sirr şəfəqi saçmaram! O, rəmzdən bir nişanə, alaram uzaq getməz! Inandığı duanı, kar edərəm eşitməz! Namaz ilə zəkatdan, qeyri olan işləri, Bir zərrə saxlamaram, zövqün alan işləri. Itaət eyləyəcək, rütbələr həvəsiylə, Lakin zərrə qədər də, dad almaz nəfəsiylə! Itaəti sınıqsa, məna da sınıq olar. Qoz çoxdur, lakin içi, ikidən birində var! Elə itaət lazım, zövqlər bəhrəsin versin, Elə iç lazımdır ki, ağac dənəsin versin! Dənənin içi yoxsa, necə fidan görəcək?! Cansız şəkil tək olar, xəyal dadın verəcək! Şöyüb onun yadına bu nöqtələri saldı. Ulaq təfəkürüylə palçığa batıb, qaldı. Yüklə 2,29 Mb. Dostları ilə paylaş:
|