Sharof rashidov nomidagi samarqand davlat universiteti huzuridagi ilmiy darajalar beruvchi ds
Yüklə 1,45 Mb. Pdf görüntüsü
|
| Uchinchidan,
samarali jamoatchilik nazoratini tashkillashtirish, uni amalga oshiruvchi ijtimoiy mexanizmlarning huquqiy maqomini mustahkamlash, bu yo‘nalishda faoliyat olib boruvchi institutsional tizim rivojiga ko‘maklashish maqsadida 2018 yil 4 iyulda “Davlat organlari huzurida jamoatchilik kengashlari faoliyatini tashkil etish chora-tadbirlari to‘g‘risida”gi (PQ-3837-son) O‘zbekiston Respublikasi Prezidenti qarori tasdiqlandi. Ushbu qarorni qabul qilishdan maqsad: − mamlakatimizda mustaqil fuqarolik institutlarini rivojlantirish va mustahkamlash, ularning erkin faoliyati kafolatlarini ta’minlash, davlat organlarining fuqarolar bilan yaqin hamkorligini yo‘lga qo‘yish, ularning ochiq, shaffof va oshkora faoliyat ko‘rsatishini ta’minlash, davlat organlari faoliyati ustidan ta’sirchan jamoatchilik nazoratini o‘rnatishda; 129 − davlat organlarining nodavlat notijorat tashkilotlari va fuqarolik jamiyatining boshqa institutlari bilan ijtimoiy sherikligini amalga oshirishning huquqiy mexanizmlari yaratishda; − davlat organlari faoliyati ochiqligini ta’minlashning huquqiy asoslari shakllantirishda; − jismoniy va yuridik shaxslar murojaatlarini ko‘rib chiqish tizimi tubdan isloh qilish, korrupsiyaga qarshi kurashish mexanizmlarining qonunchilik asoslari yaratishda[101] jamoatchilik kengashlari faoliyatidan samarali foydalangan holda ta’sircha jamoatchilik nazorati mexanizmini joriy etishga qaratildi. Jamoatchilik kengashlari jamoatchilik nazorati ta’sirchanligini oshirish bo‘yicha katta imkoniyatlarga ega hisoblanadi. Xususan, vakolatli uyushma sifatida quyidagi funksiyalarga egadir: − davlat organining faoliyatiga doir masalalar yuzasidan fuqarolar, nodavlat notijorat tashkilotlari va fuqarolik jamiyati boshqa institutlarining tashabbuslari hamda murojaatlarini ko‘rib chiqishda ishtirok etadi, shuningdek, ularni ko‘rib chiqish natijalari bo‘yicha davlat organiga tegishli takliflar kiritadi; − davlat organining fuqarolar, nodavlat notijorat tashkilotlari va fuqarolik jamiyatining boshqa institutlari bilan o‘zaro hamkorligini tahlil qiladi, shuningdek, hamkorlikni takomillashtirish yuzasidan takliflar ishlab chiqadi; − davlat organi faoliyatiga taalluqli uning normativ-huquqiy hujjatlari va qarorlarini takomillashtirish, ulardagi mavjud kamchiliklarni bartaraf etish bo‘yicha takliflar ishlab chiqadi; − davlat dasturlari loyihalarini, tadbirlar rejalarini va davlat organi faoliyatiga taalluqli, shu jumladan korrupsiyaga qarshi kurashish to‘g‘risidagi boshqa hujjatlarni ishlab chiqish yuzasidan takliflar tayyorlaydi, qabul qilingan dasturlarni amalga oshirishda vakolatlari doirasida ishtirok etadi [82] hamda bajarilgan ishlarning samaradorligini tahlil qiladi. Jamoatchilik kengashining bu imtiyozlari nafaqat jamoatchilik nazoratini barqaror rivojlanishiga ta’sir etadi, balki jamiyatda demokratik institutlarning o‘rni va mavqeini ham oshishiga turtki bo‘ladi. Chunki, har bir davlat idoralari qoshida 130 tashkil etilgan bunday kengashlar faoliyati birinchidan, davlat organlari faoliyati ustidan samarali jamoatchilik nazoratini o‘rnatishga ko‘mak bersa, ikkinchidan, davlat organlari ongidan “bizni qilayotgan ishlarimizdan jamoatchilik bexabar” [104] degan tushunchani chiqishiga olib keladi. Bir so‘z bilan aytganda jamoatchilik kengashi – xalq va uning manfaatlarini qondirilishi uchun xizmat etuvchi jamoatchilik organi hisoblanadi. Ammo, bu Kengashning ishlash faoliyatini yanada demokratlashtirish, xalq manfaatlari ustuvorligiga qaratilgan vazifalari ijrosi ustidan ham nazorat o‘rnatish zaruratini hayotning o‘zi ko‘rsatmoqda [104] . Shu sababli, jamoatchilik kengashlarining quyidagi vazifalarini tizimli, ya’ni vijdonan bajarish mexanizmini ishlab chiqishni quyidagicha taklif etildi: 1. Davlat xizmatlarini ko‘rsatish, ijtimoiy sheriklik doirasida amalga oshiriladigan bitimlar, shartnomalar, loyihalar va dasturlarni ro‘yobga chiqarish bo‘yicha davlat organi va uning mansabdor shaxslarining faoliyati ustidan jamoatchilik nazoratini amalga oshirish; 2. Davlat organining nodavlat notijorat tashkilotlari, ommaviy axborot vositalari va fuqarolik jamiyatining boshqa institutlari bilan samarali hamkorligini ta’minlash uchun davlat organini fuqarolar bilan bog‘lab turadigan “ ko‘prik ” rolini bajarish; 3. Davlat boshqaruvi organlariga nodavlat notijorat tashkilotlari va fuqarolik jamiyatining boshqa institutlaridan kelib tushgan sotsial va ijtimoiy ahamiyatga molik loyihalarni umumlashtirish va baholash; 4. Fuqarolarning huquqlari, erkinliklari va qonuniy manfaatlariga daxl qiluvchi eng muhim masalalar yuzasidan davlat organining faoliyati haqidagi jamoatchilik fikrini tizimli monitoring qilish va har tomonlama tahlil qilish; 5. Davlat organi faoliyatining ochiqligini ta’minlash bo‘yicha amalga oshirilayotgan tadbirlarni monitoring qilish, uning faoliyati to‘g‘risida batafsil axborot olish imkoniyatlarini tahlil qilish, ularni yanada kengaytirish bo‘yicha takliflar ishlab chiqish; 131 6. Davlat organi faoliyatini isloh qilishda fuqarolar ishtirok etishi uchun yaratilgan shart-sharoitlarni o‘rganish va ularni yaxshilash bo‘yicha takliflar ishlab chiqish [101] va hokazolar. Ushbu paragraf bo‘yicha olingan ilmiy-nazariy natijalar asosida quyidagi xulosaga kelindi: Yüklə 1,45 Mb. Dostları ilə paylaş:
|