| Kimyoviy ko `pikli o`t o`chirish asboblari qattiq moddalami hamda maydoni 1 m2 gacha boigan suyuq yonuvchi moddalarni o`chirishda ishlatiladi. Ular bilan kuchlanish ostidagi uskunalarni o`chirib boimaydi. 12.4 – rasmda КҲКЎ – 10 o`t o`chirish asbobining sxernasi keltirilgan. Kavsharlangan po`lat ballon ichiga ishqor aralashmasi (NaOH), polietilen stakanga esa sulfat kislotasi to`ldiriladi. Bu ikki suyuqlikni aralashtirish natyasida kimyoviy ko`pik hosil bo`ladi. Buni amalga oshirish uchun tutqichni qarama-qarshi tomonga burab stakanning tiqini ochiladi va po`lat ballonni 180° ga buriladi. Stakandagi kislota teshikchalar orqali oqib chiqib ishqorga aralashadi va reaksiyaga kirishib ko`pikka aylana boshlaydi. Ko`pik hajmi juda tez kengaya boradi va ballon ichida 0,08—0,14 MPa miqdorida bosim hosil qiladi. Hosil bo`lgan ko`pik teshikcha orqali otilib chiqa boshlagach, uni alanga chiqqan yerga yo`naltirish kerak.
Bu o`t o`chirish asbobida xavfsizlikni ta`minlash uchun teshikchani sim bilan oldindan tozalab keyin ishga tushirish kerak. Aks holda ko`pik qotib qolib teshikchani berkitib qo`ygan bo`lsa, ballon portlab ketishi ham mumkin. Bundan tashqari, har yili po`lat ballonni 2 MPa gidravlik bosimda sinab ko`riladi, so`ngra kislota va ishqor bilan qaytadan to`ldiriladi.
Dostları ilə paylaş: |
