Məada şübhənin kökü nədir? Soruşulur ki, ölülər uzun bir müddətdən sonra necə dirilə bilər? Çürümüş, ətrafa səpələnmiş sümüklər necə bərpa olar? Ölülər yenidən dirildikdən sonra bütün insanların əməllərini hesaba çəkmək olarmı? Allah-təala hazırkı ayədə bütün suallara cavab verməklə şübhələri aradan qaldırır. Buyurulur ki, bütün insanları diriltmək Allah üçün bir nəfəri yaratmaq kimidir. Vaxt bu işdə maneə deyil. Allah zümzümələri eşidir, baş verənləri görür, bütün rəftar və əməllərdən xəbər tutur və hamı ilə hesab çəkir.
