4-bob. Ta’lim kreditini qaytarish tartibi 21. Ta’lim kreditining asosiy qarz to‘lovlari kredit oluvchi tomonidan ta’lim
krediti shartnomasida ko‘rsatilgan shartlarda to‘lanadi.
22. Kredit oluvchi (birgalikda kredit oluvchi) ta’lim krediti bo‘yicha asosiy
qarzni ta’lim krediti shartnomasida belgilangan muddatlardan oldin qaytarishga
haqlidir.
23. Kredit oluvchi ta’lim krediti bo‘yicha asosiy qarzni ta’lim krediti
shartnomasida belgilangan muddatlarda qaytarmasa, tijorat banki ta’lim krediti
bo‘yicha muddati o‘tgan qarzdorliklarni o‘zining ichki hujjatlariga asosan qaytarish
choralarini ko‘radi.
24. Kredit oluvchi ta’lim krediti bo‘yicha asosiy qarzni kredit shartnomasida
belgilangan muddatlarda qaytarmagan taqdirda, tijorat banki kredit shartnomasiga
asosan muddati o‘tgan qarz bo‘yicha neustoyka yoki boshqa turdagi jarima
hisoblashi va ushbu neustoyka (jarima) summasini qarz oluvchidan (birgalikda qarz
oluvchidan) undirishga haqli.
Muddati o‘tgan qarzdorlik bo‘yicha hisoblangan neustoyka (jarima)
Jamg‘arma mablag‘lari hisobidan undirilishiga yo‘l qo‘yilmaydi.
25. Bosh bitimga muvofiq tijorat banklari qarz oluvchilarga ajratilgan ta’lim
kreditlari foizlarini qoplash yuzasidan talabnomani shakllantirib, Jamg‘armaga
taqdim etadi.
26. Jamg‘arma tomonidan har uch oyda tijorat banklari tomonidan berilgan
talabnomaga muvofiq besh ish kunida tijorat banklarida ochilgan alohida hisob
varag‘iga ta’lim krediti foizlarini qoplash uchun tegishli mablag‘larni o‘tkazib
beradi.
27. Moliya vazirligi tomonidan tijorat banklariga joylashtirilgan ta’lim krediti
uchun depozitni qaytarish tijorat banklari va Moliya vazirligi o‘rtasida tuzilgan
depozit shartnomasida belgilangan tartibda va muddatlarda amalga oshiriladi.
5-bob. Yakunlovchi qoidalar 28. Mazkur Nizomni qo‘llashda yuzaga keladigan nizolar qonunchilik
hujjatlarida belgilangan tartibda hal etiladi.
29. Ushbu Nizom talablarining buzilishida aybdor bo‘lgan shaxslar
qonunchilik hujjatlarida belgilangan tartibda javob beradilar.
