G‘ovakli qilib xromlash – g‗ovakli xromning silliq xromdan
asosiy farqi shuki, g‗ovakli xrom moy pardasini yaxshi tutib turadi. Bu
esa silliq xromning issiqbardoshlik va korroziyabardoshlik xossalariga
ega bo‗lgani holda detallarni quruq hamda chegaraviy ishqalanishdan
saqlaydi va yeyilishga chidamliligini oshiradi. Bu usuldan ko‗p
hollardai, chegaraviy ishqalanish bilan ishlaydigan detallarni, masalan,
gilzalar, porshen xalqalarini, xromlashda foydalaniladi.
Anodiy purkama xromlash usuli detallar sirtqi yuzalarining
ma‘lum joyini xromlashda qo‗llaniladi. Bu usul detallarni vannaga botir-
may xromlash imkonini beradi va yirik o‗lchamli detallarni xromlashda
qo‗l keladi.
Temirlash – xlorli elektrolitlardan yeyilishga chidamli qattiq
qoplamalar hosil qilish jarayonidir.
Fosfatlash – po‗lat detallar sirtida himoya pardalar hosil qiluvchi
kimyoviy jarayondir. Himoya parda fosfor, marganets va temir
tuzlaridan iborat bo‗ladi. Parda qalinligi 8...40 mkm bo‗lib, g‗ovak biroz
qattiq va yaxshi moslanuvchan bo‗ladi.
Nikellash – nikel-sarg‗ishroq tovlanadigan kumush rang tusli
qattiq va bolg‗alanuvchan metal. U yaxshi pardozlanadi va atmosfera
ta‘siriga juda yaxshi chidaydi. Nikelga ishqorlar ta‘sir etmaydi.
Ruxlash – rux kumush rang tusli nisbatan qattiq metall, kislota va
ishqorlarda oson eriydi. Qurilish va melioratsiya mashinalarining mayda
mahkamlash detallari ruxlash yo‗li bilan zanglashdan himoya qilinadi.
Ruxlash sulbfat kislotali elektrolitlarda bajariladi.
Mislash – mis och qizil tusli zich, qovishqoq va bolg‗alanuvchi
metall. U yaxshi pardozlanadi va bosim ostida yaxshi ishlanadi; Miss
elektrni juda yaxshi o‗tkazadi. Shu bilan birga miss nitrad, xromatlar va
kontsentirlangan qaynoq sulfat kislotada oson eriydi. Elektrolitik
mislash protsessii qadimdan ma‘lum.
