O`zbekiston respublikasi oliy va o`rta maxsus

O`ZBEKISTON RESPUBLIKASI OLIY VA O`RTA MAXSUS
TA`LIM VAZIRLIGI


BUXORO DAVLAT UNIVERSITETI


BOSHLANG'ICH TA'LIM VA SPORT TARBIYAVIY ISHI YO'NALISHI

“MATEMATIKA O'QITISH METODIKASI” fanidan

“BOSHLANG'ICH SINFLARDA ALGEBRA ELEMENTLARINI O'RGATISH METODIKASI” mavzusidagi

KURS ISHI


Bajardi: 9-13 BTUS-19 guruh talabasi
Zayniyeva Feruza


Ilmiy rahbar:
Buxoro-2022


REJA:


KIRISH
I BOB. BOSHLANG‘ICH SINFLARDA ALGEBRA ELEMENTLARINI OʻRGATISH METODIKASINING UMUMIY MASALALARI.
1.1. Boshlang'ich sinflarda algebra elementlarini o'rgatish metodikasi
1.2. Bolalarda massa va sig‘im haqidagi tasavvurlarni shakllantirish metodikasi.
1.3. Uzunlik va uning biliklari bilan tanishtirish metodikasi
II BOB ALGEBRAIK MATERIALLARNI O‘RGANISH METODIKASI
2.1. Geometrik materiallarni o‘rgatish metodikasi
2.2. O‘quvchilarni geometrik figuralar bilan tanishtirish metodikasi.
2.3. Tenglik va tengsizliklami o‘rgatish metodikasi bilan tanishtirish.
XULOSA
FOYDALANILGAN ADABIYOTLAR RO`YXATI
KIRISH


Mavzuning dolzarbligi. Boshlang’ich sinflar dasturida algebra materiali mustaqil bo’lim sifatida ajratilmagan. Boshlang’ich matematika kursida algebra elementlarini o’rganish arifmetikani o’rganish masalalari bilan uzviy bog’liqdir. Hozir amal qilinayotgan dasturga muvofiq o’quvchilar matematik ifodalar, sonli tengliklar va tenglamalar haqida boshlang’ich ma’lumotlar olishlari lozim, harfiy simvolika, o’zgaruvchi tanishishlari, eng sodda tenglama va tengsizliklami yechishni o’rganishlari kerak.
Algebra materialini o’rganishning har bir bosqichida o’qituvchi qiladigan ishni ko’rib chiqamiz.
Matematika bolalarda tafakkur, xotira, diqqat, kuzatuvchanlik, ijodiy fikrlashni rivojlantirishga imkon beradi. Shuningdek, matematika o’quvchilarning mantiqiy fikrlash malakalarini o’stirishi, ularning o’z fikrlarini aniq to’g’ri va tushunarli bayon etishi uchun zamin hozirlaydi.
Agarda tarixga nazar tashlasak ota-bobolarimiz bizga: vaqtni qadrla uyro’zg’oring but bo’lishi uchun narsalarni isrof qilma, suvni teja, chiroqni yoqish va o’chirishni bil, bir chimdim tuz bo’lmasa ovqatni yeb bo’lmasligini, har bir sohada tartibli, tejamli bo’lishimizni talab qilishgan. Bu saboqlarga tayanib biz hozirgi hayotimizni to’g’ri yo’lini tutmoqdamiz. Hatto maktabning boshlang’ich sinf davrlaridanoq matematika dasturida hisoblash bilan turli miqdorlarni o’rganish nazarda tutilgan. Miqdorlarsiz tabiatni va umuman borliq olamni o’rganish mumkin emas. Miqdorlarda turli obektlarning, borliq dunyoning o’ziga xos xususiyatlari aks etgan. Miqdor bu narsa yoki hodisaning biror xossasi bo’lib, uni boshqa narsa yoki hodisaning shu xossasi bilan taqqoslash va ulardan qaysi biri shu xossaga ko’proq darajada ega ekanligini aniqlash mumkin.
Miqdor tushunchasi murakkab tushuncha bo’lib, boshlang’ich sinflarda to’rt yil o’qish davomida shakllantiriladi. Boshlang’ich maktabning vazifasi shundan iboratki, u bolalarda miqdorlarni o’rganishning tushunarli usulini hosil qilishdir, buning natijasida miqdorlar massalar va hodisalarning o’lchash bilan bog’liq bo’lgan xossalari ekanligi haqida dastlabki tasavvurlar hosil bo’lishi kerak. Boshlang’ich sinf matematika dasturiga asosiy miqdorlar sifatida uzunlik sig’im, massa, vaqt, hajm haqida dastlabki tasavvurlar berish nazarda tutilgan.
Kurs ishining maqsadi - boshlang’ich sinf o’quvchilarining matematik bilimlarini shakillantirishning nazariy va uslubiy asoslarini ishlab chiqarishdan iboratdir.